Page of ms. P: _ Page of ms. L: 436R შვილნო ჩემნო! ამას მივჰწერ თქუენდა, რაჲთა სცოდოთვე არა; და უკუეთუ ვინმე ცოდოს, ნუგეშინის-მცემელი გუივის მამისა მიმართ იესუ მართალი.
და იგი არს მომტევებელი ცოდვათა ჩუენთაჲ, [და არა ხოლო ცოდვათა ჩუენთაჲ], არამედ ყოვლისა სოფლისაჲ.
და ამით ვცნათ, რამეთუ ვიცით იგი, უკუეთუ მცნებათა მისთა ვიმარხვიდეთ.
ხოლო რომელმან დაიმარხნეს სიტყუანი მისნი, ჭერშმარიტად სიყუარული ღმრთისაჲ მის თანა აღსრულებულ არს: ამით უწყით, რამეთუ მის თანა ვართ.
რომელმან თქუას მის თანა ყოფაჲ ჯერ-არს მისა, Page of ms. L: 436V ვითარცა-იგი თავადი ვიდოდა, ეგრეცა მისა სლვაჲ.
Page of ms. L: _ Page of ms. P: 216R საყუარელნო, არა ახალსა Page of ms. P: 216V მცნებასა მივსწერ თქუენდა. არამედ მცნებასა პირველსა. რომელი გაქუნდა დასაბამითგან. მცნებაჲ იგი პირველი არს სიტყუაჲ იგი, რომელი გასმიეს.
და კუალად მცნებასა ახალსა მივსწერ თქუენდა, რომელი არს ჭეშმარიტ წინაშე ღმრთისა და თქუენ შორის. რამეთუ ბნელი წარმავალ არს და ნათელი ჭეშმარიტი აწვე ჩას.
რომელმან თქუას ნათელსა შინა ყრფაჲ და ძმაჲ თჳსი სძულდეს, ბნელსა შინა ვალს ვიდრე აქამომდე.
და რომელსა უყუარდეს ძმაჲ თჳსი, ნათელსა შინა არს და საცთური მის თანა არა არს.
ხოლო რომელსა სძულდეს ძმაჲ თჳსი, იგი ბნელსა შინა არს და ბნელსა შინა ვალს და არა იცის, ვიდრე ვალს, რამეთუ ბნელმან დაუბრმნა თუალნი მისნი.
მივსწერ თქუენდა, შვილნო, რამეთუ მიგეტევებიან თქუენ. ცოდვანი თქუენნი სახელითა მამისაჲთა.
მივსწერ თქუენდა, მამანო, რამეთუ იცანთ პირველი იგი. მივსწერ თქუენდა, ჭაბუკნო, რამეთუ გიძლევიეს ბოროტსა. მივსწერ თქუენდა, ყრმანო, რამეთუ იცანთ მამაჲ თქუენი.
მივსწერ თქუენდა, ჭაბუკნო, რამეთუ ძრიელ ხართ და სიტყუაჲ ღმრთისაჲ თქუენ თანა დადგრომილ არს.
ნუ გიყუარნ სოფელსა ესე და ნუცაღა რაჲ სოფლისაჲ ამის, უკუეთუ ვისმე უყუარდეს სოფელი ესე, არა არს სიყუარული ღმრთისაჲ მის თანა.
რამეთუ სოფელსა შინა ესე არს გულის-თქუმაჲ ჴორცთაჲ და გულის-თქუმაჲ თუალთაჲ და სილაღჱ ამის ცხოვრებისაჲ, {1} არა არს ესე მამისაგან, არამედ სოფლისაგანი არს.
და სოფელი ესე წარჴდეს და გულის-თქუმაჲ მისი, ხოლო რომელმან ყოს ნებაჲ ღმრთისაჲ, ეგოს იგი უკუნისადმდე.
Page of ms. P: _ Page of ms. L: 437V ყრმანო! უკუანაჲსკნელი ჟამი არს, ვითარცა-იგი გასმიეს, ვითარმედ ანტექრისტე მომავალ არს და აწცა ანტექრისტენი მრავალ არიან, რომლითა უწყით, ვითარმედ უკუანაჲსკნელი ჟამი არს.
Page of ms. L: 438R ჩუენგან გავიდეს, არამედ არა იყვნეს ჩუენგანნი; უკუეთუმცა იყვნეს ჩუენგანნი, და-მცა-დგრომილ იყვნეს ჩუენ თანა, არამედ რაჲთა ცხად იყვნენ, რამეთუ არა არიან ყოველნი ჩუენგანნი.
და თქუეს ცხებულებაჲ გაქუს წმიდისაგან და იცით ყოველი.
არა ეგრე მივწერე თქუენდა, ვითარმედ არა იცით ჭეშმარიტებაჲ, არამედ იცით [იგი და] რამეთუ ყოველი ტყუილი ჭეშმარიტებისაგან არა არს.
ვინმე არს მტყუარი იგი? ანუ არა იგი, რომელმან უარ-ყოს, ვითარმედ იესუ არს ქრისტეჲ? ესე არს ანტექრისტე, რომელმან უარ-ყო მამაჲ; მან ძჱცა უარ-ყო.
ყოველმან რომელმან უარ-ყოს ძჱ, მის თანა არცა მამაჲ არს; რომელმან აღიაროს ძჱ, მამაჲცა მის თანა არს.
თქუენ რომელი გესმა პირველითგან, თქუენ თანა ეგენ; უკუეთუ თქუენ თანა\ეგოს, Page of ms. L: 438V რომელ-იგი პირველითგან გესმა, თქუენცა მამისა თანა და ძისა ეგნეთ.
და ესე არს აღთქმაჲ იგი, რომელმან აღმითქუა ჩუენ ცხორებაჲ საუკუნოი.
ესე მივწერე თქუენდა მაცთუნებელთა თქუენთათჳს.
და თქუენ ცხებულებაჲ ეგევითარი მიიღეთ მისგან, ჰგიეს თქუენ თანა, და არა გიჴმს, ვითარმცა-ვინ გასწავა თქუენ: და მანვე ცხებულებამან, გასწაოს თქუენ ყოვლისათუის, ჭეშმარიტ არს და არა არს ტყუილ, და ვითარცა-იგი გასწავა თქუენ, ეგენით მას ზედა.
Page of ms. L: _ Page of ms. K: 292R [და აწ შვი]ლნო ჩემნო . . . . . . . . . . . . . . . . . . ჟამს . . . . . . . . . . . . . . . . . . . . . . . . . . . . . . . . . . . . . . . . . . . . . .
. . . . . . . . . . . . . . . . . . . . . . . . . . . . . . . . . . . . . . . ყოველმან, რომელმან [ყოს სიმართლჱ, მისგან შო]ბილ არს.
