TITUS
Kartlis Cxovreba: Part No. 338

Page of edition: 341 
Line of edition: 1 
    ზღჳსა, რომლითა აღივსო ქუეყანა, და აგჳსტოსსა თურამეტსა მოვიდეს თრიალეთს,
Line of edition: 2 
    მანგლისს და დიდგორთა, რომელ თჳთ ფერჴთა ზედა ვერ ეტეოდეს ამათ ადგილთა.

Line of edition: 3 
    ხოლო მეფემან დავით, უშიშმან და ყოვლად უძრავმან გულითა, თუ ვითარ / წინა
Line of edition: 4 
    განაწყო სპა მისი, და თუ ვითარ ყოველი საქმე შუენიერად და ღონიერად ყო, რაბამ
Line of edition: 5 
    რა-მე წყნარად, / უშფოთველად და გამოცდილებით და ყოვლად ბრძნად განაგო, და
Line of edition: 6 
    თუ ვითარ თჳსნი სპანი დაიცვნა უვნებელად, - ამათ ყოველთათჳს არა ჩუენი, არამედ
Line of edition: 7 
    ვგონებ, რომელ ყოველთა ბრძენთა სოფლისათა ენა ვერ შემძლებელ არს მითხრობად
Line of edition: 8 
    ზედა-მიწევნით ყოველსა-ვე.

Line of edition: 9 
    რამეთუ პირველსა-ვე ომსა იოტა ბანაკი მათი და ივლტოდა, რამეთუ ჴელი მაღლისა
Line of edition: 10 
    შეეწეოდა, და ძალი ზეგარდამო ფარვიდა მას, და წმიდა მოწამე გიორგი განცხადებულად
Line of edition: 11 
    და ყოველთა სახილველად წინაუძღოდა მას და მკლავითა თჳსითა მოსრვიდა
Line of edition: 12 
    ზედა-მოწევნულთა უსჯულოთა მათ წარმართთა, რომელ თჳთ იგი უსჯულონი და უმეცარნი
Line of edition: 13 
    მოღმართ აღიარებდეს და მოგჳთხრობდეს სასწაულსა ამას მთავარ-მოწამისა
Line of edition: 14 
    გიორგისსა, და ვითარითა ღონითა მოსრნა სახელოვანნი იგი მებრძოლნი არაბეთისანი,
Line of edition: 15 
    და ანუ მეოტთა ვითარ სიმარჯჳთ და განკრძალულად სდევნნა და მოსრნა, რომლითა
Line of edition: 16 
    აღივსნეს ველნი, მთანი და ღელენი მძორებითა.

Line of edition: 17 
    ხოლო სპანი ჩუენნი და უფროსად ყოველი სამეფო აღივსო ოქროთა და ვეცხლითა,
Line of edition: 18 
    არაბულითა ცხენებითა, ასურულითა ჯორებითა, / კარვებითა, სრა-ფარდაგებითა,
Line of edition: 19 
    სხჳთა უცხოთა ჭურჭლებითა საბრძოლელთა თჳთო-სახეთათა, ქოსთა და ფილაკავანთათა,
Line of edition: 20 
    სასმურთა ტურფათა და სანადიმოთათა, საბანელთა და სამზარეულოთათა, - რაოდენმან
Line of edition: 21 
    ქარტამან და მელანმან დაიტიოს აღწერად! და რამეთუ გლეხთა იხილე-მცა,


Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.