TITUS
Biblia Udica, Versio Nizhensis: Novum Testamentum
Part No. 82
Previous part

Chapter: 14 

Isus - Buxaʒ́uġoč taġala yaq̇e
İsus - Buxačuğoç tağala yaq'e


Verse: 1  Link to udintLink to armntLink to ntkpl "Barta ef üḳ maq̇an narahat baki. Buxaʒ́uġo ve͑ bakanan, Zaal ve͑ bakanan.
   "Barta ef ük' maq'an narahat baki. Buxačuğo vě bakanan, Zaal vě bakanan.

Verse: 2  Link to udintLink to armntLink to ntkpl Bezi Bavay ḳoya mandala ga gelene. Ägär nu bakiniy, vä͑x uzḳoy ki, vä͑ynaḳ ga häzirbsaz taysa?
   Bezi Bavay k'oya mandala ga gelene. Əgər nu bakiniy, və̌x uzk'oy ki, və̌ynak' ga həzirbsaz taysa?

Verse: 3  Link to udintLink to armntLink to ntkpl Taci vä͑ynaḳ ga häzirbiṭuxun oša qaybaki vä͑x Bezi ṭo͑ġo͑l tašoz ki, Zu bakala gala vä͑nal bakanan.
   Taśi və̌ynak' ga həzirbit'uxun oşa qaybaki və̌x Bezi t'ǒğǒl taşoz ki, Zu bakala gala və̌nal bakanan.

Verse: 4  Link to udintLink to armntLink to ntkpl Bezi taġala gane yaq̇a vä͑n čalnanxsa".
   Bezi tağala gane yaq'a və̌n çalnanxsa".

Verse: 5  Link to udintLink to armntLink to ntkpl Ṭomasen Isusa pine: "Ay Q̣onʒ́ux, Vi maya taysuna teyan ava, yaq̇a hetäryan čalxon?"
   T'omasen İsusa pine: "Ay Q'ončux, Vi maya taysuna teyan ava, yaq'a hetəryan çalxon?"

Verse: 6  Link to udintLink to armntLink to ntkpl Isusen šoṭo pine: "Zu - seri, yäšäyinšesṭala yaq̇zu. Bavay ṭo͑ġo͑l taġala sayǯä sa yaq̇e bu, šoval Zaxune č̣ovaksa.
   İsusen şot'o pine: "Zu - seri, yəşəyinşest'ala yaq'zu. Bavay t'ǒğǒl tağala saycə sa yaq'e bu, şoval Zaxune c'ovaksa.

Verse: 7  Link to udintLink to armntLink to ntkpl Ägär Za čalxinaniy, Bezi Baval čalnanxoy. Isä ene vä͑n Šoṭo čalnanxsa, Šoṭo aalḳenan".
   Əgər Za çalxinaniy, Bezi Baval çalnanxoy. İsə ene və̌n Şot'o çalnanxsa, Şot'o aalk'enan".

Verse: 8  Link to udintLink to armntLink to ntkpl Filiṗen Šoṭo pine: "Ay Q̣onʒ́ux, Bava yax aḳesṭa, ko yaynaḳ bäse".
   Filip'en Şot'o pine: "Ay Q'ončux, Bava yax ak'est'a, ko yaynak' bəse".

Verse: 9  Link to udintLink to armntLink to ntkpl Isusen šoṭo pine: "Xeyläk vaxṭe ki, Zu vä͑xunzu, hälä Za ten čalxi, Filiṗ? Za aḳi amdaren Bez Bava aḳene. P̣oy hun hetären "Bava yax aḳesṭa" pes bakon?
   İsusen şot'o pine: "Xeylək vaxt'e ki, Zu və̌xunzu, hələ Za ten çalxi, Filip'? Za ak'i amdaren Bez Bava ak'ene. P'oy hun hetəren "Bava yax ak'est'a" pes bakon?

Verse: 10  Link to udintLink to armntLink to ntkpl Zu Bavasṭa, Baval Zasṭa baksuna ve͑ tenu ki? Vä͑x pi äyitmoġo Zaxun tez nexe, ko Zasṭa bakala Bavane Iz äšurxo bsa.
   Zu Bavast'a, Baval Zast'a baksuna vě tenu ki? Və̌x pi əyitmoğo Zaxun tez nexe, ko Zast'a bakala Bavane İz əşurxo bsa.

Verse: 11  Link to udintLink to armntLink to ntkpl Zu Bavasṭa, Baval Zasṭa baksuna ve͑bakanan, \ tenesa moṭo Bezi bala äšurxo göräq̇a bakayin ve͑ bakanan.
   Zu Bavast'a, Baval Zast'a baksuna věbakanan, \ tenesa mot'o Bezi bala əşurxo görəq'a bakayin vě bakanan.

