TITUS
Biblia Udica, Versio Nizhensis: Vetus Testamentum
Part No. 19
Previous part

Chapter: 19 

Buxaʒ́uġoy Sinay buruġoy bel ciysun
Buxačuğoy Sinay buruğoy bel śiysun


Verse: 1-2  Link to rat Israilluyox Refidimaxun č̣eri Sinay amc̣i oćalaṭun hari ṗaṗi. Ičoġoy Misiräxun č̣eysun düz ṗä͑ xašey. Memiya israilluġon buruġoy tumel čurḳala gaṭun düzbi.
   İsrailluyox Refidimaxun c'eri Sinay ams'i oç̌alat'un hari p'ap'i. İçoğoy Misirəxun c'eysun düz p'ə̌ xaşey. Memiya israilluğon buruğoy tumel çurk'ala gat'un düzbi.

Verse: 3  Link to rat Moisey isä buruġo - Buxaʒ́uġoy ṭo͑ġo͑le laci. Q̣ONƷ́UĠON šoṭo buruġoxun ḳalpi pine: "Iaḳovi näsilä, israilluġo metär upa:
   Moisey isə buruğo - Buxačuğoy t'ǒğǒle laśi. Q'ONČUĞON şot'o buruğoxun k'alpi pine: "İak'ovi nəsilə, israilluğo metər upa:

Verse: 4  Link to rat "Zu misirluġo ḳä bsuna, vä͑x Bez ṭo͑ġo͑l q̇əzəlq̇uši q̇änädi loxol ḳinäḳ ešṭuna ananḳi.
   "Zu misirluğo k'ə bsuna, və̌x Bez t'ǒğǒl q'ızılq'uşi q'ənədi loxol k'inək' eşt'una anank'i.

Verse: 5  Link to rat Ägär vä͑n Bezi äyitä be͑ġaynan, Bezi \ vä͑xun ġaćeci iräziluġa ämälbaynan, vä͑n bütüm azuḳxoy bošṭan Bezi č̣äḳṗi, Zaynaḳ gele äziz azuḳ bakalnan. Bütüm dünyä Bezine, *
   Əgər və̌n Bezi əyitə běğaynan, Bezi \ və̌xun ğaç̌eśi irəziluğa əməlbaynan, və̌n bütüm azuk'xoy boşt'an Bezi c'ək'p'i, Zaynak' gele əziz azuk' bakalnan. Bütüm dünyə Bezine, *

Verse: 6  Link to rat vä͑n isä Za q̇ulluġbala be͑yinśxoy padčaġluġ, ə͑vel millät bakalnan. * Me äyitmoġo israilluġo upa". *
   və̌n isə Za q'ulluğbala běyinšxoy padçağluğ, ı̌vel millət bakalnan. * Me əyitmoğo israilluğo upa". *

Verse: 7  Link to rat Moiseyenal hari azuḳi aġsaq̇q̇alxo ḳalepi, Q̣ONƷ́UĠON ämirbi ḳinäḳ, iču pi här äyitä šoṭoġo ṗaṗesebi.
   Moiseyenal hari azuk'i ağsaq'q'alxo k'alepi, Q'ONČUĞON əmirbi k'inək', içu pi hər əyitə şot'oğo p'ap'esebi.

Verse: 8  Link to rat Bütüm azuḳen sa tan ḳinäḳ metäre ǯoġab tadi: "Q̣ONƷ́UĠON piṭoġo bütümä ämälbalyan". Moiseyen azuḳi ǯoġaba Q̣ONƷ́UĠO ṗaṗesebi.
   Bütüm azuk'en sa tan k'inək' metəre coğab tadi: "Q'ONČUĞON pit'oğo bütümə əməlbalyan". Moiseyen azuk'i coğaba Q'ONČUĞO p'ap'esebi.

