TITUS
Biblia Udica, Versio Nizhensis: Vetus Testamentum
Part No. 54
Previous part

Chapter: 14 

Q̣ONƷ́UĠOY azuḳa Izi äyit tadi oćala nu tašṭun
Q'ONČUĞOY azuk'a İzi əyit tadi oç̌ala nu taşt'un


Verse: 1  Link to rat Ṭe üše bütüm israilluġon šivanbi o͑no͑ṭunpi.
   T'e üşe bütüm israilluğon şivanbi ǒnǒt'unpi.

Verse: 2  Link to rat Ǯamaaten Moiseyaxun q̇a Aaronaxun ṭoṭopi metärṭun nexey: "Moṭoxunsa Misirä nääl me amc̣i oćala ṗuriyaniy!
   Camaaten Moiseyaxun q'a Aaronaxun t'ot'opi metərt'un nexey: "Mot'oxunsa Misirə nəəl me ams'i oç̌ala p'uriyaniy!

Verse: 3  Link to rat Heṭaynaḳe Q̣ONƷ́UĠON yax me oćala tašṭa? Yax q̇ələnǯen ḳac̣ṗeq̇aṭun pi? Hälä beši čupux q̇a äyloxal düšmänxoy kiyel bafṭalṭun. Šaaṭo šone ki, Misirä qaybaken!"
   Het'aynak'e Q'ONČUĞON yax me oç̌ala taşt'a? Yax q'ılıncen k'as'p'eq'at'un pi? Hələ beşi çupux q'a əyloxal düşmənxoy kiyel baft'alt'un. Şaat'o şone ki, Misirə qaybaken!"

Verse: 4  Link to rat Hametär, amdarxoy arane "ekinan yaynaḳ kalo č̣äḳḳen, yax Misiräq̇an qaydi" ḳinäḳ exlätxone taysay.
   Hametər, amdarxoy arane "ekinan yaynak' kalo c'ək'k'en, yax Misirəq'an qaydi" k'inək' exlətxone taysay.

Verse: 5  Link to rat Ṭe vädä Moisey q̇a Aaron bütüm israilluġoy be͑ś ćooq̇a pastṭunci.
   T'e vədə Moisey q'a Aaron bütüm israilluğoy běš ç̌ooq'a pastt'unśi.

Verse: 6  Link to rat Ölkinä be͑ġseynaḳ taciṭoġoy boš baki Nune ġar Yešuan q̇a Yefunneyi ġar Ḳaleven isä amdarxoy Q̣ONƷ́UĠOXUN ćo tarasṭuna nu portṗi, ičoġoy paltara zəġzəġbi *
   lkinə běğseynak' taśit'oğoy boş baki Nune ğar Yeşuan q'a Yefunneyi ğar K'aleven isə amdarxoy Q'ONČUĞOXUN ç̌o tarast'una nu portp'i, içoğoy paltara zığzığbi *

Verse: 7  Link to rat israilluġo piṭun: "Beši taci be͑ġi ölkinä äyit butene!
   israilluğo pit'un: "Beşi taśi běği ölkinə əyit butene!

Verse: 8  Link to rat Ägär Q̣ONƷ́UĠOY piyes šaaṭ \ aḳeġayan, Šoṭin yax ṭe ölkinä tašale, ṭe muć̣anaq̇ q̇a uć̣ barala oćala yax tadale.
   Əgər Q'ONČUĞOY piyes şaat' \ ak'eğayan, Şot'in yax t'e ölkinə taşale, t'e muč'anaq' q'a uč' barala oç̌ala yax tadale.

Verse: 9  Link to rat Sayǯä Q̣ONƷ́UĠOY äleyinä ma e͑qekinan! Ṭe ölkin amdarxoxunal ma q̇ə͑banan, yan šoṭoġoxun zorbayan, šoṭoġo q̇uč̣yankon! Ene ičoġoy umudbakala gaal tene mande, beši isä Q̣ONƷ́UXE bu. Šoṭoġoxun ma q̇ə͑banan!"
   Saycə Q'ONČUĞOY əleyinə ma ěqekinan! T'e ölkin amdarxoxunal ma q'ı̌banan, yan şot'oğoxun zorbayan, şot'oğo q'uc'yankon! Ene içoğoy umudbakala gaal tene mande, beşi isə Q'ONČUXE bu. Şot'oğoxun ma q'ı̌banan!"

