TITUS
Biblia Udica, Versio Nizhensis: Vetus Testamentum
Part No. 53
Previous part

Chapter: 13 

Känan ölkinä be͑ġseynaḳ yaq̇abi amdarxo q̇a šoṭoġoy hari exlätṗiyorox
Kənan ölkinə běğseynak' yaq'abi amdarxo q'a şot'oğoy hari exlətp'iyorox



(Ḳan. 1:19-33)
(K'an. 1:19-33)


Verse: 1  Link to rat Q̣ONƷ́UĠON Moiseya pine:
   Q'ONČUĞON Moiseya pine:

Verse: 2  Link to rat "Amdarxo yaq̇aba ki, Zu \ israilluġoynaḳ häzirbi Känan oćala piyexun č̣ovakesṭeq̇aṭun. Här tayfinaxun šoṭoġoy boš kalo hesabbakalṭoġoxun soġoq̇an taci".
   "Amdarxo yaq'aba ki, Zu \ israilluğoynak' həzirbi Kənan oç̌ala piyexun c'ovakest'eq'at'un. Hər tayfinaxun şot'oğoy boş kalo hesabbakalt'oğoxun soğoq'an taśi".

Verse: 3  Link to rat Moiseyenal Q̣ONƷ́UĠON ämirbi ḳinäḳ ičoġoy čurpi Paran amc̣i oćalaxun šoṭoġo yaq̇anebi. Yaq̇abiyorox bito ičoġoy tayfoġoy boš kalo hesabbakalṭoġoxunṭuniy.
   Moiseyenal Q'ONČUĞON əmirbi k'inək' içoğoy çurpi Paran ams'i oç̌alaxun şot'oğo yaq'anebi. Yaq'abiyorox bito içoğoy tayfoğoy boş kalo hesabbakalt'oğoxunt'uniy.

Verse: 4  Link to rat Ičoġoy c̣iyurxo metärey: \ Ruveni tayfinaxun Zaḳḳuri ġar Šammua;
   İçoğoy s'iyurxo metərey: \ Ruveni tayfinaxun Zak'k'uri ğar Şammua;

Verse: 5  Link to rat Simeoni tayfinaxun Xorin ġar Šafaṭ;
   Simeoni tayfinaxun Xorin ğar Şafat';

Verse: 6  Link to rat Iuday tayfinaxun Yefunneyi ġar Ḳalev;
   İuday tayfinaxun Yefunneyi ğar K'alev;

Verse: 7  Link to rat Issaḳari tayfinaxun Iosifi ġar Iḳal;
   İssak'ari tayfinaxun İosifi ğar İk'al;

Verse: 8  Link to rat Efrayimi tayfinaxun Nune ġar Xošea;
   Efrayimi tayfinaxun Nune ğar Xoşea;

Verse: 9  Link to rat Binyamini tayfinaxun Rafuni ġar P̣alṭi;
   Binyamini tayfinaxun Rafuni ğar P'alt'i;

Verse: 10  Link to rat Zevuluni tayfinaxun Sodin ġar Gaddiel;
   Zevuluni tayfinaxun Sodin ğar Gaddiel;

Verse: 11  Link to rat Iosifaxun bakala Menaššeni tayfinaxun Susin ġar Gaddi;
   İosifaxun bakala Menaşşeni tayfinaxun Susin ğar Gaddi;

Verse: 12  Link to rat Dane tayfinaxun Gemallin ġar Ammiel;
   Dane tayfinaxun Gemallin ğar Ammiel;

Verse: 13  Link to rat Ašeri tayfinaxun Mixaili ġar Seṭur;
   Aşeri tayfinaxun Mixaili ğar Set'ur;

Verse: 14  Link to rat Nafṭalin tayfinaxun Vofsin ġar Naxbi;
   Naft'alin tayfinaxun Vofsin ğar Naxbi;

Verse: 15  Link to rat Gade tayfinaxun Maḳin ġar Geuel.
   Gade tayfinaxun Mak'in ğar Geuel.

Verse: 16  Link to rat Ölkinä piyexun č̣ovakesṭeynaḳ Moiseyen yaq̇abi amdarxo moroxey. Nune ġar Xošea isä Moiseyen Yešua c̣ine tadi.
   lkinə piyexun c'ovakest'eynak' Moiseyen yaq'abi amdarxo moroxey. Nune ğar Xoşea isə Moiseyen Yeşua s'ine tadi.

