Page of ms. K: _ Page of ms. L: 379V ... რამეთუ ღმერთი სიყუარული არს ... Page of ms. L: 379V
ამით განცხადნა სიყუარული ღმრთისაჲ ჩუენ შორის, რამეთუ ძჱ თუისი მხოლოდშობილი მოავლინა სოფლად, რაჲთა ვცხონდეთ მის მიერ.
ამით ჩას სიყუარული ღმრთისაჲ; არა თუ ჩუენ შევიყუარეთ, არამედ მან პირველად შემიყუარნა ჩუენ და მოავლინა ძჱ თუისი მლხინებლად ცოდვათა ჩუენთა.
საყუარელნო! უკუეთუ ღმერთმან ესრეთ შემიყუარნა ჩუენ, და ჩუენცა თანა-გუაც ურთიერთას სიყუარული.
ღმერთი არასადა ვის უხილავს. უკუეთუ ვიყუარობდეთ ურთიერთას, ღმერთი ჩუენ შორის არს და სიყუარული მისი ჩუენ შორის აღსრულებულ არს.
ამით უწყოდით, რამეთუ მის თანა ვჰგიეთ და იგი ჩუენ შორის, რამეთუ სულისა მისისაგან მომცა ჩუენ.
და ვიხილეთ და ვწამებთ, რამეთუ მამამან Page of ms. L: 380R მოავლინა ძჱ მაცხოვრად სოფლისა.
რომელმან აღიაროს, რამეთუ იესუ არს ძჱ ღმრთისაჲ, ღმერთი მის თანა [არს] და იგი ღმრთისა თანა.
და ჩუენ ვიცანთ და გურწამს სიყუარული ღმრთისაჲ, რომელი აქუს ღმერთსა ჩუენდა მომართ. Page of ms. L: _ Page of ms. P: 212R რამეთუ ღმერთი სიყუარული არს. და რომელი ეგოს სიყუარულსა ზედა, იგი ღმრთისა თანა ჰგიეს და ღმერთი მის თანა.
ამით აღსრულებულ არს სიყუარული ღმრთისაჲ ჩუენ თანა, რაჲთა განცხადებულებაჲ გუაქუნდეს დღესა მას სასჯელისასა, რამეთუ ვითარცა-იგი თავადი არს, ეგრევე ჩუენ ვიდოდით სოფელსა ამას შინა.
შიში არა არნ სიყუარულსა თანა, არამედ სრულმან სიყუარულ[მან გარე განდევნის შიში], Page of ms. P: 212V რამეთუ შიშსა ტანჯვაჲ აქუს, ხოლო მოშიში იგი არა სრულ არნ სიყუარულსა ზედა.
ჩუენ ვიყუარებოდით ურთიერთას, რამეთუ ღმერთმან შემიყუარნა ჩუენ პირველად.
უკუეთუ ვინმე თქუას: მიყუარს ღმერთი, და ძმაჲ თჳსი სძულდეს, იგი მტყუვარი არს: რომელსა არა უყუარდეს ძმაჲ თჳსი, რომელი იხილა, ღმერთი, რომელი არა იხილა, ვერ ჴელ-ეწიფების შეყუარებად.
და ესე მცნებაჲ მოვიღეთ მისგან, რამეთუ რომელსა უყუარდეს ძმაჲ თჳსი {!}, ღმერთი უყუარს. ბ
Page of ms. P: 226V ამით აღსრულებულ არა სიყუარული თქუენ თანა, რაჲთა განცხადებულებაჲ მაქუნდეს დღესა მას სასჯელისასა, რამეთუ ვითარცა-იგი {!} თავადი არს. ეგრევე ჩუენ ვართ სოფელსა შინა.
შიში არა არს სიყუარულსა თანა, არამედ სრულმან სიყუარულმან გარე განდევნის შიში, რამეთუ შიშსა ტანჯვაჲ აქუს. ხოლო მოშიში იგი არა სრულ არნ სიყუარულსა ზედა.
ჩუენ ვიყუარებოდით. რამეთუ ღმერთმან პირველად შემიყუარნა ჩუენ.
უკუეთუ ვინმე თქუას: მიყუარს ღმერთი, და ძმაჲ თჳსი სძულდეს, იგი მტყუვარი არს: რომელსა არა უყუარდეს ძმაჲ თჳსი, რომელი იხილა, ღმერთი, რომელი არა იხილა. ვერ ჴელ-ეწითების შეყუარებად.
და ესე მცნებაჲ მოვიღეთ მისგან, რაჲთა რომელსა უყუარდეს ღმერთი, უყუარდეს ძმაჲ თჳსი.