Verse: 10  Link to rat Ama ǯamaaten "koṭoġo źe͑layinšanan" pine. Ṭe vädä Q̣ONƷ́UĠON bütüm israilluġo Iz kalaluġa q̇a tamtaraġane aḳesṭi.
   Ama camaaten "kot'oğo ǰělayinşanan" pine. T'e vədə Q'ONČUĞON bütüm israilluğo İz kalaluğa q'a tamtarağane ak'est'i.

Verse: 11  Link to rat Q̣ONƷ́UĠONAL Moiseya pine: "Me azuḳen hevaxṭal ciriḳ Za hörmätsuzluġbale? Hevaxṭal ciriḳ ičoġo mema niśanxo aḳesṭiyal bakayiz, Za teṭun ve͑bakal?
   Q'ONČUĞONAL Moiseya pine: "Me azuk'en hevaxt'al śirik' Za hörmətsuzluğbale? Hevaxt'al śirik' içoğo mema nišanxo ak'est'iyal bakayiz, Za tet'un věbakal?

Verse: 12  Link to rat Koṭoġo tumexun äfčiboz! Vaxun isä koṭoġoxunal kala hamal zorba sa azuḳ ämälä ečoz!"
   Kot'oğo tumexun əfçiboz! Vaxun isə kot'oğoxunal kala hamal zorba sa azuk' əmələ eçoz!"

Verse: 13  Link to rat Moiseyen isä Q̣ONƷ́UĠO pine: "Ṭe vädä Hun Vi zoren me azuḳa ičoġoxun čarḳesṭi misirluġonal me barada ibakalṭun!
   Moiseyen isə Q'ONČUĞO pine: "T'e vədə Hun Vi zoren me azuk'a içoğoxun çark'est'i misirluğonal me barada ibakalt'un!

Verse: 14  Link to rat Šoṭoġon häysä me bakalṭoġoy barada me ölkin amdarxo exlätṗalṭun. Ṭe amdarxon isä Vi me azuḳi arane baksuna, šoṭoġoxun qay exlätpsuna, Vi asoyi šoṭoġoy loxol čurpi ġenaxun asoyi sütünen, üše isä aruġoy sütünen šoṭoġo tašṭuna ibakeṭun.
   Şot'oğon həysə me bakalt'oğoy barada me ölkin amdarxo exlətp'alt'un. T'e amdarxon isə Vi me azuk'i arane baksuna, şot'oğoxun qay exlətpsuna, Vi asoyi şot'oğoy loxol çurpi ğenaxun asoyi sütünen, üşe isə aruğoy sütünen şot'oğo taşt'una ibaket'un.

Verse: 15  Link to rat P̣oy Hun häysä me azuḳa dirisṭ äfčibayin, šoṭoġon ḳä fikirbalṭun?
   P'oy Hun həysə me azuk'a dirist' əfçibayin, şot'oğon k'ə fikirbalt'un?

Verse: 16  Link to rat "Q̣ONƷ́UĠON šoṭoġo Izi elasṗi äyit tadi ölkinä tašes tene baki, šoṭo göräne šoṭoġo amc̣i oćala ḳac̣ṗi cipi!" uḳalṭun.
   "Q'ONČUĞON şot'oğo İzi elasp'i əyit tadi ölkinə taşes tene baki, şot'o görəne şot'oğo ams'i oç̌ala k'as'p'i śipi!" uk'alt'un.

Verse: 17  Link to rat Barta isä Q̣onʒ́uġoy zora aḳeq̇aṭun! Vi bayanbi ḳinäḳ:
   Barta isə Q'ončuğoy zora ak'eq'at'un! Vi bayanbi k'inək':