Verse: 17  Link to rat Moiseyen šoṭoġo Känan oćala piyexun č̣ovakesṭeynaḳ yaq̇abaṭan pine: "Negevaxun č̣ovaki buruxmux gala lakinan!
   Moiseyen şot'oğo Kənan oç̌ala piyexun c'ovakest'eynak' yaq'abat'an pine: "Negevaxun c'ovaki buruxmux gala lakinan!

Verse: 18  Link to rat Ṭe ölkinä piyexun č̣ovakesṭanan. Be͑ġanan be͑yn ṭe oćal saal ṭiya bakala amdarxo hetärṭun: zorbaṭun yoxsa zäyif, geleṭun yoxsa mal?
   T'e ölkinə piyexun c'ovakest'anan. Běğanan běyn t'e oç̌al saal t'iya bakala amdarxo hetərt'un: zorbat'un yoxsa zəyif, gelet'un yoxsa mal?

Verse: 19  Link to rat Ičoġoy yäšäyinšala ölkä hetäre: šaaṭe yoxsa pis, be͑yn amdarxo mayaṭun yäšäyinšbsa: ayizmoġo yoxsa q̇alala šähärmoġo?
   İçoğoy yəşəyinşala ölkə hetəre: şaat'e yoxsa pis, běyn amdarxo mayat'un yəşəyinşbsa: ayizmoğo yoxsa q'alala şəhərmoğo?

Verse: 20  Link to rat Ičoġoy ḳulal be͑ġanan: be͑yn bar tadala ḳule yoxsa tää. Xodurxoy gele-mal baksunal fikir tadanan. Qaybakaṭan ṭe ölkin meyvoġoxun ečaynan lap šaaṭe bakon". Hame vädä ṭulal ṗaṗala vädäney.
   İçoğoy k'ulal běğanan: běyn bar tadala k'ule yoxsa təə. Xodurxoy gele-mal baksunal fikir tadanan. Qaybakat'an t'e ölkin meyvoğoxun eçaynan lap şaat'e bakon". Hame vədə t'ulal p'ap'ala vədəney.

Verse: 21  Link to rat Metärluġen, šoṭoġon taci Cin amc̣i oćalaxun Levo-Xamaṭi ṭo͑ġo͑l bakala Rexoval ciriḳ ṭe ölkinä piyexun č̣ovakesṭundi.
   Metərluğen, şot'oğon taśi Üin ams'i oç̌alaxun Levo-Xamat'i t'ǒğǒl bakala Rexoval śirik' t'e ölkinə piyexun c'ovakest'undi.

Verse: 22  Link to rat Šorox Negeva č̣ovaki hari Xevron šähäreṭun č̣eri. Miya Anagaxun * Aximani, Šešayi saal Ṭalmayi näsiläxun bakaloroxe yäšäyinšbsay. Xevron šähärä Misirä bakala Coanaxun vu͑ġ usen be͑śṭun lasakey.
   Şorox Negeva c'ovaki hari Xevron şəhəret'un c'eri. Miya Anagaxun * Aximani, Şeşayi saal T'almayi nəsiləxun bakaloroxe yəşəyinşbsay. Xevron şəhərə Misirə bakala Üoanaxun vǔğ usen běšt'un lasakey.

Verse: 23  Link to rat Hari Ešḳol uḳala däräne ṗaṗaṭan, ṭiya ṭetär sa ġuma ṭulṭun čuki ki, šoṭo duruṭi loxol ṗä͑ tanene tašṭay! Ṭeṭiin ä͑lä͑m q̇a inǯiläl čukeṭuniy.
   Hari Eşk'ol uk'ala dərəne p'ap'at'an, t'iya t'etər sa ğuma t'ult'un çuki ki, şot'o durut'i loxol p'ə̌ tanene taşt'ay! T'et'iin ə̌lə̌m q'a inciləl çuket'uniy.

Verse: 24  Link to rat Me gane c̣iya ṭiya čuki ġumina göräṭun Ešḳol * laxi.
   Me gane s'iya t'iya çuki ğumina görət'un Eşk'ol * laxi.

