Page of ms. P: _ Page of ms. L: 386R და მოიწინეს დღენი იგი სიკუდილისა მის დავითისნი. და ამცნო ძესა მას მისსა, სოლომონს, და ჰრქუა მას:
მივალ მე გზასა ყოველთა კაცთასა; შენ განძლიერდი და იყავ მამაკაც ძლიერ.
დაიცევ შენ საცვოი იგი უფლისა ღმრთისა ისრაჱლისაჲ, რაჲთა ხუიდოდი შენ წინაშე მისა სიწრფოებით; და იმარხვიდე ყოველთა გზათა მისთა და ყოველთა მცნებათა მისთა, ბრძანებათა მისთა და სამართალთა მისთა, და ჯეროვნებათა მისთა, რომელ-იგი წერილ არს Page of ms. L: 386V შჯულსა მას მოსესსა, რაჲთა წარგემართოს ყოველი, რასაცა იქმოდი და რასაცა მიხედო.
რაჲთა დაამტკიცოს ღმერთმან ყოველივე სიტყუაჲ, რომელსა მეტყოდა მე უფალი: Page of ms. L: _ Page of ms. P: 215R და-თუ-იმარხნენ შვილთა შენთა გზანი ჩემნი და ვიდოდიან წინაშე ჩემსა ჭეშმარიტე ბით ყოვლითა გულითა მათითა და ყოვლითა გონებითა მათითა, არა მოვაკლო ნათესავი შენი საყდართა ისრაჱლისათა.
და აწ შენ თჳთ უწყი, რაჲ მიყო მე იოვად, ძემან შაროელისმან, და რაჲ-იგი უყო ორთა მათ ერისთავთა ისრაჱლისათა: აბინერეზს, ძესა ნერისსა, და ამითარს, ძესა იესთერისსა, ერისთავთა მათ იუდაჲსთა, რამეთუ მოწყჳდნა იგინი და იძია სისხლი ღუაწლისაჲ ჟამსა მშჳდობისასა და დასთხია სისხლი უბიწოჲ ცხოვრებასა ჩემსადა ცხოვრებასა ნაშობისა მუცლისა ჩემისასა და ჴამლთა ჩემთა, რომელნიმესხნეს ფერჴთა ჩემთა.
და აწ ყავ შენ მისთჳს სიბრძნითა შენითა და ნუ შთაავლინებ სიბერესა მისსა მშჳდობით ჯოჯოხეთა.
და ძეთა მათთჳს ბერზელის გალადისათა ჰყო წყალობაჲ და ჰყვნე იგინი პურისმტე ტაბლასა შენსა, რამეთუ ესენი მსახურებდეს წინაშე ჩემსა, რაჟამს ვივლტოდე მე პირისაგან აბესალომისა, ძმისა შენისა.
და სემეე, ძჱ გერაჲსი იემენელისაჲ, რომელი-იგი გაბადომერით იყო, იგიცა მწყევდა მე წყევასა სიმწარისასა დღესა მას, რომელსა წარვიდოდე მე კიდედ იორდანისა ბანაკითურთ მეოტად, რაჟამს მომეგებვოდა მე იგი. და ვეფუცე მას და ვარქუ, ვითარმედ: არა მოგკლა შენ მახჳლითა.
ხოლო შენ ნუ განამართლებ მას, რამეთუ კაცი ბრძენი ხარ შენ, და გულისხმა-ყავ, რაჲ-იგი უყო მას, და შთაჰჴადო სიბერჱ მისი სისხლითა ჯოჯოხეთა.
და დაიძინა დავით მამათა თჳსთა თანა და დაეფლა ქალაქსა თჳსსა.
