Page of ms. K: _ Page of ms. P: 207R ესრევე ოდესმე წმიდანი იგი დედანი, რომელნი ესვიდეს ღმერთსა, შეიმკობდეს თავთა თჳსთა, დამორჩილებულ იყვნეს თჳსთა ქმართა,
ვითარცა-იგი სარა ერჩდა აბრაჰამსა. რამეთუ უფლით ჰხადინ მას, რომლისა-იგი იქმნენით შვილ კეთილის-მოქმედ და არა გეშინოდის არცა ერთისა შიშისა.
ქმარნი ეგრევე თანა-ეყვენით, შეუნდობდით ვითარცა უძრულსა ჭურჭელსა, დედაკაცსა მისცემდით პატივსა, ვითარცა თანამკჳდრთა მადლისა მის ცხორებისათა, რაჲთა არა დააცადონ ლოცვასა თქუენსა.
ხოლო დასასრულსა ყოველნი ერთ-ზრახვა იყვენით. {2}
Page of ms. P: _ Page of ms. L: 459R ... ამისთუის იჩინენით, რაჲთა კურთხევაჲ დაიმკუიდროთ.
რომელსა უყუარდეს სიყუარული ცხორებისაჲ და ხილვად დღენი კეთილისანი, დააცხრვენ ენაჲ ბოროტისაგან და ბაგენი ნუ იტყუიან ზაკუასა.
მოაქციენ ბოროტისაგან და ქმენ კეთილი, მოიძიე მშუიდობაჲ და მისდევდი მას.
რამეთუ თუალნი უფლისანი მართალთა მისთა ზედა და ყურნი მისნი ლოცვასა მათსა, პირი უფლისაჲ მოქმედთა ზედა ძუირისათა. Page of ms. L: 459V
ვინმე არს ბოროტისმყოფელ თქუენდა, ხოლო თქუენ კეთილის მობაძავ იქმნენით?
დაღათუ გევნებოდის სიმართლისათჳს, ნეტარ ხართ; შიშისა მათისაგან ნუ გეშინინ, ნუცა შესძრწუნდებით.
უფალი იესუ ქრისტე წმიდა ყავთ გულთა შინა თქუენთა; განმზადებულ იყვენით მარადის სიტყუის-მიგებად ყოვლისა, რომელი ეძიებდეს სიტყუასა თქუენ შორის სასოებისათჳს, არამედ სიმშუიდით და შიშით;
გაქუნდინ გონებაჲ კეთილი რაჲთა, რომელნი-იგი ძუირსა იტყოდიან, ჰრცხუენოდის მათ, რომელნი-იგი გმძლავრობენ თქუენ კეთილისათუის ქრისტეს მიმართ სლვისა.
უმჯობეს არნ, უკუეთუ კეთილსა იქმოდით, და ეგრეთ ჯერ-უჩნდეს ნებასა ღმრთისასა [ვნებაჲ თქუენი], ვიდრე ბოროტსა თუ იქმოდით;
რამეთუ ქრისტემანცა ერთგზის ცოდვათა ჩუენთათუის ივნო, მართალმან ცრუთათჳს, რაჲთა ჩუენ წარგუიდგინნეს ღმერთსა, მოკუდა ჴორცითა და ცხონდა სულითა.
Page of ms. L: 433R უმჯობეს არს, კეთილსა თუ იქმოდით, ეგრე ჯერ-უჩნდეს ნებასა ღმრთისასა ვნებაჲ იგი თქუენი, ვიდრეღა ბოროტსა თუ იქმოდით;
რამეთუ ქრისტემანცა ერთგზის ცოდვათა ჩუენთათუის ივნო, მართალმან მან ცოდვილთათჳს, რაჲთა წარგუიდგინნეს ღმერთსა; მოკუდა ჴორცითა და ცხონდა სულითა.
რომლისაგან საპყრობილესა მას შინა სულთა მივიდა და ქადაგა.
რომელნი ურჩ ოდესმე იყვნეს, რაჟამს-იგი თავს-ედვა სულგრძელებასა ღმრთისასა დღეთა მათ Page of ms. L: 433V ნოესთა, შემზადებასა კიდობნისასა, [რომელსა-იგი შინა იყვნეს მცირედნი], ესე იგი არს რვანი სულნი, განერნეს წყლისაგან.
რომლისა სახედ აწ თქუენ გაცხოვნებს ნათლის-ღებაჲ, არა ჴორცთაგან განშორებაჲ მწიკულისაჲ, არამედ გონებისა სათნო-ყოფაჲ ღმრთისაჲ აღდგომითა იესუ ქრისტესითა,
რომელი არს მარჯუენით ღმრთისა, რომელი ამაღლდა ზეცად, დაემორჩილნეს მას ანგელოზნი, ჴელმწიფებანი, ძალნი.