Verse: 18  Link to rat "Q̣ONƷ́UX säbirlune, Q̣ONƷ́UX üḳ boḳosṗale! Šoṭin taxsəra q̇a günaxa baġəšlayinšebsa, ama iz loxolxun tene č̣ovaksa! Günaxa äšṗesṭiṭay ǯazina izi äyloġoxun burqi nävä nätiǯoġol ciriḳ zapesesṭa". *
   "Q'ONČUX səbirlune, Q'ONČUX ük' bok'osp'ale! Şot'in taxsıra q'a günaxa bağışlayinşebsa, ama iz loxolxun tene c'ovaksa! Günaxa əşp'est'it'ay cazina izi əyloğoxun burqi nəvə nəticoğol śirik' zapesest'a". *

Verse: 19  Link to rat Ay Q̣onʒ́ux, Misiräxun č̣eri ġinaxun ġeyin ġinal ciriḳ baki ḳinäḳ, Vi nu badalbakala čuresuna aḳesṭi me azuḳi günaxaxun č̣eki!". *
   Ay Q'ončux, Misirəxun c'eri ğinaxun ğeyin ğinal śirik' baki k'inək', Vi nu badalbakala çuresuna ak'est'i me azuk'i günaxaxun c'eki!". *

Verse: 20  Link to rat Q̣ONƷ́UĠON metäre ǯoġab tadi: "Vi upsuna görä šoṭoġo baġəšlayinšezbsa.
   Q'ONČUĞON metəre coğab tadi: "Vi upsuna görə şot'oğo bağışlayinşezbsa.

Verse: 21  Link to rat Ama Bez c̣i Q̣ONƷ́UX tene bakon, Bez kalaluġenal me dünyänä tene haq̇layinšon,
   Ama Bez s'i Q'ONČUX tene bakon, Bez kalaluğenal me dünyənə tene haq'layinşon,

Verse: 22  Link to rat ägär Misirä saal amc̣i oćala Bezi kalaluġa q̇a aḳesṭi niśanxo ičoġoy piin aḳiṭuxun ošaal Za nu ve͑baki, Bezi ičoġoy arane baksunaxun vic̣ käräm šüpäläyinšakiṭoġoxun sayǯoq̇a bakayin
   əgər Misirə saal ams'i oç̌ala Bezi kalaluğa q'a ak'est'i nišanxo içoğoy piin ak'it'uxun oşaal Za nu věbaki, Bezi içoğoy arane baksunaxun vis' kərəm şüpələyinşakit'oğoxun saycoq'a bakayin

Verse: 23  Link to rat Bezi ičoġoy bavoġo elasṗi äyit tadi ṭe oćala aḳes bakayṭun! Za hörmätsuzluġbiṭoġoy sayǯo ṭe oćala tene baġal! *
   Bezi içoğoy bavoğo elasp'i əyit tadi t'e oç̌ala ak'es bakayt'un! Za hörmətsuzluğbit'oğoy sayco t'e oç̌ala tene bağal! *

Verse: 24  Link to rat Ama bezi ḳul bakala Ḳalevi üḳ q̇eräze: šo sal sa vädine Bezi äyitäxun tene č̣eri, šoṭaynaḳal šoṭo iz taci tarapi oćala ečoz. Me \ oćalal šoṭoxun bakala näsili bakale! *
   Ama bezi k'ul bakala K'alevi ük' q'erəze: şo sal sa vədine Bezi əyitəxun tene c'eri, şot'aynak'al şot'o iz taśi tarapi oç̌ala eçoz. Me \ oç̌alal şot'oxun bakala nəsili bakale! *

Verse: 25  Link to rat Vä͑n isä äyč̣ä ef yaq̇a badalbanan! Amalegluyox q̇a känanluyox yäšäyinšala ṭe oćali däroġo tää, Ć̣oć̣a dänizi yaq̇en amc̣i oćala takinan".
   Və̌n isə əyc'ə ef yaq'a badalbanan! Amalegluyox q'a kənanluyox yəşəyinşala t'e oç̌ali dəroğo təə, Č'oč'a dənizi yaq'en ams'i oç̌ala takinan".

Verse: 26  Link to rat Q̣ONƷ́UĠON Moiseya q̇a Aarona pine:
   Q'ONČUĞON Moiseya q'a Aarona pine:

Verse: 27  Link to rat "Iz üḳ pisluġen buy me azuḳen hälä heq̇ädär zaxun ṭoṭoḳale? Šoṭoġoy ṭoṭoḳalṭoġo bitova izbaksa!
   "İz ük' pisluğen buy me azuk'en hələ heq'ədər zaxun t'ot'ok'ale? Şot'oğoy t'ot'ok'alt'oğo bitova izbaksa!

