TITUS
Biblia Udica, Versio Nizhensis: Novum Testamentum
Part No. 83
Previous part

Chapter: 15 

Č̣aṗ saal iz zoġurux
C'ap' saal iz zoğurux


Verse: 1  Link to udintLink to armntLink to ntkpl Zu - seri č̣aṗzu, Bez Baval ṭulluġi q̇onʒ́ux.
   Zu - seri c'ap'zu, Bez Baval t'ulluği q'ončux.

Verse: 2  Link to udintLink to armntLink to ntkpl Zasṭa bakala bar nu tadala här zoġa Bavan ḳac̣ene. Bar tadala här zoġa isä budayinši tämizebsa ki, lap gele barq̇an tadi.
   Zast'a bakala bar nu tadala hər zoğa Bavan k'as'ene. Bar tadala hər zoğa isə budayinşi təmizebsa ki, lap gele barq'an tadi.

Verse: 3  Link to udintLink to armntLink to ntkpl Vä͑n isä Bezi pi äyiten ene tämiznan.
   Və̌n isə Bezi pi əyiten ene təmiznan.

Verse: 4  Link to udintLink to armntLink to ntkpl Zasṭa mandanan, Zuval vä͑sṭa mandoz. Zoġ č̣aṗe loxol nu bakayin, ičin-ičuxun bar nu tadala ḳinäḳ vä͑nal Zasṭa nu mandaynan, bar tades tenan bakon.
   Zast'a mandanan, Zuval və̌st'a mandoz. Zoğ c'ap'e loxol nu bakayin, için-içuxun bar nu tadala k'inək' və̌nal Zast'a nu mandaynan, bar tades tenan bakon.

Verse: 5  Link to udintLink to armntLink to ntkpl Č̣aṗ Zuzu, vä͑nal zoġurxonan. Šu Zasṭa mandayin, Zuval šoṭosṭa mandayiz, šoṭin gele bare tadon, šoṭaynaḳ ki, Zasuz hiḳḳal bes tenan bakon.
   C'ap' Zuzu, və̌nal zoğurxonan. Şu Zast'a mandayin, Zuval şot'ost'a mandayiz, şot'in gele bare tadon, şot'aynak' ki, Zasuz hik'k'al bes tenan bakon.

Verse: 6  Link to udintLink to armntLink to ntkpl Zasṭa nu mandalo isä, č̣aṗaxun ṭo͑o͑x boseci q̇aribaki zoġ ḳinäḳe. Metär zoġurxo girbi aruġo boṭunsṭa boneksa.
   Zast'a nu mandalo isə, c'ap'axun t'ǒǒx boseśi q'aribaki zoğ k'inək'e. Metər zoğurxo girbi aruğo bot'unst'a boneksa.

Verse: 7  Link to udintLink to armntLink to ntkpl Ägär Zasṭa mandaynan, Bezi äyitmuxal vä͑sṭa mandayin, ḳä xoyinśbi čureġaynan, vä͑x tadeġale.
   Əgər Zast'a mandaynan, Bezi əyitmuxal və̌st'a mandayin, k'ə xoyinšbi çureğaynan, və̌x tadeğale.

Verse: 8  Link to udintLink to armntLink to ntkpl Vä͑n gele bar ešṭunen saal Bezi šagird baksunen Bezi Bavay c̣i alanebaksa.
   Və̌n gele bar eşt'unen saal Bezi şagird baksunen Bezi Bavay s'i alanebaksa.

Verse: 9  Link to udintLink to armntLink to ntkpl Bavan Za čureci ḳinäḳ Zuval vä͑x čurezci. Bezi čuresunasṭa mandanan.
   Bavan Za çureśi k'inək' Zuval və̌x çurezśi. Bezi çuresunast'a mandanan.

