TITUS
Kartlis Cxovreba: Part No. 181

Page of edition: 183 
Line of edition: 1 
    / და მე ესე-რა შევიდოდე უკ-მოღებად მისა. აწ რ/ომელი ნაწილი მამათა შენთა
Line of edition: 2 
    არს, შენ განუყავ, შენ იცი და ბერძენთა. ხოლო სხუა ჯაზირისა მომცენ მე ბერძენთა,
Line of edition: 3 
    და რომელი ვითხოვე მე შენგან".

Line of edition: 4 
    ხოლო ვითარ-ცა ესმა ესე ლეონ ანთიპატსა, განიხარა ფრიად და თაყუანის-ცა
Line of edition: 5 
    ორთა-ვე მეფეთა, და თქუა: "ხუთნი ქალაქნი ჯაზირისანი შენდა-ვე იყვნენ, შენ-კერძნი,
Line of edition: 6 
    რამეთუ ნახევარი სიკილიისა, რომელი მოგუეღო შენგან, უკუ-გცეთ, და დღეთა ჩუენთა
Line of edition: 7 
    იყავნ მშჳდობა შორის შენსა და მისსა".

Line of edition: 8 
    და თქუა მეფემან: ვინ უწყის, თუ დასჯერდეს ბერძენთა მეფე ქმნულსა ჩუენსა.

Line of edition: 9 
    და თქუა ლეონ: "რაჟამს წარმომავლინა მე ძალად ამის მეფისა, რქუა მეფესა ჩუენსა
Line of edition: 10 
    მონაზონმან / ვინ-მე ღმრთის-მეცნიერმან, ვითარმედ სთნავს ღმერთსა მშჳდობა სამთა-ვე
Line of edition: 11 
    ამათ მეფეთა. და იქმნა-ცა ეგრე. ხოლო კეისარმან უბრძანა მწიგნობარსა და დაწერა
Line of edition: 12 
    წიგნი ზავისა. და აჰა, აქა არს აღწერილი წიგნი მისი".

Line of edition: 13 
    ვითარ-ცა ესე თქუა, წარიკითხეს წიგნი იგი, დაწერილ იყო ფიცით: "თჳნიერ
Line of edition: 14 
    მისსა, რომელი მოსცა სპარსთა მეფემან / ივბიმიანოსსა, არა ვძებნო თქუენ ზე/და"
Line of edition: 15 
    და მოუწოდა სპარსთა მეფემან ხაზართა მეფისა მოციქულსა, და უთხრა მან აღზრზენა
Line of edition: 16 
    სპარსთა ბერძენთა ზედა. მაშინ მოიღო სპარსთა მეფემან ქარტა და დაწერა ჴელითა
Line of edition: 17 
    თჳსითა წიგნი ბერძენთა მეფისა სიყუარულისა, და ჩინება საზღვართა, და სიკილიისა
Line of edition: 18 
    უკუ-ცემისათჳს. მისცა ფილისტიმი საზღვრითა იერუსალემისათა. და თქუა, ვითარმედ:
Line of edition: 19 
    "ქალაქი სჯულისა თქუენისა არს იერუსალემი". და მისცა გორგასალსა ნიჭი: ალვა
Line of edition: 20 
    ლიტრა სამი ათასი, ამბარი ლიტრა ხუთასი, მუშკი ლიტრა ხუთასი, ტაიჭი ცხენი
Line of edition: 21 
    სამი ათასი, სამოსელი ხუასროვანი ათასი და ხაზდი სამი ათასი.

Line of edition: 22 
    და წარვიდა ვახტანგ შინა; ხვალისა დღე მოუვლინა მეფემან ვახტანგს ბარზაბან,


Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.