Page of ms. P: _ Page of ms. L: 268V ესრე იტყუის უფალი: ვაქებდე საყუარელსა მას [ვენაჴსა] ჩემსა ქებითა სიყუარულისაჲთა. ვენაჴი იყო შეყუარებული ადგილსა პოხილსა და ადგილსა პატიოსანსა.
და ზღუდჱ გარემოვსდევ და ძნელად შევზღუდე იგი, და რქაჲ დავასხ სორექი და [. . . .] და განვსხალ და [. . . .]ითა განვამტკიცე იგი და აღვჰმართე გოდოლი მის შორის და საწნახელი [. . .] აგრითურთ განვმზადე, და ველოდე, რაჲთამცა Page of ms. L: 201R გამოიღო ყურძენი, ხოლო მან გამოიღო ეკალი და კუროისთავი.
აწ კაცთა მაგათ იუდაჲსთა, რომელნი დამკუიდრებულ ხართ იერუსალჱმს, საჯეთ შორის ჩემსა და შორის ვენაჴისა ჩემისა.
რაჲმემცა უყავ ვენაჴსა ჩემსა?
ხოლო აწ მე გითხრა, რაჲ უყო ვენაჴსა მას ჩემსა: დავარღუიო ძნელი იგი ზღუდჱ მისი და იყოს იგი დასათრგუნველ,
და განუტევე ვენაჴი იგი და არა განვსხალ; და არა მოვსთულო იგი და აღმოსცენდეს [ეკალნი], ვითარცა ოჴერსა; და უბრძანო ღრუბელთა, რაჲთა არა წუიმონ;
რამეთუ საყურძენი იგი უფლისა ღმრთისაჲ სახლი ისრაჱლისაჲ არს და კაცნი იუდაისნი _ ნერგნ[ი საყ]\უარელნი, Page of ms. L: 268V რაჲთამცა მოიღო სამართალი.