Verse: 9  Link to rat Q̣ONƷ́UĠON Moiseya pine: "Mone, Zu boću asoyi boš vi ṭo͑ġo͑l eġoz ki, azuḳen Zu vaxun exlätpsuna ibaki va hämišä ve͑bakeq̇an". Moiseyenal azuḳi äyitmoġo Q̣ONƷ́UĠO ṗaṗesebi.
   Q'ONČUĞON Moiseya pine: "Mone, Zu boç̌u asoyi boş vi t'ǒğǒl eğoz ki, azuk'en Zu vaxun exlətpsuna ibaki va həmişə věbakeq'an". Moiseyenal azuk'i əyitmoğo Q'ONČUĞO p'ap'esebi.

Verse: 10  Link to rat Oša Q̣ONƷ́UĠON Moiseya pine: "Azuḳi ṭo͑o͑x taki. Ġe saal äyč̣ä šoṭoġo ə͑velba. Barta ičoġoy paltarxoval oc̣ḳi
   Oşa Q'ONČUĞON Moiseya pine: "Azuk'i t'ǒǒx taki. Ğe saal əyc'ə şot'oğo ı̌velba. Barta içoğoy paltarxoval os'k'i

Verse: 11  Link to rat samaane häzirq̇aṭun baki, šoṭaynaḳ ki, haṭe ġi bütüm azuḳi piin be͑ś Zu Sinay buruġoy bel ciġoz.
   samaane həzirq'at'un baki, şot'aynak' ki, hat'e ği bütüm azuk'i piin běš Zu Sinay buruğoy bel śiğoz.

Verse: 12  Link to rat Azuḳeynaḳ buruġoy härrämine zahman laxi upa: "Vä͑x buruġo laysunaxun, šoṭay tuma \ lafsṭunaxun be͑ġanan. Buruġo lafṭalo biyalane.
   Azuk'eynak' buruğoy hərrəmine zahman laxi upa: "Və̌x buruğo laysunaxun, şot'ay tuma \ lafst'unaxun běğanan. Buruğo laft'alo biyalane.

Verse: 13  Link to rat Ṭetärṭu kul nu lafṭalane, šoṭo źe͑layinši nääl oxen duġi bespanan. Čuresa heyvanq̇an baki, čuresa amdar - buruġo lafṭalo nu mandalane. Sayǯä šeyṗuri boxoy säs č̣eġaṭan šorox buruġo layes baṭunkon". *
   T'etərt'u kul nu laft'alane, şot'o ǰělayinşi nəəl oxen duği bespanan. Çuresa heyvanq'an baki, çuresa amdar - buruğo laft'alo nu mandalane. Saycə şeyp'uri boxoy səs c'eğat'an şorox buruğo layes bat'unkon". *

Verse: 14  Link to rat Oša Moisey buruġoxun azuḳi ṭo͑o͑xe ciri. Šoṭin azuḳa ə͑velebi. Šoṭoġon ičoġoy paltarxo oc̣ṭunḳi.
   Oşa Moisey buruğoxun azuk'i t'ǒǒxe śiri. Şot'in azuk'a ı̌velebi. Şot'oğon içoğoy paltarxo os't'unk'i.

Verse: 15  Link to rat Ṭe vädä Moiseyen azuḳa pine: "Samanineynaḳ häzir bakanan, ef čupuxxoxun ə͑śaluġmabanan".
   T'e vədə Moiseyen azuk'a pine: "Samanineynak' həzir bakanan, ef çupuxxoxun ı̌šaluğmabanan".

Verse: 16  Link to rat Xib ġi oša savaxṭan üšenen göyen gürunepi, c̣ä͑q̇en duneġi. Osṭaar šeyṗuri säse č̣eri, buruġo isä boću asoyene bäč̣ürpi. Amdarxo ičoġoy čurpi gala q̇ə͑yen haneq̇i. *
   Xib ği oşa savaxt'an üşenen göyen gürunepi, s'ə̌q'en duneği. Ost'aar şeyp'uri səse c'eri, buruğo isə boç̌u asoyene bəc'ürpi. Amdarxo içoğoy çurpi gala q'ı̌yen haneq'i. *

Verse: 17  Link to rat Ṭe vädä Moiseyen azuḳa ičoġoy čurpi ganuxun Buxaʒ́uġoy be͑śe tašeri, šoroxal buruġoy tume čurṭunpi.
   T'e vədə Moiseyen azuk'a içoğoy çurpi ganuxun Buxačuğoy běše taşeri, şoroxal buruğoy tume çurt'unpi.

