TITUS
Ioane Minchkhi, Poezia
Part No. 18
Previous part

Hymn number: 19 
Page of ed.: 171 
Line of ed.: 3  სხუანი. [ჴმაჲ გ.]


Line of ed.: 4BC    რომელი უწინარეს
Line of ed.: 5BC    ყოველთა საუკუნეთა იშვა ღმერთი
Line of ed.: 6BC    ჭეშმარიტი ღმრთისაგან ჭეშმარიტისა,
Line of ed.: 7BC    აღსასრულსა ჟამთასა
Line of ed.: 8BC    იშვა ჴორცითა უსძლოჲსაგან დედისა
Line of ed.: 9BC    და აცხოვნა ხატი თჳსი, ვითარცა მოწყალე არს.

Line of ed.: 10    ჯუარსა ზედა იხილეს,
Line of ed.: 11    რომელი არაჲ სადა ეხილვა
Line of ed.: 12    წინაშე მდგომთა მსახურთა მათ ზეცისათა
Line of ed.: 13    და ნეფსით თჳსით იქმნა
Line of ed.: 14    საყუედრელ კაცთა და შეურაცხ უღმრთოთა,
Line of ed.: 15    რაჲთა ცთომისა ყუედრებანი განუქარვნეს ადამს.

Line of ed.: 16    განთიად ერთშაბათსა
Line of ed.: 17    მოვიდა მაგდანელი მარიამ
Line of ed.: 18    მოყუსებითურთ სურნელითა ნელსაცხებლითა
Line of ed.: 19    საფლავსა უფლისასა
Line of ed.: 20    და იხილეს ლოდსა ზედა ანგელოზი,
Line of ed.: 21    რომელმან ახარა უფლისა მკუდრეთით აღდგომაჲ.

Line of ed.: 22    შე-რაჲ-ვიდეს ქალაქად,
Line of ed.: 23    ქადაგებდეს ქრისტეს აღდგომასა,
Line of ed.: 24    რომელნი სცვიდეს სამდღე საფლავსა შენსა,
Line of ed.: 25    ხოლო მღდელთმოძღუართა მათ
Line of ed.: 26    ვეცხლით არწმუნეს სიტყუად ამაოჲ,
Line of ed.: 27    რაჲთა განთქუან წარპარულად და არაჲ აღდგომილად.

Line of ed.: 28    ამით უფროჲსად ბრწყინვენ
Line of ed.: 29    დღეთა შორის დღენი ესე წმიდანი,
Line of ed.: 30    რამეთუ აღიბეჭდნეს მარხვისა ბეჭდითა
Line of ed.: 31    და განასურნელებენ
Line of ed.: 32    სულთა და ჴორცთა მარხვის მოყუარეთასა
Line of ed.: 33    და მოატყუებენ ანგელოზებრივსა ცხორებასა.

Line of ed.: 34    წარმავალ არს სიმდიდრე
Line of ed.: 35    ამაოჲსა ამის ცხორებისაჲ
Page of ed.: 172  Line of ed.: 1    და დაუდგრომელ არს ჟამი წელთა ჩუენთაჲ,
Line of ed.: 2    ამისთჳს ჯერ-არს ჩუენდა
Line of ed.: 3    ძიებად საუკუნოჲ-იგი ცხორებაჲ
Line of ed.: 4    და მოგებად წარუვალი ჴელითა გლახაკთაჲთა.

Line of ed.: 5    რომელი პირველითგან
Line of ed.: 6    იყო სიტყუაჲ მამისა თანა
Line of ed.: 7    აღსასრულსა ჟამთასა ჴორცი/თა გჳშვა ჩუენ
Line of ed.: 8    დედამან და ქალწულმან
Line of ed.: 9    სძალმან უქორწინებელმან _ მარიამ
Line of ed.: 10    და წარმიძღუა ჩუენ ცხორებისა გზასა ჭეშმარიტსა.
Hymn type:  



Next part


This text is part of the TITUS edition of Ioane Minchkhi, Poezia.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.