ხოლო არტავაზ აღაშენა ციხე არტანუჯისა, და მონასტერი რომელ არს ოპიზა,
Line of edition: 4
და სამნი ეკლესიანი: დაბა მერისა, შინდობისა და ახიზისა. და განაახლა ციხე ახიზისა,
Line of edition: 5
და ქმნა იგი ქუაბად.
Line of edition: 6
და ვითარ წარმოვიდა ვახტა/ნგ და მოვიდა ქალაქად თჳსად მცხეთად, იყო სიხარული
Line of edition: 7
დიდი და მადლისა მიცემა ღმრთისა, რამეთუ მოვიდა იგი მშჳდობით. და მისცა
Line of edition: 8
ნიჭი დიდი ერსა თჳსსა.
Line of edition: 9
ხოლო მეფემან სპარსთამან ვითარ-ცა ცნა, ვითარმედ მიიქცა ვახტანგ ბერძენთა
Line of edition: 10
კერძო, შეიქცა სპარსეთად და მოკუდა. და დაჯდა მეფედ ძე მისი, და ვიდრე მოიწიფებოდა
Line of edition: 11
იგი, წარჴდა ამას შინა წელიწადი სამი.
Line of edition: 12
ხოლო ვახტანგ მეფესა უშვნა ცოლმან ძე და ასული მარჩბივად, და მოკუდა
Line of edition: 13
შობასა შინა ბალენდუხტ დედოფალი, ასული სპარსთა მეფისა. ხოლო ვახტანგ უწოდა
Line of edition: 14
ძესა თჳსსა სახელი სპარსულად დარჩილ და ქართულად დაჩი. მაშინ ვახტანგ მეფემან
Line of edition: 15
ვერ მოიცალა მოყვანებად ცოლი ბერძენთა მეფისა ასული, და ვერ-ცა კათალიკოსისა
Line of edition: 16
და / ეპისკოპოსთა, რამეთუ მოელოდა იგი სპარსთა მეფისა მოსლვასა: / ამაგრებდა
Line of edition: 17
ციხეთა და ქალაქთა, და ჰკაზმიდა მჴედართა, და განამზადებდა ბრძოლად სპარსთა.
Line of edition: 18
მაშინ შეაგდო საპყრობილესა შინა ბინქარან მაცთური, ეპისკოპოსი ცეცხლის-მსახურთა,
Line of edition: 19
და მოსრნა და განასხნა ყოველნი ცეცხლ/ის-მსახურნი საზღვართაგან ქართლისათა
Line of edition: 20
ხოლო სპარსთა მეფე, შემდგომად სამისა წლისა, წარმოემართა ბრძოლად ვახტანგისად, და მოიწია ინდაბრიანთა, და დაიბანაკა მუნ. ხოლო ვახტანგ
Line of edition: 21
წარავლინა
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