Verse: 10  Link to udintLink to armntLink to ntkpl Ägär Bezi buyruġxo ämälbaynan, Bezi čuresunasṭa mandalnan, hetär ki, Zu Bavay buyruġxo ämälbi Šoṭay čuresunasṭa manezsṭa.
   Əgər Bezi buyruğxo əməlbaynan, Bezi çuresunast'a mandalnan, hetər ki, Zu Bavay buyruğxo əməlbi Şot'ay çuresunast'a manezst'a.

Verse: 11  Link to udintLink to armntLink to ntkpl Me äyitmoġo vä͑x exlätezbi ki, Bezi mu͑qluġ vä͑sṭaq̇an baki, ef mu͑qluġal bolq̇an baki.
   Me əyitmoğo və̌x exlətezbi ki, Bezi mǔqluğ və̌st'aq'an baki, ef mǔqluğal bolq'an baki.

Verse: 12  Link to udintLink to armntLink to ntkpl Bezi buyruġ metäre: Zu vä͑x čureci ḳinäḳ vä͑nal sun-suna čurekinan. *
   Bezi buyruğ metəre: Zu və̌x çureśi k'inək' və̌nal sun-suna çurekinan. *

Verse: 13  Link to udintLink to armntLink to ntkpl Šuḳḳali čuresun dosṭeynaḳ iz elmoġo tadala amdari čuresunaxun gele bakes batenekon.
   Şuk'k'ali çuresun dost'eynak' iz elmoğo tadala amdari çuresunaxun gele bakes batenekon.

Verse: 14  Link to udintLink to armntLink to ntkpl Ägär Zu vä͑x bürmišiṭoġo ämälbaynan, vä͑n Bezi dosṭurxonan.
   Əgər Zu və̌x bürmişit'oğo əməlbaynan, və̌n Bezi dost'urxonan.

Verse: 15  Link to udintLink to armntLink to ntkpl Ene vä͑x *nökärxo tez nex, šoṭaynaḳ ki, *nökären iz *aġan ḳä bsuna tene ava. Zu vä͑x dosṭez nex, šoṭaynaḳ ki, Bezi Bavaxun ibakiṭoġo bütümä vä͑x avabakesezdi.
   Ene və̌x *nökərxo tez nex, şot'aynak' ki, *nökəren iz *ağan k'ə bsuna tene ava. Zu və̌x dost'ez nex, şot'aynak' ki, Bezi Bavaxun ibakit'oğo bütümə və̌x avabakesezdi.

Verse: 16  Link to udintLink to armntLink to ntkpl Vä͑n Za tenan č̣äḳṗi, Zuz vä͑x č̣äḳṗi tapšurbi ki, taci bar tadanan, ṭe baral hämišä mandane. Metärluġen, Bezi c̣iyen Bavaxun ḳä čureġaynan, Šoṭin vä͑x tadale.
   Və̌n Za tenan c'ək'p'i, Zuz və̌x c'ək'p'i tapşurbi ki, taśi bar tadanan, t'e baral həmişə mandane. Metərluğen, Bezi s'iyen Bavaxun k'ə çureğaynan, Şot'in və̌x tadale.

Verse: 17  Link to udintLink to armntLink to ntkpl Bezi buyruġ mone: sun-suna čurekinan.
   Bezi buyruğ mone: sun-suna çurekinan.



Dünyänen šagirdxo nifrätbsun
Dünyənen şagirdxo nifrətbsun


Verse: 18  Link to udintLink to armntLink to ntkpl Dünyänen vä͑x nifrätbayin, ef eyex badanan ki, vä͑xun be͑ś Zane nifrätbe.
   Dünyənen və̌x nifrətbayin, ef eyex badanan ki, və̌xun běš Zane nifrətbe.

Verse: 19  Link to udintLink to armntLink to ntkpl Ägär me dünyänexun bakiynaniy, dünyänen izi ḳinäḳ vä͑x čureġoy. Ama vä͑n dünyänexun tenan, Zu vä͑x dünyänexun č̣äḳezpi, koṭo görä dünyänen vä͑x nifrätebsa.
   Əgər me dünyənexun bakiynaniy, dünyənen izi k'inək' və̌x çureğoy. Ama və̌n dünyənexun tenan, Zu və̌x dünyənexun c'ək'ezpi, kot'o görə dünyənen və̌x nifrətebsa.

