TITUS
Biblia Udica, Versio Nizhensis: Vetus Testamentum
Part No. 63
Previous part

Chapter: 23 

Bileami samǯi käräm israilluġoy barada Buxaʒ́uġoy äyitmoġon äyitpsun
Bileami samci kərəm israilluğoy barada Buxačuğoy əyitmoğon əyitpsun


Verse: 1  Link to rat Bileamen Balaga pine: "Zaynaḳ memiya vu͑ġ dänä q̇urban ečala ga düzbesṭi, śamseynaḳal vu͑ġ dänä araḳ saal vu͑ġ dänä q̇oč eġel ečesṭa".
   Bileamen Balaga pine: "Zaynak' memiya vǔğ dənə q'urban eçala ga düzbest'i, šamseynak'al vǔğ dənə arak' saal vǔğ dənə q'oç eğel eçest'a".

Verse: 2  Link to rat Balagenal Bileami pi ḳinäḳ bine. Šoṭoġon här q̇urban ečala gala sa araḳ q̇a sa dänä q̇oč eġelṭun q̇urban ečeri.
   Balagenal Bileami pi k'inək' bine. Şot'oğon hər q'urban eçala gala sa arak' q'a sa dənə q'oç eğelt'un q'urban eçeri.

Verse: 3  Link to rat Oša Bileamen Balaga pine: "Hun miya, me ečeri q̇urbanxoy ṭo͑ġo͑l čurpa, zu isä samal ṭo͑o͑x taġoz. Bärkä Q̣ONƷ́UX za aḳeci Izi äyitä pine. Za ḳä uḳayin, hari va avabakesṭoz". Metär piyal šo amc̣i sa täpinene laci.
   Oşa Bileamen Balaga pine: "Hun miya, me eçeri q'urbanxoy t'ǒğǒl çurpa, zu isə samal t'ǒǒx tağoz. Bərkə Q'ONČUX za ak'eśi İzi əyitə pine. Za k'ə uk'ayin, hari va avabakest'oz". Metər piyal şo ams'i sa təpinene laśi.

Verse: 4  Link to rat Miya Buxaʒ́ux Bileama aḳeci, Bileamenal Šoṭo pine: "Vu͑ġ dänä q̇urban ečala gaz düzbesṭi, härṭay loxolal sa araḳ q̇a sa dänä q̇oč eġelez q̇urban ečeri".
   Miya Buxačux Bileama ak'eśi, Bileamenal Şot'o pine: "Vǔğ dənə q'urban eçala gaz düzbest'i, hərt'ay loxolal sa arak' q'a sa dənə q'oç eğelez q'urban eçeri".

Verse: 5  Link to rat Q̣ONƷ́UĠON isä Bileama ḳä upsun lazəm baksuna zombi tapšurebi: "Isä taki, moṭoġo Balaga ṗaṗesṗa".
   Q'ONČUĞON isə Bileama k'ə upsun lazım baksuna zombi tapşurebi: "İsə taki, mot'oğo Balaga p'ap'esp'a".

Verse: 6  Link to rat Bileam Balagi ṭo͑ġo͑l qayebaki, hariyal Balaga q̇a šoṭoxun hari aġsaq̇q̇alxo ečeri q̇urbanxoy ṭo͑ġo͑l čurpine aḳi.
   Bileam Balagi t'ǒğǒl qayebaki, hariyal Balaga q'a şot'oxun hari ağsaq'q'alxo eçeri q'urbanxoy t'ǒğǒl çurpine ak'i.

Verse: 7  Link to rat Šo ṭeṭiya ṗaṗala ḳinäḳ iz źomoxun Buxaʒ́uġon zombi äyitmuxe č̣eri:
   Şo t'et'iya p'ap'ala k'inək' iz ǰomoxun Buxačuğon zombi əyitmuxe c'eri:
    "Balagen, Moavi padčaġen za Aramaxun,
    "Balagen, Moavi padçağen za Aramaxun,
    Be͑ġ č̣eġala täräf bakala buruxmoġoxune ečeri;
    Běğ c'eğala tərəf bakala buruxmoğoxune eçeri;
    "Eki zaynaḳ Iaḳova q̇arġišṗa,
    "Eki zaynak' İak'ova q'arğişp'a,
    Me israilluġoy loxol q̇arġiš cipa" pine.
    Me israilluğoy loxol q'arğiş śipa" pine.

Verse: 8  Link to rat P̣oy Buxaʒ́uġon nu läänätbiṭu zu hetär läänätbaz?
   P'oy Buxačuğon nu ləənətbit'u zu hetər ləənətbaz?
    Buxaʒ́uġon nu q̇arġišbiṭu zu hetär q̇arġišbaz?
   Buxačuğon nu q'arğişbit'u zu hetər q'arğişbaz?