Verse: 28  Link to rat Šoṭoġo Bezi me äyitmoġo ṗaṗesṗa: "Bezi c̣iyaz elase ki, efi ṭoṭoḳaṭan piyorox bito bakale!
   Şot'oğo Bezi me əyitmoğo p'ap'esp'a: "Bezi s'iyaz elase ki, efi t'ot'ok'at'an piyorox bito bakale!

Verse: 29  Link to rat Ef meyidxo me amc̣i oćala baśaybakale! * Zaxun ṭoṭopiṭoġoy sayǯo, siyäyinä haq̇eci q̇a saal q̇a yäšäxun ala bakalṭoġoy sayǯo
   Ef meyidxo me ams'i oç̌ala bašaybakale! * Zaxun t'ot'opit'oğoy sayco, siyəyinə haq'eśi q'a saal q'a yəşəxun ala bakalt'oğoy sayco

Verse: 30  Link to rat Bezi elasṗi vä͑x tasṭuna äyit tadi oćala tene baġal, Yefunneyi ġar Ḳalevaxun q̇a Nune ġar Yešuaxun bašq̇a!
   Bezi elasp'i və̌x tast'una əyit tadi oç̌ala tene bağal, Yefunneyi ğar K'alevaxun q'a Nune ğar Yeşuaxun başq'a!

Verse: 31  Link to rat Ama efi <düšmänxoy kiyel bafṭalṭun> pi q̇orišala äylux ṭe oćala baġalṭun! Šoṭoġon efi baysun nu čureci ölkinä čalxalṭun!
   Ama efi <düşmənxoy kiyel baft'alt'un> pi q'orişala əylux t'e oç̌ala bağalt'un! Şot'oğon efi baysun nu çureśi ölkinə çalxalt'un!

Verse: 32  Link to rat Vä͑n isä me amc̣i oćala biyalnan.
   Və̌n isə me ams'i oç̌ala biyalnan.

Verse: 33  Link to rat Efi äyloġonal me amc̣i oćala eġel be͑ġalṭun, vä͑xun än axərənǯiyo miya oćalaxeġamin, q̇ərx usen efi me äšṗesṭi günaxi ǯazina zaṗḳalṭun. *
   Efi əyloğonal me ams'i oç̌ala eğel běğalt'un, və̌xun ən axırınciyo miya oç̌alaxeğamin, q'ırx usen efi me əşp'est'i günaxi cazina zap'k'alt'un. *

Verse: 34  Link to rat Efi ṭe oćala be͑ġsun q̇ərx ġine zapey. Isä ṭe ġimxoy här ġine gala sa usen ǯaza zapsunen vä͑n q̇ərx usen äzyäti boš bakalnan! Ṭe vädä Bezi vä͑xun ćo tarasṭun ḳä \ upsuna avabakalnan".
   Efi t'e oç̌ala běğsun q'ırx ğine zapey. İsə t'e ğimxoy hər ğine gala sa usen caza zapsunen və̌n q'ırx usen əzyəti boş bakalnan! T'e vədə Bezi və̌xun ç̌o tarast'un k'ə \ upsuna avabakalnan".

Verse: 35  Link to rat Moṭo Zu, Q̣ONƷ́UĠONE nex! Bezi piṭuval booz! Bezi äyitäxun č̣eri iz üḳ pisluġen buy me azuḳi axər me amc̣i oćala eġale, korox bito hamiyal baśaybakalṭun!"
   Mot'o Zu, Q'ONČUĞONE nex! Bezi pit'uval booz! Bezi əyitəxun c'eri iz ük' pisluğen buy me azuk'i axır me ams'i oç̌ala eğale, korox bito hamiyal bašaybakalt'un!"

