TITUS
Ioane Minchkhi, Poezia
Part No. 17
Previous part

Hymn number: 18 
Page of ed.: 169 
Line of ed.: 1BC  პირველსა კჳრიაკესა წმიდათა მარხვათასა.
Line of ed.: 2BC  [ცისკრად] ჴმაჲ გ


Line of ed.: 3BC    ვითარცა-იგი პირველადვე
Line of ed.: 4BC    ქადაგებდეს ღმრთისმეტყუელნი წინაჲსწარმეტყუელნი
Line of ed.: 5BC    საშინელსა საიდუმლოსა
Line of ed.: 6BC    ღმრთისა სიტყჳსა განჴორციელებასა,
Line of ed.: 7BC    აღსასრულსა ჟამთასა
Line of ed.: 8BC    ვიხილეთ აღსრულებად თქუმული მათი _
Line of ed.: 9BC    ვითარცა ყრმაჲ იშვა ქალწულისაგან
Line of ed.: 10BC    პირველ საუკუნეთა სიტყუაჲ მამისაჲ,
Line of ed.: 11BC    უმთავრესი ყოველთა მთავრობათაჲ,
Line of ed.: 12BC    მას ვადიდებდეთ
Line of ed.: 13BC    მამისა თანა სულით წმიდითურთ!

Line of ed.: 14    ვითარცა-იგი პირველადვე
Line of ed.: 15    უღაღადა ღმრთისმშობელსა მართალმან სჳმეონ:
Line of ed.: 16    "შენგან შობილი ესე სიტყუაჲ
Line of ed.: 17    გამოჩნდეს მრავალთა დაცემად და აღდგინებად
Line of ed.: 18    და თჳთ სულსაცა შენსა
Line of ed.: 19    განვლოს მახჳლმან მწუხარებისამან!
Line of ed.: 20    ოდეს-იგი ჰურიათა ჯუარს-აცუეს,
Line of ed.: 21    აცხოვნნა მარჯუენით აღმსარებელნი
Line of ed.: 22    და დასცნა მარცხენით უვარისმყოფელნი,
Line of ed.: 23    მას ვადიდებდეთ
Line of ed.: 24    მამისა თანა სულით წმიდითურთ".

Line of ed.: 25    საფლავსა დაფარეს დაფლვითა
Line of ed.: 26    ბუნებით თჳთ ნათელი დაუღამებელი
Line of ed.: 27    ურწმუნოთა უგულისჴმოთა,
Line of ed.: 28    ჯუარისმცუმელთა უშჯულოთა უვარისმყოფელთა,
Line of ed.: 29    რამეთუ ვერ გულისჴმა-ყვეს
Line of ed.: 30    უძლეველი ძალი მისი
Line of ed.: 31    ხოლო მან შეიცვა ჯოჯოხეთი
Line of ed.: 32    და აღდგა საფლავით მესამესა დღესა
Line of ed.: 33    და დასცნა, რომელნი ემტერნეს ამაოდ,
Line of ed.: 34    მას ვადიდებდეთ
Line of ed.: 35    მამისა თანა სულით წმიდითურთ.

Line of ed.: 36    შემდგომად მკუდრეთით აღდგომისა
Page of ed.: 170  Line of ed.: 1    მჴსნელისა და მაცხოვრისა ჩუენისა ქრისტესა,
Line of ed.: 2    ანგელოზმან ნათლისამან
Line of ed.: 3    კარისაგან საფლავისა ლოდი გარდააგორვა,
Line of ed.: 4    რაჲთა მგლოვარეთა მათ
Line of ed.: 5    არა ხოლო თუ სიტყჳთ დაარწმუნოს
Line of ed.: 6    ჴელმწიფებით აღდგომაჲ მისი,
Line of ed.: 7    არამედ რაჲთა თუალითაცა იხილონ
Line of ed.: 8    საფლავი იგი დაცარიელებული
Line of ed.: 9    და სიხარულით
Line of ed.: 10    ქადაგებდენ აღდგომასა მისსა.

Line of ed.: 11    ნუმცა არს ბრძოლაჲ ჩუენი, ძმანო,
Line of ed.: 12    ჴორცთა და სისხლთა ძმათა ჩუენთა მიმართ,
Line of ed.: 13    არამედ ვჰბრძოდით ჩუენ მტერთა მათ
Line of ed.: 14    უჩინოთა, უხილავთა, სულთა უკეთურთა,
Line of ed.: 15    რომელნი გჳმზირიან
Line of ed.: 16    სულით და ჴორცით წარწყმედასა ჩუენსა
Line of ed.: 17    და აწ აღვიჭურნეთ მათ ზედა
Line of ed.: 18    ლოცვისა და მარხვისა საჭურველითა,
Line of ed.: 19    ვითარცა ახოვანნი სამეუფონი
Line of ed.: 20    და სიწმიდისა
Line of ed.: 21    მახჳლითა ჩუენ დავსცნეთ იგინი!

Line of ed.: 22    რაჲ ვრცელ და ფართო არს გზაჲ იგი,
Line of ed.: 23    რომელი მიიყვანებს კაცთა წარსაწყმედელად,
Line of ed.: 24    ხოლო იწრო და საჭირველ არს,
Line of ed.: 25    რომელი მიმიძღუების ჩუენ ცხორებად საუკუნოდ,
Line of ed.: 26    არამედ მიდრეკილ არს
Line of ed.: 27    კაცთა ბუნებაჲ ამაოჲსა მიმართ
Line of ed.: 28    და შეუკრავთ ყოველნი მტერსა
Line of ed.: 29    საწუთროჲსა ამის სიყუარულითა,
Line of ed.: 30    არამედ შეუვრდეთ სახიერსა ღმერთსა
Line of ed.: 31    და მოვაქციოთ
Line of ed.: 32    გზათაგან უკეთურებისათა.

Line of ed.: 33    სათნო-იყო სიკეთე შენი
Line of ed.: 34    მეუფეთა მეუფემან, ქალწულო წმიდაო,
Line of ed.: 35    გაბრიელ მთავარანგელოსმან
Line of ed.: 36    გიღაღადა: "გიხაროდენ, უფალი შენ თანა".
Line of ed.: 37    შეიწყნარე სიწმიდით
Line of ed.: 38    სიტყუაჲ საშოსა შენსა, უბიწოო,
Line of ed.: 39    და ჩუენ უღირსნი გიღაღადებთ:
Line of ed.: 40    "გიხაროდენ ოქროჲსა სასაკუმევლეო,
Line of ed.: 41    რომლისაგან ვიყნოსეთ ჩუენ ანგელოზთა
Page of ed.: 171  Line of ed.: 1    სურნელებაჲ სულ _
Line of ed.: 2    და ჩუენთა განმასურნელებელი".
Hymn type:  



Next part


This text is part of the TITUS edition of Ioane Minchkhi, Poezia.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.