Verse: 25  Link to rat Šoṭoġon ṭe ölkinä dirisṭ piyexun č̣ovakesṭundi, ičoġoy taci eysunenal q̇ərx ġine zapi.
   Şot'oğon t'e ölkinə dirist' piyexun c'ovakest'undi, içoğoy taśi eysunenal q'ırx ğine zapi.

Verse: 26  Link to rat Moiseyi, Aaroni saal bütüm israilluġoy ṭo͑ġo͑l Paran amc̣i oćala bakala Qadeš šähäre qaybakiyal ičoġoy aḳiṭoġoy barada exlätṭunbi. Šoṭoġo ṭe ölkinäxun ečeri meyvoġoval aḳesṭundi.
   Moiseyi, Aaroni saal bütüm israilluğoy t'ǒğǒl Paran ams'i oç̌ala bakala Qadeş şəhəre qaybakiyal içoğoy ak'it'oğoy barada exlətt'unbi. Şot'oğo t'e ölkinəxun eçeri meyvoğoval ak'est'undi.

Verse: 27  Link to rat Šoṭoġon Moiseya piṭun: "Yan vi pi ölkinä bayanki, šo hägigiyal muć̣anaq̇ q̇a uć̣ barala sa oćale! Moval ṭiyanin meyvoox!
   Şot'oğon Moiseya pit'un: "Yan vi pi ölkinə bayanki, şo həgigiyal muč'anaq' q'a uč' barala sa oç̌ale! Moval t'iyanin meyvoox!

Verse: 28  Link to rat Ama ṭiya yäšäyinšala amdarxo gele zorbane, ičoġoy šähärmuxal ham kala, ham q̇alalane. Hälä ṭiya Anagi näsiläxun bakalṭoġoval ayanḳi!
   Ama t'iya yəşəyinşala amdarxo gele zorbane, içoğoy şəhərmuxal ham kala, ham q'alalane. Hələ t'iya Anagi nəsiləxun bakalt'oğoval ayank'i!

Verse: 29  Link to rat Šorox Negeva, xeṭluyox, yevusluyox saal emorluyox buruxmux ganxo, känanluyox isä dänizi q̇a Iordan oqe börineṭun yäšäyinšbsa".
   Şorox Negeva, xet'luyox, yevusluyox saal emorluyox buruxmux ganxo, kənanluyox isə dənizi q'a İordan oqe börinet'un yəşəyinşbsa".

Verse: 30  Link to rat Ḳaleven isä Moiseyi härrämine gireci amdarxo šiṗbsun čureci pine: "Ekinan taci ṭiyana exṭen! Mo beš kiyelhiḳḳale!"
   K'aleven isə Moiseyi hərrəmine gireśi amdarxo şip'bsun çureśi pine: "Ekinan taśi t'iyana ext'en! Mo beş kiyelhik'k'ale!"

Verse: 31  Link to rat Ama šoṭoxun sagala ṭe ölkinä taci amdarxon piṭun: "Šoṭoġoxun davina č̣eysuna beši zor ayteneġon, šorox yaxun zorbaṭun!"
   Ama şot'oxun sagala t'e ölkinə taśi amdarxon pit'un: "Şot'oğoxun davina c'eysuna beşi zor ayteneğon, şorox yaxun zorbat'un!"

Verse: 32  Link to rat Šoṭoġon ičoġoy be͑ġi oćala israilluġoy piyexun sakseynaḳ nexṭuniy: "Beši be͑ġseynaḳ taci oćal bulukal oćale! Ṭiyani amdarxoval bütüm alloy boyenṭun!
   Şot'oğon içoğoy běği oç̌ala israilluğoy piyexun sakseynak' next'uniy: "Beşi běğseynak' taśi oç̌al bulukal oç̌ale! T'iyani amdarxoval bütüm alloy boyent'un!

Verse: 33  Link to rat Yan ṭiya Anagi näsiläxun bakala ṭetär kakala amdarxoyan aḳi ki, ičoġoy ṭo͑ġo͑l čärtḳän ḳinäḳyan aḳesay. \ Šoṭoġonal beši loxol sa čärtḳäni loxol be͑ġala ḳinäḳṭun be͑ġsay".
   Yan t'iya Anagi nəsiləxun bakala t'etər kakala amdarxoyan ak'i ki, içoğoy t'ǒğǒl çərtk'ən k'inək'yan ak'esay. \ Şot'oğonal beşi loxol sa çərtk'əni loxol běğala k'inək't'un běğsay".



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.