Verse: 18  Link to rat Sinay burux dirisṭ ḳüüni bošey, šoṭaynaḳ ki, Q̣ONƷ́UX šoṭay loxol aruġoy boše cirey. Buruġon buxarinen ḳüünbala ḳinäḳ ḳüünbi osṭaar źə͑ḳesay. *
   Sinay burux dirist' k'üüni boşey, şot'aynak' ki, Q'ONČUX şot'ay loxol aruğoy boşe śirey. Buruğon buxarinen k'üünbala k'inək' k'üünbi ost'aar ǰı̌k'esay. *

Verse: 19  Link to rat Šeyṗuri säs taysun osṭaare baksay. Moiseyen isä Buxaʒ́uġoxun äyiteney, Šoṭinal osṭaar säsen ǯoġabe tasṭay.
   Şeyp'uri səs taysun ost'aare baksay. Moiseyen isə Buxačuğoxun əyiteney, Şot'inal ost'aar səsen coğabe tast'ay.

Verse: 20  Link to rat Q̣ONƷ́UX Sinay buruġoy bel ciri Moiseya iz ṭo͑ġo͑le ḳalpi. Moiseyal \ ṭiya laneci.
   Q'ONČUX Sinay buruğoy bel śiri Moiseya iz t'ǒğǒle k'alpi. Moiseyal \ t'iya laneśi.

Verse: 21  Link to rat Q̣ONƷ́UĠON Moiseya pine: "Ciki, azuḳa tapšurba ki, Za aḳseynaḳ laxeci zahmana maq̇an č̣ovaki, tenesa gelo ḳac̣eġale.
   Q'ONČUĞON Moiseya pine: "Üiki, azuk'a tapşurba ki, Za ak'seynak' laxeśi zahmana maq'an c'ovaki, tenesa gelo k'as'eğale.

Verse: 22  Link to rat Lap Za ə͑śalayinšakala be͑yinśxonal ičoġo ə͑velbeq̇aṭun ki, Zu šoṭoġo nu äfčibaz".
   Lap Za ı̌šalayinşakala běyinšxonal içoğo ı̌velbeq'at'un ki, Zu şot'oğo nu əfçibaz".

Verse: 23  Link to rat Moiseyen Q̣ONƷ́UĠO pine: "Azuḳ Sinay buruġo lateneġon, šoṭaynaḳ ki, Hun "buruġoy härrämine zahman laxi šoṭo ə͑vel ba" pi yax avabakesendi".
   Moiseyen Q'ONČUĞO pine: "Azuk' Sinay buruğo lateneğon, şot'aynak' ki, Hun "buruğoy hərrəmine zahman laxi şot'o ı̌vel ba" pi yax avabakesendi".

Verse: 24  Link to rat Q̣ONƷ́UĠON šoṭo pine: "Ciki, Aaronal exṭi miya laki. Ama be͑yinśxo q̇a azuḳ Bez ṭo͑o͑x layseynaḳ zahmana maq̇aṭun č̣ovaki, tenesa šoṭoġo äfčiboz".
   Q'ONČUĞON şot'o pine: "Üiki, Aaronal ext'i miya laki. Ama běyinšxo q'a azuk' Bez t'ǒǒx layseynak' zahmana maq'at'un c'ovaki, tenesa şot'oğo əfçiboz".

Verse: 25  Link to rat Moisey azuḳi ṭo͑o͑x ciri moṭo šoṭoġo exlätebi.
   Moisey azuk'i t'ǒǒx śiri mot'o şot'oğo exlətebi.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.