Page of ms. L: _ Page of ms. P: 218V ... განიწმიდენით, განიფრთხეთ ლოცვად.
ყოვლისა წინა ურთიერთას სიყუარული განმარტებული გაქუნდინ, რამეთუ სიყუარულმან დაფარის სიმრავლჱ [ცოდვათაჲ].
Page of ms. P: 219R სტუმრის-მოყუარე იყვენით ურთიერთას თჳნიერ დრტჳნვისა.
კაცად-კაცადმან ვითარცა მოიღო მადლი ღმრთისაგან, ეგრევე მსახურებდინ ურთიერთას, ვითარცა კეთილნი მნენი მრავალფერისა მის ნიჭისა ღმრთისანი.
რომელ-იგი ვინ იტყჳნ ვითარცა სიტყჳთა ღმრთისაჲთა, რომელი მსახურებდეს ვითარცა ძალისაგან, რომელსა მოსცემს ღმერთი, რომელსა შინა იდიდებოდის უფალი ქრისტე იესუჲს მიერ, რომლისაჲ არს ძალი და დიდებაჲ უკუნითი უკუნისამდე, ამენ. Page of ms. P: 222V
საყუარელნო, ნუ გიკჳრნ თქუენ თანა განჴურვებაჲ ეგე, Page of ms. P: 223R რომელი განსაცდელად იქმნების თქუენ შორის, რეცა თუ უცხოჲ რაჲმე შეგემთხუევის თქუენ.
არამედ რაოდენ-ეგე ეზიარენით ვნებათა მათ ქრისტჱსთა, გიხაროდენ, რამეთუ გამოჩინებასაცა დიდებისა მისისასა გიხაროდის და მხიარულ იყვნეთ.
უკუეთუ იყუარებოდით სახელისათჳს უფლისა, ნეტარ იყვნეთ, რამეთუ იდიდების სული ღმრთისაჲ და თქუენ ზედა განსუენებულ არს.
ნუმცა ვის თქუენგანსა ევნების. ვითარცა კაცის-ძკლველსა, გინა მპარავსა. გინა ძჳრის-მოქმედსა, გინა ვითარცა უცხოსა მოღუაწესა.
უკუეთუ ვითარცა ქრისტეანესა ნუ ჰრცხუენინ. არამედ აღიდებდინ ღმერთსა სახელითა მისითა.
რამეთუ ჟამი პირველად სარჩელისაჲ სახლისაგან ღმრთისა იყოს, უკუეთუ პირველად ჩუენმან. რაჲ-მე იყოს აღსასრული ურჩთა მათ ზედა სახარებისა ღმრთისათა?
უკუეთუ მართალი ძნიად განერეს, უღმრთოჲ იგი და ცოდვილი სადაღა იპოვნენ?
ამიერითგან რომელთა ევნებოდის ნებითა ღმრთისაჲთა სარწმუნოებისა დამბადებელისა შეჰვედრენით სულნი თჳსნი საქმითა კეთილითა.