Verse: 12  Link to udintLink to armntLink to ntkpl Serina, serinaz vä͑x nex: Za ve͑ amdaren Bezi bi äšurxo ičinal bale, hälä koṭoxunal kala äšurxo bale, šoṭaynaḳ ki, Zu Bavay ṭo͑ġo͑lez taysa.
   Serina, serinaz və̌x nex: Za vě amdaren Bezi bi əşurxo içinal bale, hələ kot'oxunal kala əşurxo bale, şot'aynak' ki, Zu Bavay t'ǒğǒlez taysa.

Verse: 13  Link to udintLink to armntLink to ntkpl Vä͑nal Bezi c̣iyen * ḳänesa čureġaynan, šoṭo booz ki, Bavay c̣i Ġarasṭaq̇an alabaki.
   Və̌nal Bezi s'iyen * k'ənesa çureğaynan, şot'o booz ki, Bavay s'i Ğarast'aq'an alabaki.

Verse: 14  Link to udintLink to armntLink to ntkpl He vädä Bezi c̣iyen Zaxun sa šey čureġalnansa, šoṭo booz.
   He vədə Bezi s'iyen Zaxun sa şey çureğalnansa, şot'o booz.



ω͑vel Urufi barada äyit tasṭun
Ǐvel Urufi barada əyit tast'un


Verse: 15  Link to udintLink to armntLink to ntkpl Ägär Za čurnansasa, Bezi buyruġxo ämälbalnan.
   Əgər Za çurnansasa, Bezi buyruğxo əməlbalnan.

Verse: 16  Link to udintLink to armntLink to ntkpl Zu Bava xoyinśboz, Šoṭin q̇eräz sa *Kömäybal yaq̇abale, Šoval vä͑xun hämišäluġ mandale.
   Zu Bava xoyinšboz, Şot'in q'erəz sa *Köməybal yaq'abale, Şoval və̌xun həmişəluğ mandale.

Verse: 17  Link to udintLink to armntLink to ntkpl Šo Buxaʒ́uġoy serina ćoyel č̣evḳala Urufe. Šoṭo dünyänen q̇abulbes tene baksa, šoṭaynaḳ ki, Šoṭo nä ateneksa, nääl čaltenexsa. Vä͑n isä Šoṭo čalnanxsa, šoṭaynaḳ ki, Šo vä͑xune, ef boš mandale.
   Şo Buxačuğoy serina ç̌oyel c'evk'ala Urufe. Şot'o dünyənen q'abulbes tene baksa, şot'aynak' ki, Şot'o nə ateneksa, nəəl çaltenexsa. Və̌n isə Şot'o çalnanxsa, şot'aynak' ki, Şo və̌xune, ef boş mandale.

Verse: 18  Link to udintLink to armntLink to ntkpl Vä͑x yetim tez barḳal, ef ṭo͑ġo͑l eġoz.
   Və̌x yetim tez bark'al, ef t'ǒğǒl eğoz.

Verse: 19  Link to udintLink to armntLink to ntkpl Samal č̣ovakiṭuxun oša dünyänen ene Za ateneḳal, ama vä͑n Za aḳalnan. Zu yäšäyinšbsuna görä vä͑nal yäšäyinšalnan.
   Samal c'ovakit'uxun oşa dünyənen ene Za atenek'al, ama və̌n Za ak'alnan. Zu yəşəyinşbsuna görə və̌nal yəşəyinşalnan.

Verse: 20  Link to udintLink to armntLink to ntkpl Ṭe ġi avabakalnan ki, Zu Bez Bavasṭazu, vä͑n Zasṭanan, Zuval vä͑sṭazu.
   T'e ği avabakalnan ki, Zu Bez Bavast'azu, və̌n Zast'anan, Zuval və̌st'azu.

Verse: 21  Link to udintLink to armntLink to ntkpl Šiin Bezi buyruġxo ämälebsasa, Za čureġalo šone. Bez Bavanal Za čureġalṭu čureġale. Zuval šoṭo čureci Za šoṭo aḳesṭoz".
   Şiin Bezi buyruğxo əməlebsasa, Za çureğalo şone. Bez Bavanal Za çureğalt'u çureğale. Zuval şot'o çureśi Za şot'o ak'est'oz".