Verse: 36  Link to rat Moiseyen ṭe ölkinä be͑ġseynaḳ yaq̇abi, ošaal ṭeṭiin hari ičoġoy be͑ġi oćali barada avuzbsun äyitṗi, amdarxo Moiseyaxun iraṗṭiṭoġoy
   Moiseyen t'e ölkinə běğseynak' yaq'abi, oşaal t'et'iin hari içoğoy běği oç̌ali barada avuzbsun əyitp'i, amdarxo Moiseyaxun irap't'it'oğoy

Verse: 37  Link to rat - ṭe ölkin barada pis äyitṗiṭoġoy - bito azar bafṭi ḳac̣ṭunci. Me ǯazina šoṭoġoynaḳ Q̣ONƷ́UĠONE yaq̇abi.
   - t'e ölkin barada pis əyitp'it'oğoy - bito azar baft'i k'as't'unśi. Me cazina şot'oğoynak' Q'ONČUĞONE yaq'abi.

Verse: 38  Link to rat Ṭe ölkinä be͑ġseynaḳ taciṭoġoxun sayǯä Nune ġar Yešua q̇a Yefunneyi ġar Ḳaleve dirisṭ mandi.
   T'e ölkinə běğseynak' taśit'oğoxun saycə Nune ğar Yeşua q'a Yefunneyi ğar K'aleve dirist' mandi.

Verse: 39  Link to rat Moiseyen hari Q̣onʒ́uġoy piṭoġo israilluġo ṗaṗesṗaṭan, dirisṭ azuḳen iz č̣ilä ṭapi o͑no͑nepi.
   Moiseyen hari Q'ončuğoy pit'oğo israilluğo p'ap'esp'at'an, dirist' azuk'en iz c'ilə t'api ǒnǒnepi.

Verse: 40  Link to rat Äyč̣indäri savaxṭan isä šorox ṭe ölkin burux ganxoč yaq̇a bafṭi piṭun: "Düze, günaxyan äšṗesṭi, ama ene teyan bal! Q̣ONƷ́UĠON yax äyit tadi oćala taysuna häziryan, ekinan taġen!"
   Əyc'indəri savaxt'an isə şorox t'e ölkin burux ganxoç yaq'a baft'i pit'un: "Düze, günaxyan əşp'est'i, ama ene teyan bal! Q'ONČUĞON yax əyit tadi oç̌ala taysuna həziryan, ekinan tağen!"

Verse: 41  Link to rat Ama Moiseyen pine: "Heṭaynaḳnan Q̣ONƷ́UĠOY äyitäxun č̣eysa? Taševḳalnan!
   Ama Moiseyen pine: "Het'aynak'nan Q'ONČUĞOY əyitəxun c'eysa? Taşevk'alnan!

Verse: 42  Link to rat Ma takinan, efi düšmänxoxun baǯartenanbal, axəri Q̣ONƷ́UX ene vä͑xun tene!
   Ma takinan, efi düşmənxoxun bacartenanbal, axıri Q'ONČUX ene və̌xun tene!

Verse: 43  Link to rat Efi be͑ś č̣eġala amalegluġon q̇a känanluġon vä͑x ḳac̣ḳalṭun! Vä͑n Q̣ONƷ́UĠOXUN ćonan taradi, Šoval ene vä͑xun baki ef kula alabalatene".
   Efi běš c'eğala amalegluğon q'a kənanluğon və̌x k'as'k'alt'un! Və̌n Q'ONČUĞOXUN ç̌onan taradi, Şoval ene və̌xun baki ef kula alabalatene".

Verse: 44  Link to rat Ama šorox ičoġoy źomon taci ṗurumal ṭe burux ganxo taġalaṭun baki. Nä Moisey, nä Q̣ONƷ́UĠOY iräziluġi sanduġ isä ičoġoy ganuxun tene galpi.
   Ama şorox içoğoy ǰomon taśi p'urumal t'e burux ganxo tağalat'un baki. Nə Moisey, nə Q'ONČUĞOY irəziluği sanduğ isə içoğoy ganuxun tene galpi.

Verse: 45  Link to rat Amalegluyox q̇a \ känanluyoxal ṭe burux ganxoxun ciri šoṭoġo ḳac̣ṭunpi. Ičoġoy be͑ś badi Xorma šähäre ṗaṗamin šäṗṭunci.
   Amalegluyox q'a \ kənanluyoxal t'e burux ganxoxun śiri şot'oğo k'as't'unpi. İçoğoy běš badi Xorma şəhəre p'ap'amin şəp't'unśi.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.