და მოკუდა კათალიკოსი სჳმონ და დაჯდა სამოელ. და მოკუდა კათალიკოსი
Line of edition: 2
სამოელ და დასუეს სამოელ-ვე.
Line of edition: 3
ამან-ვე გუარამ კურაპალატმან განაახლა საფუძველი ტფილისისა სიონისა,
Line of edition: 4
{რომელი შემდგომად ამის გუარამისა განასრულეს აღშენება ტფილისის სიონისა: ნახევარი
Line of edition: 5
ერთმან ვინ-მე ქურივმან დედა-კაცმან, და ნახევარი ყოველმან ერმან, ჟამსა პირველის
Line of edition: 6
ადარნასე მთავრისასა, და იგი ადარნასე-ცა შეეწია აღშენებასა მისსა.}
Line of edition: 7
რამეთუ ნათესავნი მორწმუნისა მირიან მეფისანი ყოველნი ეკლესიათა მაშენებელნი
Line of edition: 8
იყვნეს.
Line of edition: 9
და მოკუდა გუარამ კურაპალატი
Line of edition: 10
<მეორმოცე ერის-თავთა-მთავარი ქართლისა სტეფანოზ. ძე გუარამ
Line of edition: 11
კურაპალატისა, ბაგრატოანი>
Line of edition: 12
და დაჯდა ძე მისი სტეფანოზ. / მეფობისა სახელი ვერ იკადრა სპარსთა და ბერძენთა
Line of edition: 13
შიშისაგან, არამედ ერის-თავთა-მთავრად ხადოდეს. და მოკუდა სამოელ კათალიკოსი, და
Line of edition: 14
ამან სტეფანოზ დასუა ბართლომე კათალიკოსად. ხოლო ესე სტეფანოზ
Line of edition: 15
იყო ურწმუნო და უშიში ღმრთისა, არა ჰმსახურა ღმერთსა, არ-ცა ჰმატა სჯულსა და
Line of edition: 16
ეკლესიათა.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.