Verse: 9  Link to rat Mone, q̇ayoġoy belxun šoṭoġoy loxolez be͑ġsa,
   Mone, q'ayoğoy belxun şot'oğoy loxolez běğsa,
    Täpoġoy loxolxun šoṭoġoz aksa!
   Təpoğoy loxolxun şot'oğoz aksa!
    Me azuḳ ič sa ölkäne,
   Me azuk' iç sa ölkəne,
    Sal sa azuḳ šoṭay tay tene!
   Sal sa azuk' şot'ay tay tene!

Verse: 10  Link to rat Iaḳovi näsiläxun bakalṭoġo bo͑q̇ä͑lpsun q̇ume dänoġo bo͑q̇ä͑lpsun ḳinäḳe:
   İak'ovi nəsiləxun bakalt'oğo bǒq'ə̌lpsun q'ume dənoğo bǒq'ə̌lpsun k'inək'e:
    Šoṭoġoy biṗ payaxun sunṭu tenan bo͑q̇ä͑lḳon!
   Şot'oğoy bip' payaxun sunt'u tenan bǒq'ə̌lk'on!
    Barta bez bisunal me düzgünṭoġoy bisunallariḳq̇an baki,
   Barta bez bisunal me düzgünt'oğoy bisunallarik'q'an baki,
    Barta bez axəral moṭoġoy axərallariḳq̇an baki!"
   Barta bez axıral mot'oğoy axırallarik'q'an baki!"

Verse: 11  Link to rat Balagen Bileama pine: "Hun mo za ḳän bi? Zu va bez düšmänxoy loxol q̇arġiš cipseynaḳez ḳalpi, hun isä xeyir-bäräkäti šoṭoġoxun kam nu baksunaxunen äyite!"
   Balagen Bileama pine: "Hun mo za k'ən bi? Zu va bez düşmənxoy loxol q'arğiş śipseynak'ez k'alpi, hun isə xeyir-bərəkəti şot'oğoxun kam nu baksunaxunen əyite!"

Verse: 12  Link to rat Bileamen ǯoġabe tadi: "Zu Q̣ONƷ́UĠON za piṭoġoz nex".
   Bileamen coğabe tadi: "Zu Q'ONČUĞON za pit'oğoz nex".



Bileami ṗä͑mǯi käräm israilluġoy barada Buxaʒ́uġoy äyitmoġon äyitpsun
Bileami p'ə̌mci kərəm israilluğoy barada Buxačuğoy əyitmoğon əyitpsun


Verse: 13  Link to rat Ṭe vädä Balagen šoṭo pine: "Eki zaxun q̇eräz gala taġen. Ṭeṭiin azuḳa aḳes bakalnu, ama bitova tää, ičoġoy čurḳala gane sa ṭo͑ġä͑. Bezi äyitä oq̇a ma saka, eki ṭe ganuxun šoṭoġo q̇arġišṗa".
   T'e vədə Balagen şot'o pine: "Eki zaxun q'erəz gala tağen. T'et'iin azuk'a ak'es bakalnu, ama bitova təə, içoğoy çurk'ala gane sa t'ǒğə̌. Bezi əyitə oq'a ma saka, eki t'e ganuxun şot'oğo q'arğişp'a".

Verse: 14  Link to rat Hametär, Balagen šoṭo P̣isḳa buruġoy bel bakala Cofim, yäni "be͑ġala ga" uḳala q̇oruġane tašeri. Miya vu͑ġ dänä q̇urban ečala ga düzbi, härṭay loxolal sa araḳ q̇a sa dänä q̇oč eġelṭun q̇urban ečeri.
   Hametər, Balagen şot'o P'isk'a buruğoy bel bakala Üofim, yəni "běğala ga" uk'ala q'oruğane taşeri. Miya vǔğ dənə q'urban eçala ga düzbi, hərt'ay loxolal sa arak' q'a sa dənə q'oç eğelt'un q'urban eçeri.

Verse: 15  Link to rat Bileamen Balaga pine: "Hun miya, me bokosṗi q̇urbanxoy ṭo͑ġo͑l čurpa, zu isä samal be͑ś taci Buxaʒ́uġoxun äyitḳoz".
   Bileamen Balaga pine: "Hun miya, me bokosp'i q'urbanxoy t'ǒğǒl çurpa, zu isə samal běš taśi Buxačuğoxun əyitk'oz".

Verse: 16  Link to rat Q̣ONƷ́UXAL Bileama aḳeci šoṭo ḳä upsun lazəm baksuna zombi tapšurebi: "Isä taki, moṭoġo Balaga ṗaṗesṗa".
   Q'ONČUXAL Bileama ak'eśi şot'o k'ə upsun lazım baksuna zombi tapşurebi: "İsə taki, mot'oğo Balaga p'ap'esp'a".

Verse: 17  Link to rat Bileam Balagi ṭo͑ġo͑l qayebaki, hariyal šoṭo ečeri q̇urbanxoy ṭo͑ġo͑l Moavi aġsaq̇q̇alxoxun sagala čurpine \ aḳi. Balagen šoṭoxun xavare haq̇i: "Q̣ONƷ́UĠON ḳä pi?"
   Bileam Balagi t'ǒğǒl qayebaki, hariyal şot'o eçeri q'urbanxoy t'ǒğǒl Moavi ağsaq'q'alxoxun sagala çurpine \ ak'i. Balagen şot'oxun xavare haq'i: "Q'ONČUĞON k'ə pi?"

