Page of ms. K: _ Page of ms. L: 368R ნუ მრავალნი ჰმოძღურებთ, ძმანო ჩემნო საყუარელნო! უწყოდეთ, რამეთუ უდიდესი საშჯელი მოიღოთ;
რამეთუ ფრიად ვსცთებით ყოველი, რომელი სიტყუითა არა სცთებოდის, იგი სრული კაცი არს, შემძლებელ არს იგი აღუირსხმად ყოველსა გუამსა მისსა.
უკუეთუ ცხენსა აღუირნი აღვასხნეთ დამორჩილებად ჩუენდა, ყოველი გუამი მისი მოვაქციით.
აჰა, ეგერა, ნავებიცა იგი დიდ-დიდები, ფიცხელთაგან ქართა მიმოტაცებული, მოიქციან მცირისაგან საჭისა, ვიდრეცა მისლვად ჰნებავნ განმმართვებელსა, Page of ms. L: 368V
ეგრეცა ენაჲ მცირჱ ასოჲ არს, [და] დიდად მაღლოვის. აჰა, კუალად მცირემან ცეცხლმან რავდენი მაღნარი აღაგზნის!
ეგრეცა ენაჲ ცეცხლ არს, სამკაული სიცრუისაჲ ენაჲ დადგრომილ არს ასოთა შინა ჩუენთა, რომელი შეაგინებს ყოველსა გუამსა და აღაგზნებს ურმისთუალსა შესაქმისასა და აღგზნებულ არს გეჰენიაჲსაგან;
რამეთუ ყოველივე ბუნებაჲ მჴეცთაჲ და მფრინველთაჲ და ქუეწარმავალთაჲ და მცურვალთაჲ დაიმწყემსების, დამწყსილ არს ბუნებასა ქუეშე კაცთასა.
ხოლო ენაჲ კაცისაჲ ვერვის ჴელ-ეწიფების დამწყსად, დაუცხრომელი სიბოროტჱ, სავსე გესლითა მაკუდინებელითა.
რამეთუ მით ვაკურთხევთ ღმერთსა და მამასა, და მით Page of ms. L: 369R ვსწყევთ კაცთა, რომელნი მსგავსად მისა შექმნულ არიან.
მიერვე პირით გამოვალს კურთხევაჲ და წყევაჲ. არა ჯერ-არს, ძმანო ჩემნო საყუარელნო, [ესე ყოფად].
ნუუკუე წყაროისაგან მისგან თუალისა გამოდინებად ტკბილი და მწარჱ?
ეგებისმე რაჲა, ძმანო, ვითარმცა ლეღუმან ზეთისხილი გამოიღო, გინა ვენაჴმან ლეღუი? ეგრევე ვერცა მარილოანი წყალი ტკბილ ყოფად.
ვინ არს ბრძენ და მეცნიერ თქუენ შორის, აჩუენენ კეთილთაგან სლვათა საქმჱ თჳსი სიმშუიდითა სიბრძნისაჲთა.
უკუეთუ შური მწარჱ გაქუნდე და ჴდომაჲ გულთა თქუენთა, ნუ იქადით და სტყუით ჭეშმარიტებისათუის. Page of ms. L: 368V
... მშუმინვიერი, საეშმაკოი.
Page of ms. L: _ Page of ms. P: 207R ...სა, მშუმინვარჱ და საეშმაკოჲ:
სადა შური და ჴდომაჲ, მუნ არს შფოთი და ყოველი ბოროტისა საქმჱ.
ხოლო ზეგარდამოჲ იგი სიბრძნჱ პირველად სიწმიდჱ არს, მერმე მშჳდობაჲ, სახიერებაჲ, მორჩილებაჲ. სავსჱ წყალობითა და ნაყოფითა საქმეთა კეთილთაჲთა. განუკითხველ და შეუორგულებელ.
ნაყოფი სიმართლისაჲ და მშჳდობისაჲ მშჳდობით დაეთესვის, რომელნი ჰყოფენ მშჳდობასა.