Verse: 20  Link to udintLink to armntLink to ntkpl Zu vä͑x pi äyitä ef eyex badanan: "*Ḳul iz aġaxun kala tene". Ägär Za pul tadi išiġ teṭun tadesa, vä͑xal haṭetär balṭun; Bezi äyitä be͑ġeṭunsa, efiyal äyitä be͑ġalṭun. *
   Zu və̌x pi əyitə ef eyex badanan: "*K'ul iz ağaxun kala tene". Əgər Za pul tadi işiğ tet'un tadesa, və̌xal hat'etər balt'un; Bezi əyitə běğet'unsa, efiyal əyitə běğalt'un. *

Verse: 21  Link to udintLink to armntLink to ntkpl Koṭoġo bitova efi Bezi bać̣anexun taysuna görä balṭun, šoṭaynaḳ ki, Za Yaq̇abiṭu teṭun \ čalxsa.
   Kot'oğo bitova efi Bezi bač'anexun taysuna görə balt'un, şot'aynak' ki, Za Yaq'abit'u tet'un \ çalxsa.

Verse: 22  Link to udintLink to armntLink to ntkpl Zu nu harizuy, šoṭoġoxun nu exlätṗizuy, šoṭoġoy taxsər tene bakoy, ama häysä günaxkär baksuna görä ičoġo tämizä č̣evḳes teṭun bakon.
   Zu nu harizuy, şot'oğoxun nu exlətp'izuy, şot'oğoy taxsır tene bakoy, ama həysə günaxkər baksuna görə içoğo təmizə c'evk'es tet'un bakon.

Verse: 23  Link to udintLink to armntLink to ntkpl Za nifrätbalṭin Bezi Baval nifrätebsa.
   Za nifrətbalt'in Bezi Baval nifrətebsa.

Verse: 24  Link to udintLink to armntLink to ntkpl Ägär Zaxun bašq̇a šuḳḳalen nu bes bakala äšurxo šoṭoġoy arane nu bizuy, ičoġoy günax tene bakoy. Ama häysä Bezi biṭoġo aḳiṭuxun ošal Zaal, Bezi Baval nifrätṭunbsa.
   Əgər Zaxun başq'a şuk'k'alen nu bes bakala əşurxo şot'oğoy arane nu bizuy, içoğoy günax tene bakoy. Ama həysə Bezi bit'oğo ak'it'uxun oşal Zaal, Bezi Baval nifrətt'unbsa.

Verse: 25  Link to udintLink to armntLink to ntkpl Ama mo koṭo göräne baki ki, Moiseyi Camurxoy boš cameci "Za nahaq̇ gala nifrätṭunbi" äyit bex ṗaṗane. *
   Ama mo kot'o görəne baki ki, Moiseyi Śamurxoy boş śameśi "Za nahaq' gala nifrətt'unbi" əyit bex p'ap'ane. *

Verse: 26  Link to udintLink to armntLink to ntkpl Bavaxun eġala serina aḳesṭala Urufen - Zu Bavay ṭo͑ġo͑lxun vä͑ynaḳ yaq̇abala *Kömäybalen, eġaṭan isä Bezi barada šahidluġbale.
   Bavaxun eğala serina ak'est'ala Urufen - Zu Bavay t'ǒğǒlxun və̌ynak' yaq'abala *Köməybalen, eğat'an isə Bezi barada şahidluğbale.

Verse: 27  Link to udintLink to armntLink to ntkpl Vä͑nal moṭo ef piin aḳi šahidluġbalnan, šoṭaynaḳ ki, ṭe belxun Zaxun sagalanan.
   Və̌nal mot'o ef piin ak'i şahidluğbalnan, şot'aynak' ki, t'e belxun Zaxun sagalanan.


Next part


This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.