ამიერითგან, ძმანო, ილოცევდით, რაჲთა სიტყუაჲ ღმრთისაჲ ვიდოდის და იდიდებოდის თქუენდა მიმართ;
და რაჲთა განერნეთ უსჯულოთა და უკეთურთა კაცთაგან, რამეთუ არა ყოველთაჲ არს სარწმუნოებაჲ.
ხოლო სარწმუნო არს ღმერთი, რომელმან მტკიცე-გყვნა თქუენ და დაგიცვნეს თქუენ ბოროტისაგან.
ვესავ ღმერთსა თქუენთჳს, რამეთუ რომელი-იგი გამცენ, ჰყოთ და ჰყოფთცა.
ხოლო უფალმან წარუმართენ გულთა თქუენთა სიყუარულსა ღმრთისასა და მოთმინებასა ქრისტჱსსა.
