Page of ms. P: 224V განიშორეთ ყოველივე სიბოროტჱ და ყოველივე ზაკუვაჲ და ორგულებაჲ, შური Page of ms. P: _ Page of ms. L: 409V ... ყოველივე გულისსიტყუაჲ,
ვითარცა აწინდელ შობილთა ყრმათა უზაკუელი იგი სძჱ გსუროდენ, რაჲთა მას შინა აღორძნდეთ ცხორებად საუკუნოდ; Page of ms. L: 410R
უკუეთუ გემოჲ გიხილავს, რამეთუ ტკბილ არს უფალი.
რომელსა-იგი მოუჴედით ლოდსა ცხოელსა, რომელი-იგი კაცთაგან შეურაცხ-იქმნა, ხოლო ღმრთისაგან _ რჩეულ და პატიოსან.
და თქუენცა, ვითარცა ლოდნი ცხოელნი, აღიშენებით სახლად სულიერად საღმრთოდ წმიდად, შესაწირავად [სულიერთა მსხუერპლთა სათნოდ] ღმრთისა იესუს მიერ.
რამეთუ წერილ არს წიგნსა: აჰა, ესერა, დავსდებ სიონს შინა ლოდსა საკიდურსა, რჩეულსა, პატიოსანსა და რომელსა ჰრწმენეს იგი, არა ჰრცხუენეს.
თქუენდა არს პატივი მორწმუნეთა მაგათ, ხოლო ურწმუნოთა _ ლოდი, რომელ შეურაცხ-ყვეს მაშენებელთა, იგი იქმნა თავ კიდეთა და ლოდი შებრკოლებისა და კლდჱ საცთ\ურებისაჲ; Page of ms. L: 409V
რომელნი-იგი შებრკოლდებიან სიტყუასა მას ურჩებით, რომელსაცა ზედა დაესხნეს.
ხოლო თქუენ, ნათესავი რჩეული, სამეუფოი სამღდელოი, თესლი წმიდაჲ, ერი მოგებული, რაჲთა სათნოებასა მისსა მიუთხრობდეთ, რომელმან-იგი ბნელისაგან გიწოდა თქუენ საკუირველსა მას ნათელსა მისსა
რომელნი-იგი ოდესმე არა ერ ღმრთისა, ხოლო აწ ერნი ღმრთისანი ხართ; რომელნი-ეგე არა შეწყნარებულ, აწ შეიწყალენით.
Page of ms. L: _ Page of ms. P: 215V საყუარელნო, გლოცავ თქუენ ვითარცა მწირთა და წარმავალთა, განეშორენით ჴორციელთაგან გულის-თქუმათა, რომელნი ეწყობიან სულსა.
სლვაჲ თქუენი წარმართთა შორის გაქუნდინ კეთილი გონებაჲ, რაჲთა რომლისათჳს ძჳრსა იტყოდიან თქუენთჳს, ვითარცა ძჳრის-მოქმედთასა, კეთილთაგან საქმეთა შეიჭურენ და აღიდებდინ ღმერთსა დღესა მას მოხედვისასა.
დაემორჩილენით ყოველსავე დაბადებულსა უფლისათჳს: გინა თუ მეფეთა,
გინა თუ მთავართა. ვითარცა მის მიერ მოვლინებულთა შურის მეძიებელად ბოროტის მოქმედთათჳს და მაქებელად კეთილის მოქმედთათჳს,
და დაყოფად პირთა კაცთა უგუნურთა უმეცრებასა.
ვითარცა აზნაურნი და ნუ ვითარცა საფარველად გაქუნ უკეთურებისა ეგე აზნაურებაჲ, არამედ ვითარცა მონანი ღმრთისანი
ყოველთა პატივ-სცემდით, ძმათა ჰყუარობდით, ღმრთისა გეშინოდენ, მეფესა დაემორჩილენით.
Page of ms. P: _ Page of ms. L: 385V მონანი დაემორჩილენით ყოვლით მოშიშებითა უფალთა თქუენთა, ნუ ხოლო სახიერთა და ტკბილთა, არამედ უსახურთაცა.
რამეთუ ესე არს მადლი უფლისაგან, უკუეთუ გონებისათჳს კეთილისა დავითმინეთ მწუხარებაჲ, გუევნებინ სიცრუით.
რომელი უმჯობეს არს, უკუეთუ ვცოდვოდეთ ..., არამედ უკუეთუ კეთილსა ვიქმოდით და გევნებოდის და მოითმენდეთ, ესე მადლი ღმრთისაგან არს.
Page of ms. L: _ Page of ms. P: 221V საყუარელნო, იჩინენითვე ამისთჳს, რამეთუ ქრისტემანცა ივნო თქუენთჳს და თქუენ დაგიტევა ჴელით-წერილი, რაჲთა შეუდგეთ კუალსა მისსა.
რომელმან-იგი ცოდვაჲ არა ქმნა. არცა იპოვა ზაკუვაჲ პირსა მისსა.
რომელი-იგი იგინებოდა და იგი არავის აგინებდა, მიეცა მსაჯულსა სიცრუვით.
რომელმან ცოდვანი ჩუენნი თავს-ისხნა ჴორცითა თჳსითა ძელსა ზედა, რაჲთა ცოდვასა განვერნეთ და სიმართლით ვცხონდებოდით, რომლისა-იგი წყლულებითა მისითა განვიკურნენით.
რამეთუ ვიყვენით ვითარცა ცხოარნი შეცთომილნი, რამეთუ მოქცეულ ხართ აწ მწყე\მსისა Page of ms. P: _ Page of ms. K: 275R მის და მოძღურისა სულთა ჩუენთაჲსა,
