წმიდა გობრონ და აწამეს, რომლისა წამება მისი ვრცელად აღწერა წმიდამან მამამან
Line of edition: 2
ჩუენმან სტეფანე მტბევარ ეპისკოპოსმან.
Line of edition: 3
აღიყარა მუნით და წარვიდა დვინად ქალაქად. მოვიდეს და უთხრეს, ვითარმედ
Line of edition: 4
სუმბატ მეფე შევიდა / ციხესა კაპოეტისასა; მსწრაფლ აღიყარა და მიუმცნო ლაშქარსა
Line of edition: 5
თჳსსა, რათა ყოველი კაცი, რომელი პოვონ ცოცხალი, გამოიყვანონ მის წინაშე
Line of edition: 6
მოვიდა და მოადგა ციხესა კაპოეტისასა; და ციხოვანთა დედა-წული რომელი პოვა
Line of edition: 7
გარეგნით, დაიპყრა ჴელთა. ამისთჳს / გამოსცეს ციხე და შეიპყრეს სუმბატ; წარიყვანა
Line of edition: 8
დვინს, ჩამოჰკიდა ძელსა და მოკუდა.
Line of edition: 9
შემდგომად ამისა, ვითარ გარდაჴდეს წელნი რა-ოდენნი-მე და მოეშენა ქუეყანა,
Line of edition: 10
მაშინ უჴმო კჳრიკე ქორეპისკოპოსმან კოსტანტი აფხაზთა მეფესა; / ჩავიდეს ჰერეთად და
Line of edition: 11
მოადგეს ციხესა ვეჟინისასა. აფხაზთა მეფე მოადგა ზედათ-კერძო, და
Line of edition: 12
კჳრიკე ქუემოთ. და ვითარ მისწურეს წაღებად, მაშინ ადარნასე პატრიკი მოვიდა,
Line of edition: 13
პარასკევის ჯუარსა მიუპყრა ზავის პირი, მოსცა აფხაზთა მეფესა არიში, გავაზნი, და
Line of edition: 14
კჳრიკეს ორჭობი. ვითარ დაიზავნეს, და შემოიქცეს. მოვიდა კოსტანტი, აფხაზთა
Line of edition: 15
მეფე, ილოცა ალავერდს წმიდის გიორგის წინაშე, და შემოსა ხატი მისი ოქროთა.
Line of edition: 16
ხოლო ლაშქარი მისი უმრავლესი წარავლინა გზასა გარესა და ფრიად პატივ-სცა
Line of edition: 17
კჳრიკე ქორეპისკოპოსმან, და წარ/ვიდა ქუეყანად თჳსად.
Line of edition: 18
შემდგომად მცირედთა დღეთა გარდაიცვალა კოსტანტი, აფხაზთა მეფე, და იშლებოდა
Line of edition: 19
ქუეყანა აფხაზეთისა ჟამ რა-ოდენ-მე. რამეთუ ესხნეს ძენი ორნი კოსტანტი მეფესა:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.