Page of ms. P: _ Page of ms. L: 622V ხოლო მსახურებისა მისთუის წმიდათაჲსა მეტ რაჲმე მიჩს მიწერად თქუენდა.
რამეთუ ვიცი გულს\მოდგინებაჲ Page of ms. L: 623R ეგე თქუენი ჩუენდა მომართ, რომელი ვიქადე მაკედონელთა თანა, რამეთუ აქაიაჲ განმზადებულ არს შრანდითგან, და თქუენმან შურმან აღაბაძვნა მრავალნი.
მივავლინენ ძმანი, რაჲთა [არა] სიქადული იგი თქუენი თქუენდა მიმართ ცუდად იყოს ამიერ კერძო, ვითარცა-იგი ვიტყუით, განმზადებულ იყვენით;
ნუუკე მო-რაჲ-ვიდენ მაკედონელნი ჩემ თანა და გპოვნენ თქუენ განუმზადებელნი, და მრცხუენოდის ჩუენ, _ რაჲთა არა გეტყოდით თქუენ, _ ამის ჯერისათჳს.
უმჯობესად შევრაცხე, რაჲთა ვევედრო ძმათა, რაჲთა წინაჲსწარ მივიდენ თქუენდა და წინაჲსწარ განგაკრძალნენ თქუენ პირველ აღთქმულისა მისთჳს კურთხეულისა Page of ms. L: 622V თქუენისა, რაჲთა ესე განმზადებულ იყოს, ვითარცა კურთხეული და ნუ ვითარცა ანგაჰრებით.
ხოლო: რომელმან სთესოს რიდობით, რიდობითცა მოიმკოს.
კაცად-კაცადსა, ვითარცა გამოურჩევიეს გულითა, ნუ მწუხარებით, ნუცა უნებლებით, რამეთუ მხიარულებით მისაცემელი უყუარს ღმერთსა.
ხოლო ძალ-უც ღმერთსა ყოველივე საჴმარი გარდამეტებად თქუენდა, რაჲთა ყოველსა შინა მარადის ყოველი უნაკლულოდ გაქუნდეს და ჰმატებდეს ყოველსა ზედა საქმესა კეთილსა;
ვითარცა წერილ არს: განაბნია და მისცა იგი გლახაკსა; და სიმართლჱ მისი ჰგიეს უკუნისადმდე.
ხოლო რომელმან-იგი მოსცის თესლი მთესვარსა და პური საზრდელად, მოგეცინ და განამრავლენ უფალმან ნაყოფი სიმართლისა თქუენისა;
ყოველსა შინა განგამდიდრენინ ყოვლითა უხუებითა, რომელი-იგი შეიქმნების ჩუენ მიერ სამადლობელად ღმრთისა.
რამეთუ მსახურებაჲ ესე Page of ms. L: 624R ხარკისაჲ ამის არა ხოლო თუ არს აღმავსებელ ნაკლულევანებისაჲ მის წმიდათაჲსა, არამედ აღმატებად მრავალთათჳს სამადლობელად ღმრთისა.
