განაგე საქმე ჩუენი. რამეთუ დამძიმდა დგომა ჩუენი ქუეყანისა / ამისთჳს მოოჴრებულისა".
Line of edition: 2
ხოლო ვიდრე მისლვამდე მოციქულთა ფრიად მწუხარე (!) იყო კეისარი. არამედ
Line of edition: 3
რაჟამს უთხრეს, ვითარმედ ტყუე პირველ შეპყრობილი და ტყუე ერისაგან მეოტისა
Line of edition: 4
ყოველი დაუკლებელად განუტეობია, მაშინ განიხარა ფრიად და ყოველთა დაუტევეს
Line of edition: 5
მწუხარება. და შეჯდა მეფე ნავსა და განვიდა სამასითა დრომონითა, სუბუქად გამოვიდა
Line of edition: 6
ზღჳს-კიდესა, და მოუწოდა ვახტანგს; და ყვეს ურთიერთას აღთქმა და ფიცი, და განაგეს
Line of edition: 7
საქმე წინდობისა. და უკუ-მოსცა კეისარმან საზღვარი ქართლისა, ციხე თუხარისი
Line of edition: 8
და კლარჯეთი / ყოველი, / ზღჳთგან ვიდრე არსიანთამდე, და ჴევნი რომელნი მოსდგმანან
Line of edition: 9
ღადოთა.
Line of edition: 10
და გამოიკითხა კეისარმან საზღვარი საბერძნეთისა, ქუეყანა ზღჳს-პირისა, რომელ
Line of edition: 11
არს აფხაზეთი, და რქუა ესრეთ: "ეგრის-წყლითგან ვიდრე მდინარედმდე მცირისა
Line of edition: 12
ხაზარეთისა - ესე საზღვარი არს საბერძნეთისა ალექსანდრობითგან, რომელი აწ შენ
Line of edition: 13
მიგიღია მკლავითა ჩუენგან. აწ იგი უკუ-მოგუეც, და ოდეს წარიყვანე/ბდე ცოლსა
Line of edition: 14
შენსა, ასულსა ჩემსა, მაშინ მოგცე მისგან ქუეყანა" და დაუწერა ეგრის-წყალსა და
Line of edition: 15
კლისურასა შუა ქუეყანა ზითვად, და სხუა აფხაზეთი უკუ-სცა ვახტანგ ბერძენთა.
Line of edition: 16
და წარმოვიდა ვახტანგ გზასა კლარჯეთისასა, და სპანი მისნი განუტევნა გზასა
Line of edition: 17
სომხითისასა. და ვითარ მოიწია თუხარისად, მიხედნა და შეუყუარდა ციხე, და თქუა:
Line of edition: 18
"ჭეშმარიტად თუ ხარ შენ ციხე" და ვითარ-ცა წარმოვიდა, იხილა კლდე შუა კლარჯეთსა,
Line of edition: 19
რომელსა სოფელსა ერქუა არტანუჯი. და მოუწოდა არტავაზს, ძუძუს-მტესა მისსა,
Line of edition: 20
და დაადგინა იგი ერის-თავად; და უბრძანა, რათა ააგოს ციხე არტანუჯისა; და უბრძანა,
Line of edition: 21
რათა გამონახოს ჴევსა მას შ/ინა ადგილი სამონასტრე და აღაშენოს ეკლესია, და
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
