TITUS
Epistulae Pauli georgice (AB)
Part No. 54
Previous part

Chapter: 3  
Part: 4  
Verse: h1  
თავი დ̂

3


Verse: 1   Link to pavlecd Link to gnt   ამისთჳს მე, პავლე, კრული იესუ ქრისტჱსი, თქუენ წარმართთათჳს.

Verse: 1V     პავლჱ B, ქრისტესი BD.


Verse: 2   Link to pavlecd Link to gnt   უკუეთუ გასმიეს მოღუაწებაჲ იგი მადლისა მის ღმრთისაჲ, რომელ მოცემულ არს ჩემდა თქუენდა მიმართ,

Verse: 2V     მის] -- GD, რომელი G.


Verse: 3   Link to pavlecd Link to gnt   რამეთუ გამოცხადებით მეუწყა მე საიდუმლოჲ იგი, ვითარცა-იგი მცირედ უწინარჱს-რე მივწერე თქუენდა,

Verse: 3V     უწინარე B, უწინარესრე E.


Verse: 4   Link to pavlecd Link to gnt   რაოდენ შეუძლოთ ცნობად გულისხმის-ყოფაჲ იგი ჩემი საიდუმლოჲ იგი ქრისტჱსი,

Verse: 4V     რავდენ BGDE, გულისჴმის-ყოფაჲ ე, იგი (2)] ესე D, -- BE, ქრისტესი BD.


Verse: 5   Link to pavlecd Link to gnt   რომელ ნათესავსა სხუასა არა გამოეცხადა ძეთა კაცთასა, ვითარ-ესე აწ გამოეცხადა წმიდათა მოციქულთა მისთა და წინაჲსწარმეტყუელთა სულითა წმიდითა,

Verse: 5V     სხუასა] -- E, კაცთა D, მისთა მოციქულთა E.


Verse: 6   Link to pavlecd Link to gnt   რაჲთა იყვნენ წარმართნი თანა-მკჳდრ და თანა-ჴორც და თანა-მყოფ აღთქუმისა მის ქრისტე იესუჲს მიერ სახარებითა მით,

Verse: 6V     იყვნეთ G, აღთქუმისაჲ G, მის] + მიერ D, სახარებისა მის BD.


Verse: 7   Link to pavlecd Link to gnt   Ms. page: A119R  რომლისა ვიქმენ მე მსახურ ნიჭისა მისებრ მადლისა ღმრთისა, მოცემულისა ჩემდა შეწევნითა ძალისა მისისაჲთა.

Verse: 7V     მადლითა ღმრთისაჲთა G, ღმრთისაჲსა BD, მოცემული D.


Verse: 8   Link to pavlecd Link to gnt   მე, უმრწემჱსსა ყოველთა წმიდათასა, მომეცა მადლი ესე წარმართთა შორის ხარებად გამოუკულეველი იგი სიმდიდრჱ ქრისტჱსი

Verse: 8V     უმწემესსა B, უმწემჱსსა გდ, უმრწემესსა + ამას E, მომეცა] + მე G, იგი] -- D, ქრისტესი B.


Verse: 9   Link to pavlecd Link to gnt   და განათლებად ყოველთა, რაჲ-იგი არს განგებაჲ საიდუმლოჲსა მის დაფარულისაჲ საუკუნითგან ღმრთისა თანა, რომელმან ყოველივე დაჰბადა,

Verse: 9V     განათლებაჲ D, საიდუმლოჲსაჲ BD, ყოველივე] + იგი B, ყოველი DE.


Verse: 10   Link to pavlecd Link to gnt   რაჲთა ეუწყოს აწ მთავრობათა და ჴელმწიფებათა ზეცისათა ეკლესიაჲსაგან მრავალფერი იგი სიბრძნჱ ღმრთისაჲ

Verse: 10V     მთავრობათა] + მათ BE, ეკლესიისაგან GDE.


Verse: 11   Link to pavlecd Link to gnt   გულს-მოდგინებისაებრ საუკუნეთაჲსა, რომელ-იგი ქმნა ქრისტე იესუჲს მიერ, უფლისა ჩუენისა,

Verse: 11V     რომელი-იგი D, იქმნა, იესუ ქრისტჱს G, ქრისტჱ D.


Verse: 12   Link to pavlecd Link to gnt   რომლითა მაქუს ჩუენ განცხადებულებაჲ და მოსლვაჲ სასოებით სარწმუნოებითა მისითა.

Verse: 12V     სარწმუნოებასა მისსა B.


Verse: 13   Link to pavlecd Link to gnt   ამისთჳს ვითხოვ, რაჲთა არა გეწყინებოდის ჭირთა შინა ჩემთა, რომელ არს თქუენთჳს რომელ-იგი არს დიდება თქუენდა.

Verse: 13V     ჩემთა] ჩუენთა, რომელი-იგი DE, იგი] -- L.



Part: 5  
Verse: h2  
თავი ე̂


Verse: 14   Link to pavlecd Link to gnt   ამისთჳს მოვიდრეკ მუჴლთა ჩემთა მამისა მიმართ,


Verse: 15   Link to pavlecd Link to gnt   რომლისაგან ყოველნი ნათესავნი Ms. page: A119V  ცათა შინა და ქუეყანასა ზედა სახელ-დებულ არიან,

Verse: 15V     ცათა შინა და] -- GD, ქუეყანასა ზედა] -- G.


Verse: 16   Link to pavlecd Link to gnt   რაჲთა მოგცეს თქუენ სიმდიდრისაებრ დიდებისა მისისა, ძალითა განმტკიცებად სულითა მისითა შინაგანსა კაცსა,


Verse: 17   Link to pavlecd Link to gnt   დამკჳდრებად ქრისტე სარწმუნოებითა გულთა შინა თქუენთა,

Verse: 17V     ქრისტჱ BD, სარწმუნოებით AL, შინა] შიდა BE.


Verse: 18   Link to pavlecd Link to gnt   სიყუარულითა დამტკიცებულ და დაფუძნებულ, რაჲთა შეუძლოთ წარწევნად ყოველთა თანა წმიდათა, რაჲ-იგი არს სივრცჱ და სიგრძჱ, სიმაღლჱ და სიღრმჱ,


Verse: 19   Link to pavlecd Link to gnt   ცნობად გარდარეული იგი მეცნიერებისა სიყუარული ქრისტჱსი, რაჲთა აღივსნეთ თქუენ ყოვლითა სავსებითა ღმრთისაჲთა.

Verse: 19V     გარდარეული] გარდამატებული D, მეცნიერებისაჲ AL, ქრისტესი BD.


Verse: 20   Link to pavlecd Link to gnt   ხოლო რომელი-იგი შემძლებელ არს უფროჲს ყოვლისა ყოფად უმეტჱს, რომელსა-იგი ვითხოვთ გინა თუ ვსცნობთ ძალისა მისებრ შეწევნისა ჩუენ შორის,

Verse: 20V     რომელ-იგი LG უმეტეს BE, რომელსა-იგი] რასა-იგი G, ვცნობთ G.


Verse: 21   Link to pavlecd Link to gnt   მისა დიდებაჲ ეკლესიასა შინა ქრისტე იესუჲს მიერ ყოველთა მიმართ ნათესავთა საუკუნეთა უკუნისამდე. ამენ.

Verse: 21V     საუკუნეთა უკუნისამდე] უკუნითი უკუნისამდე LG, ამჱნ G.



Next part


This text is part of the TITUS edition of Epistulae Pauli georgice (AB).

Copyright TITUS Project, Frankfurt a/M, 3.4.2021. No parts of this document may be republished in any form without prior permission by the copyright holder.