Page of ms. L: 423V ესემცა პირველად უწყით, რამეთუ მოიწინენ უკუანაჲსკნელთა დღეთა კიცხევით მეკიცხელნი, გულისთქმისაებრ მათისა მრავალნი.
და იტყოდიან: სადა არს აღთქმული იგი მოსლვისა მისისაჲ? ვინაჲთგან მამათა განისუენეს, ყოველივე ესრეთ ჰგიეს დასაბამითგან დაბადებისა.
რამეთუ დაავიწყდა მათ ესე ნებსით, ვითარმედ ცანი Page of ms. L: 424R იყვნეს მაშინ და ქუეყანაჲ წყალთაგან შეიქმნა სიტყუითა ღმრთისაჲთა.
რომლისაგან მაშინდელი იგი სოფელი წყლითრღუნითა წარწყმიდა.
ხოლო აწ ცანი და ქუეყანაჲ მითვე სიტყუითა დაუნჯებულ არიან, დამარხულ დღედ საშჯელისა და წარწყმედისა უღმრთოთა კაცთაჲსა.
Page of ms. L: 428V ამისთუის, საყუარელნო, ამას მოელოდეთ და ისწრაფდით შეუგინებელად და უბიწოდ, რაჲთა იპოვნეთ მშუიდობით,
და უფლისა იგი სულგრძელებაჲ ცხორებად შეჰრაცხეთ, ვითარცა საყუარელმან ჩემმან ძმამან პავლე, მსგავსად მოცემულისა მის მისისა სიბრძნისა მისწერა თქუენდა.
ვითარცა-იგი ყოველთა შინა წიგნთა მისთა იტყუის ამისთუის, რომელ-იგი არიან ძნიად საცნაურ რაჲმე, რომელსა-იგი უსწავლელნი, დაუმტკიცებელნი გარდააქცევენ, ვითარცა სხუათა წიგნთა მსგავსად მათისა მის წარწყმედისა.
ხოლო თქუენ, ძმანო, ესე წინაჲსწარ უწყით, ეკრძალენით, რაჲთა არა უჯეროთასა მას საცთურსა ერჩდეთ და განსცვივეთ სიმტკიცისაგან თუისისა,
აღორძინდებოდეთ მადლითა და მეცნი\ერებითა Page of ms. L: 429R უფლისა ჩუენისა იესუ ქრისტესითა.
