TITUS
Biblia Udica, Versio Nizhensis: Novum Testamentum
Part No. 101
Previous part

Book: 3.Jo. 


Chapter: 1 

Verse: 1    Zaynaḳ äziz bakala Gay, me namaḳa camḳala, vi Seri Bakalṭu čalxi düz yaq̇a baksuna görä va gele čureġala aġsaq̇q̇alaxun xeyirq̇an baki.
   Zaynak' əziz bakala Gay, me namak'a śamk'ala, vi Seri Bakalt'u çalxi düz yaq'a baksuna görə va gele çureğala ağsaq'q'alaxun xeyirq'an baki.

Verse: 2    Zaynaḳ äziz bakala dosṭ, afərəzne ki, vi äšurxo šaaṭq̇an taci, Buxaʒ́uġon vi elmoġo maq̇an lafṭi, vi bädänäl vi uruf ḳinäḳ saġlamq̇an baki.
   Zaynak' əziz bakala dost', afırızne ki, vi əşurxo şaat'q'an taśi, Buxačuğon vi elmoğo maq'an laft'i, vi bədənəl vi uruf k'inək' sağlamq'an baki.

Verse: 3    Beši vičimoġon hari vi seri bakala zombsunaxun nu č̣eri Šoṭay laxi yaq̇en taysuna zaynaḳ exlätṗaṭan gele mu͑qezbaki.
   Beşi viçimoğon hari vi seri bakala zombsunaxun nu c'eri Şot'ay laxi yaq'en taysuna zaynak' exlətp'at'an gele mǔqezbaki.

Verse: 4    Zaynaḳ bezi äyloġoy düzgün bakala yaq̇en taysuna ibaksunaxun kala mu͑qluġ teno.
   Zaynak' bezi əyloğoy düzgün bakala yaq'en taysuna ibaksunaxun kala mǔqluğ teno.



Gaya tärifbsun
Gaya tərifbsun


Verse: 5    Zaynaḳ äziz bakala dosṭ, hun bezi yaq̇abi, vi nu čalxala amdarxoynaḳ biṭoġon vi düzgün yaq̇axun nu č̣eysunane aḳesṭa.
   Zaynak' əziz bakala dost', hun bezi yaq'abi, vi nu çalxala amdarxoynak' bit'oğon vi düzgün yaq'axun nu c'eysunane ak'est'a.

Verse: 6    Šoṭoġon hari vi ičoġo aḳesṭi hörmäti barada miya bakala ǯämiyäteynaḳ exlätṭunbi. Häysääl šoṭoġo Mu͑q Xavara karoozbseynaḳ Isusa čalxalṭoġoy c̣iya layiġ yaq̇abadayin šaaṭ sa äš biq̇in bakon.
   Şot'oğon hari vi içoğo ak'est'i hörməti barada miya bakala cəmiyəteynak' exlətt'unbi. Həysəəl şot'oğo Mǔq Xavara karoozbseynak' İsusa çalxalt'oğoy s'iya layiğ yaq'abadayin şaat' sa əş biq'in bakon.

Verse: 7    Axəri šorox me yaq̇a č̣eġaṭan buxaʒ́uxsuzṭoġoxun hiḳḳal teṭun exṭi, ičoġoy sa mäksäde buy - amdarxo Xrisṭosa čalxesṭun.
   Axıri şorox me yaq'a c'eğat'an buxačuxsuzt'oğoxun hik'k'al tet'un ext'i, içoğoy sa məksəde buy - amdarxo Xrist'osa çalxest'un.

Verse: 8    Metär amdarxo kömäybsun beši borǯe, šoṭaynaḳ ki, šoṭoġoy q̇a beši niyät sane - Mu͑q Xavara karoozbsun.
   Metər amdarxo köməybsun beşi borce, şot'aynak' ki, şot'oğoy q'a beşi niyət sane - Mǔq Xavara karoozbsun.



Dioṭref q̇a Dimiṭri
Diot'ref q'a Dimit'ri


Verse: 9    Zu me piṭoġoy barada ǯämiyäteynaḳ camezpi, ama iču ǯämiyätin kalo bi Dioṭrefen beši amdarxo q̇abulbsun čurtenesa.
   Zu me pit'oğoy barada cəmiyəteynak' śamezpi, ama içu cəmiyətin kalo bi Diot'refen beşi amdarxo q'abulbsun çurtenesa.

Verse: 10    Kiya hevaxṭ eġayiz šoṭay biq̇ala äšurxoy barada exlätṗoz: hetäre beši barada äfči äyitmux yäymiši amdarxo yaxun irapsṭa. Izi yax nu q̇abulbsun ṭo͑o͑x, hälä sa q̇abulbalṭoġoval bartenne, amdarxo ǯämiyätäxun šäṗesunene q̇ə͑desṭa.
   Kiya hevaxt' eğayiz şot'ay biq'ala əşurxoy barada exlətp'oz: hetəre beşi barada əfçi əyitmux yəymişi amdarxo yaxun irapst'a. İzi yax nu q'abulbsun t'ǒǒx, hələ sa q'abulbalt'oğoval bartenne, amdarxo cəmiyətəxun şəp'esunene q'ı̌dest'a.

Verse: 11    Zaynaḳ äziz bakala dosṭ, ama hun pisṭoġollariḳ tää, šaaṭṭoġollariḳ häräkätba. Šaaṭ äš biq̇alo Buxaʒ́uġoxune, pisluġ balo isä Buxaʒ́uġoxun ä͑xile.
   Zaynak' əziz bakala dost', ama hun pist'oğollarik' təə, şaat't'oğollarik' hərəkətba. Şaat' əş biq'alo Buxačuğoxune, pisluğ balo isə Buxačuğoxun ə̌xile.

Verse: 12    Be͑ġa, Dimiṭrin barada bitoṭin šaaṭe äyite, izi düzgün yäšäyinšbsunenal moṭo aḳesesṭa. Yanal moṭoġo beši piin aḳi me barada šahidluġyanbsa, beši uḳalṭoġoy seri baksuna isä avanu.
   Běğa, Dimit'rin barada bitot'in şaat'e əyite, izi düzgün yəşəyinşbsunenal mot'o ak'esest'a. Yanal mot'oğo beşi piin ak'i me barada şahidluğyanbsa, beşi uk'alt'oğoy seri baksuna isə avanu.



Dirisṭoġonbsun
Dirist'oğonbsun


Verse: 13    Vaynaḳ camḳala gele äyitmuxzax bu, ama moṭoġo namaḳen upsun tez čuresa.
   Vaynak' śamk'ala gele əyitmuxzax bu, ama mot'oğo namak'en upsun tez çuresa.

Verse: 14    Buxaʒ́uġon barḳayin usumluġen suna aḳi exlätṗes bakalyan.
   Buxačuğon bark'ayin usumluğen suna ak'i exlətp'es bakalyan.

Verse: 15    Vaynaḳ serluġez arzubsa. Miya bakala dosṭurxon vaynaḳ dirisṭuġṭun yaq̇absa. Hunal kiya bakalṭoġoy bitova zaxun täk-täk dirisṭuġ upa.
   Vaynak' serluğez arzubsa. Miya bakala dost'urxon vaynak' dirist'uğt'un yaq'absa. Hunal kiya bakalt'oğoy bitova zaxun tək-tək dirist'uğ upa.






Next part


This text is part of the TITUS edition of Biblia Udica, Versio Nizhensis: Novum Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.