Verse: 22  Link to udintLink to armntLink to ntkpl Isḳarioṭ tää, ṭe soġo Iudan Šoṭo pine: "Ay Q̣onʒ́ux, ko hetäre baksa ki, Hun bütüm dünyänä tää, sayǯä yaynaḳ aḳeġalnu?"
   İsk'ariot' təə, t'e soğo İudan Şot'o pine: "Ay Q'ončux, ko hetəre baksa ki, Hun bütüm dünyənə təə, saycə yaynak' ak'eğalnu?"

Verse: 23  Link to udintLink to armntLink to ntkpl Isusen šoṭo ǯoġabe tadi: "Šiin Za čuresasa, Bezi äyitä be͑ġale, Bezi Bavanal šoṭo čureġale. Yanal me amdari ṭo͑ġo͑l hari šoṭoxun sagala bakalyan.
   İsusen şot'o coğabe tadi: "Şiin Za çuresasa, Bezi əyitə běğale, Bezi Bavanal şot'o çureğale. Yanal me amdari t'ǒğǒl hari şot'oxun sagala bakalyan.

Verse: 24  Link to udintLink to armntLink to ntkpl Za nu čureġalṭin Bezi äyiten tene taġal. Ef ibaki zombsun Bezi tene, Za yaq̇abi Bavay zombsune.
   Za nu çureğalt'in Bezi əyiten tene tağal. Ef ibaki zombsun Bezi tene, Za yaq'abi Bavay zombsune.

Verse: 25  Link to udintLink to armntLink to ntkpl Hälä ki ef ṭo͑ġo͑lzu, vä͑x moṭoġo pizu.
   Hələ ki ef t'ǒğǒlzu, və̌x mot'oğo pizu.

Verse: 26  Link to udintLink to armntLink to ntkpl Ama *Kömäybalen - Bavan Bezi c̣iyen yaq̇abala ω͑vel Urufen här šeya vä͑x zombale. Zu exlätṗi bütüm äyitmoġo ef eyex badale.
   Ama *Köməybalen - Bavan Bezi s'iyen yaq'abala Ǐvel Urufen hər şeya və̌x zombale. Zu exlətp'i bütüm əyitmoğo ef eyex badale.

Verse: 27  Link to udintLink to armntLink to ntkpl Ef arane serluġ laxiz taysa, Zasṭa bakala serluġa vä͑xez tasṭa. Zu šoṭo vä͑x dünyänen tadala ḳinäḳ tez tasṭa. Barta ef üḳ maq̇an narahat baki, qə͑mabanan.
   Ef arane serluğ laxiz taysa, Zast'a bakala serluğa və̌xez tast'a. Zu şot'o və̌x dünyənen tadala k'inək' tez tast'a. Barta ef ük' maq'an narahat baki, qı̌mabanan.

Verse: 28  Link to udintLink to armntLink to ntkpl Zu vä͑x "häysä tazsa, oša ṗurum ef ṭo͑ġo͑l eġoz" upsuna inanbaki. Ägär Za čurecinaniy, Bezi Bavay ṭo͑ġo͑l taysuna mu͑qnan bakoy, šoṭaynaḳ ki, Bava Zaxun üsṭüne.
   Zu və̌x "həysə tazsa, oşa p'urum ef t'ǒğǒl eğoz" upsuna inanbaki. Əgər Za çureśinaniy, Bezi Bavay t'ǒğǒl taysuna mǔqnan bakoy, şot'aynak' ki, Bava Zaxun üst'üne.

Verse: 29  Link to udintLink to armntLink to ntkpl Moṭoġo saturbe͑ś vä͑x pizu ki, mo bex ṗaṗaṭan Za ve͑ bakanan.
   Mot'oğo saturběš və̌x pizu ki, mo bex p'ap'at'an Za vě bakanan.

Verse: 30  Link to udintLink to armntLink to ntkpl Ene vä͑xun gele tez äyitḳal, šoṭaynaḳ ki, me dünyäni kalaluġbal enesa. Düze, šoṭin Bezi loxol kalaluġbes tene bakon,
   Ene və̌xun gele tez əyitk'al, şot'aynak' ki, me dünyəni kalaluğbal enesa. Düze, şot'in Bezi loxol kalaluğbes tene bakon,

Verse: 31  Link to udintLink to armntLink to ntkpl ama dünyänen avabakalane ki, Zu Bava čurezsa, Bavanal Za ḳä bürmišenesa, šoṭo bsazu. Häysä isä hayzanan memiin taġen.
   ama dünyənen avabakalane ki, Zu Bava çurezsa, Bavanal Za k'ə bürmişenesa, şot'o bsazu. Həysə isə hayzanan memiin tağen.



Next part


This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.