Page of ms. P: 224R ხუცესთა მათ თქუენ შორის ვჰლოცავ, ვითარცა თანახუცესი და მოდუაწჱ ვნებათა მათ ქრისტჱსთაჲ და მერმისა მის გამოჩინებისა დიდებისა ზიარი, მწყსიდით თქუენ შორის სამწყსოსა მას ღმრთისასა,
იღუწიდით თქუენ შორის ნუ იძულებით. არამედ ნებითა ღმრთისაჲთა, ნუცა საძაგელისა შეძინებითა, არამედ გულს-მოდგინებითა,
ნუცა ეუფლებით, ვითარცა მღდელთა მათ ზედა. არამედ სახე ექმნენით სამწყსოსა მას:
და გამოჩინებასა მას მწყემსთ-მთავრისასა მოიღოთ დაუჭნობელი დიდებისა გჳრგჳნი.
Page of ms. P: _ Page of ms. L: 412V ეგრევე ჭაბუკნი დაემორჩილენით მოხუცებულთა თქუენთა; ყოველთა ურთიერთარს სიმდაბლჱ შეიმოსეთ, რამეთუ ღმერთი ამპარტავანთა შემუსრავს, ხოლო მდაბალთა მოსცის მადლი.
და-უკუე-მდაბლდით წინაშე მტკიცესა ჴელსა ღმრთისასა, რაჲთა აღგამაღლნეს თქუენ ჟამსა მას მოხედვისასა.
ყოველი ზრუნვაჲ თქუენი მიუტევეთ მას, რომელი-იგი იღუწის თქუენთჳს.
Page of ms. L: 416R სილოანეს მიერ, ძმისა თქუენისა, სარწმუნოისა, ვითარ-იგი მცირედ მივწერე, დაგლოცავ და გიწამებ, ეგრე შემირაცხიეს, ვითარმედ ესე არს ჭეშმარიტი მადლი, რომელსაცა ზედა სდგათ.
გიკითხავს თქუენ, რომელ არს ბაბილონს რჩეულისა მის თანა, და მარკოზ, ძჱ ჩემი.
მოიკითხევდით ურთიერთას ამბორის-ყოფითა სიყუარულისაჲთა. მშჳდობაჲ Page of ms. L: 416V თქუენ თანა, ყოველნი რომელნი ხართ ქრისტე იესუის მიერ.
