Page of ms. P: 353R ხოლო ჩუენ თანა-გუაც მადლობაჲ მარადის თქუენთჳს, ძმანო საყუარელნო, უფლისა მიერ, რამეთუ გამოგირჩინა თქუენ ღმერთმან ნაყოფად ცხორებისა განწმედითა სულთაჲთა და სარწმუნოებითა ჭეშმარიტებისაჲთა,
რომლითაცა გიჩინნა თქუენ სახარებითა მით ჩუენითა შესაწევნელად უფლისა ჩუენისა იესუ ქრისტჱსა.
ამიერითგან, ძმანო, მტკიცედ დეგით და შეიკრძალეთ მოძღურებაჲ ესე, რომელიცა-იგი გისწავიეს გინა სიტყჳთ, გინა წიგნით ამით ჩემითა.
ხოლო თავადმან უფალმან ჩუენმან იესუ ქრისტემან და ღმერთმან ჩუენმან, რომელმან შემიყუარნა ჩუენ და მომცა ჩუენ ნუგეშინის-ცემაჲ საუკუნოჲ Page of ms. P: 353V და სასოებაჲ კეთილი მადლითა მით
ნუგეშინის-ცემად გულთა თქუენთა და განმტკიცებად საქმითა კეთილითა და სიტყჳთა.
