) დიდებაჲ დიდებაჲ შენდა. დიდებაჲ
) კურთხეულ ხარ შენ უფალო რომელი მოხუედ:
უფალო აღმოიყ{ვანე}.
აგამაღლო შენ უფალო რაჲმეთუ შ{ენ}:
შიშმან უფლისამან
Ms. page: P155V შიშმან უფლისამან შესძინოს დღეთა, ხოლო წელნი უღმრთოთანი შემცირდენ.
ყოვნის მართალთა ზედა სიხარულმან, ხოლო სასოებაჲ უღმრთოთაჲ წარწყმდეს.
ზღუდე წმიდათა -- შიში უფლისაჲ, ხოლო შემუსრვაჲ -- მოქმედთა ძჳრისათა.
მართალი უკუნისამდე არა შეირყიოს, ხოლო უღმრთოთა დაიმკჳდრონ ქუეყანაჲ.
პირსა მართლისასა გამოვალნ სიბრძნჱ, ხოლო ენაჲ უწესოჲ შეიმუსროს.
ბაგეთა მართლისათა აღმოადინონ მადლი, და პირნი უღმრთოთანი დაიყვნენ.
სასწორნი სიცრუვისანი ბილწ არიან წინაშე უფლისა და სასწორი მართალი სათნო არს წინაშე მისსა.
სადა არნ გინებაჲ, მუნცა არნ შეურაცხებაჲ; პირნი მართალთანი ზრახვენსიბრძნესა.
სისრულე უძღოდის მართალთა, დაბრკოლებამან თავის-მოთნენი დაამჴუნის.
ვერ სარგებელ ეყოს ფასი დღესა რისხვისასა, ხოლო სიმართლემან იჴსნეს სიკუდილი საგან.
ხოლო ყოველივე
Ms. page: P156R ხოლო ყოველივე მხილებული ნათლისა მისგან გამოცხადნების, რამეთუ ყოველივე განცხადებული ნათელ არს,
რომლისათჳს იტყჳს: განიღჳძე, რომელსა-ეგე გძინავს, აღდეგ მკუდრეთით და განგანათლოს შენ ქრისტემან.
ეკრძალენით კეთილად, ვითარძი ხჳდოდით, ნუ ვითარცა უგუნურნი, არამედ ვითარცა ბრძენნი;
გამოიფრდიდით ჟამთა, რამეთუ დღენი ბოროტნი არიან.
ამისთჳს ნუ იყოფით უგუნურ, არამედ გულისხმა-ჰყოფდით, რაჲ-იგი არს ნებაჲ ღმრთისაჲ.
მოაქციე სული ჩემი ვიდრე შემეშინოს მე:
და იყო მოახლებული
Ms. page: P156R და იყო მოახლებულ პასექისაჲ იგი დღესასწაული ჰურიათაჲ; და აღვიდეს მრავალნი [იერუსალჱმდ] სოფლებისაგან უწინარჱს პასექისა მის, რომელსა ჰრქჳან ვნებაჲ, რაჲთა განიწმიდნენ თავნი თჳსნი.
ხოლო ჰურიანი იგი ეძიებდეს იესუს და იტყოდეს ურთიერთას, დგას რაჲ ტაძარსა მას შინა: ვითარ ჰგონებთ თქუენ, არა-მე მოვიდესა დღესასწაულსა ამას?
რამეთუ მიეცა მცნებაჲ მღდელთ-მოძღუართა მათ და ფარისეველთა, რაჲთა უკუეთუ ვინმე უწყოდის, სადა არს, აუწყონ მათ და შეიპყრან.
ხოლო იესუ უწინარჱ ექუსისა დღისა ვნებისა მის მოვიდა ბეთანიად, სადა-იგი იყო ლაზარე მომკუდარი, რომელი-იგი აღადგინა მკუდრეთით.
და დაუმზადეს მას სერი, ხოლო მსახურებდა მას მართა, და ლაზარე იყო ერთი მეინაჴეთა მისთაგანი.
ხოლო მარიამ მოიღო ლიტრა[ჲ] ერთი ნელსაცხებელი ნარდისა სარწმუნოჲსაჲ მრავალ-სასყიდლისაჲ და სცხო ფერჴთა იესუჲსთა და თმითა თჳსითა წარჰჴოცნა ფერჴნი მისნი, და სახლი იგი ყოველი აღივსო სულნელებითა მის ნელსაცხებელისაჲთა.
თქუა ვინმე ერთმან მოწაფეთა მისთაგანმან, იუდა სიმონისმან, ისკარი[ოტელმან], Ms. page: P156V რომელსა ეგულებოდა მიცემაჲ მისი:
რაჲსათჳს არა განიყიდა ნელსაცხებელი ესე სამასის დრაჰკნის და მიეცა გლახაკთა?
ხოლო ესე მისთჳს თქუა, არა თუ გლახაკთაჲ რაჲმე ზრუნვაჲ ედვა მას, არამედ რამეთუ მპარავი იყო, და გადრუცი მას აქუნდა, და შთასადებელი ეკიდა მას.
და თქუა იესუ: უტევეთ მაგას, რაჲთა დღედ საფლავად ჩემდა დაიმარხოს.
რამეთუ გლახაკნი მარადის თუქენ თანა არიან, ხოლო მე არა მარადის თქუენ თანა ვარ.
გულისხმა-ყო ყოველმან ერმან ჰურიათამან, რამეთუ იესუ მუნ არს, და მოვიდეს არა ხოლო იესუჲსთჳს, არამედ რაჲთა ლაზარეცა იხილონ, რომელი-იგი აღადგინა მკუდრეთით.
ზრახვა-ყვეს მღდელთ-მოძღუართა მათ, რაჲთა ლაზარეცა მოკლან.
რამეთუ მრავალნი ჰურიათაგანნი მოვიდოდეს და ჰრწმენ მათ იესუჲსი.
) მარიამ და მართაჲ