Verse: 18  Link to rat Bileameni źomoxunal Buxaʒ́uġon zombi äyitmuxe č̣eri:
   Bileameni ǰomoxunal Buxačuğon zombi əyitmuxe c'eri:
    "Ay Balag, vi u͑mu͑xxo qaypa ibaka!
   "Ay Balag, vi ǔmǔxxo qaypa ibaka!
    Ay Ciṗṗori ġar, za u͑mu͑xlaxa!
   Ay Üip'p'ori ğar, za ǔmǔxlaxa!

Verse: 19  Link to rat Äfčiduġsun amdarxoy äše,
   Əfçiduğsun amdarxoy əşe,
    Fikirä badalbsun - me dünyäni ädäte!
   Fikirə badalbsun - me dünyəni ədəte!
    Buxaʒ́ux isä Iz pi äyiti loxol čurene,
   Buxačux isə İz pi əyiti loxol çurene,
    Šoṭay äyit tadi bex nu ṗaṗespsuna itenbakon!
   Şot'ay əyit tadi bex nu p'ap'espsuna itenbakon!

Verse: 20  Link to rat Šoṭin xeyir-bäräkätä ene tadene,
   Şot'in xeyir-bərəkətə ene tadene,
    Zu isä me äyitmux bez źomoxun barsṭeynaḳez č̣äḳece!
   Zu isə me əyitmux bez ǰomoxun barst'eynak'ez c'ək'eśe!

Verse: 21  Link to rat Iaḳovi näsileynaḳ q̇ə͑ tene bu,
   İak'ovi nəsileynak' q'ı̌ tene bu,
    Israilluġoy belxun sa popal tene bital!
   İsrailluğoy belxun sa popal tene bital!
    Šoṭo görä ki, ičoġoy Buxaʒ́ux bakala Q̣ONƷ́UX ičoġoxune,
   Şot'o görə ki, içoğoy Buxačux bakala Q'ONČUX içoğoxune,
    Šoṭoṭun padčaġ pi ḳale!
   Şot'ot'un padçağ pi k'ale!

Verse: 22  Link to rat Čölnä öküzi zore tade šoṭoġo Buxaʒ́uġon,
   Çölnə öküzi zore tade şot'oğo Buxačuğon,
    Misiräxune č̣evḳe šoṭoġo!
   Misirəxune c'evk'e şot'oğo!

Verse: 23  Link to rat Iaḳovi näsilä äfčibsun falčin äš tene,
   İak'ovi nəsilə əfçibsun falçin əş tene,
    Israilluġo sal sa ǯadunen biteneq̇sa!
   İsrailluğo sal sa cadunen biteneq'sa!
    Me azuḳa be͑ġi "mo Buxaʒ́uġoy äše!" nexṭun.
   Me azuk'a běği "mo Buxačuğoy əşe!" next'un.

Verse: 24  Link to rat Be͑ġa hetäre aslan ḳinäḳ e͑qesa,
   Běğa hetəre aslan k'inək' ěqesa,
    Hetäre šir ḳinäḳ amdarxoy loxol taysa!
   Hetəre şir k'inək' amdarxoy loxol taysa!
    Iz kiyel bafṭalṭu carḳamin,
   İz kiyel baft'alt'u śark'amin,
    Šoṭay ṗiya xupi čarḳesṭamin kul tene haq̇on!"
   Şot'ay p'iya xupi çark'est'amin kul tene haq'on!"

Verse: 25  Link to rat Ṭe vädä Balagen Bileama pine: "Efa! Nä vi q̇arġišbsunaz čuresa, nä xeyir-bäräkät ḳalpsuna!".
   T'e vədə Balagen Bileama pine: "Efa! Nə vi q'arğişbsunaz çuresa, nə xeyir-bərəkət k'alpsuna!".

Verse: 26  Link to rat Bileamen isä "va tez pi ki, Q̣ONƷ́UĠON za ḳä uḳalesa, šoṭo booz?" pine.
   Bileamen isə "va tez pi ki, Q'ONČUĞON za k'ə uk'alesa, şot'o booz?" pine.



Bileami xibimǯi käräm israilluġoy barada Buxaʒ́uġoy äyitmoġon äyitpsun
Bileami xibimci kərəm israilluğoy barada Buxačuğoy əyitmoğon əyitpsun


Verse: 27  Link to rat Ṭe vädä Balagen Bileama metäre pi: "Va q̇eräz sa gala tašoz! Banekon Buxaʒ́uġon šoṭoġo vi ṭeṭiine čurpi q̇arġišbsuna čuresa".
   T'e vədə Balagen Bileama metəre pi: "Va q'erəz sa gala taşoz! Banekon Buxačuğon şot'oğo vi t'et'iine çurpi q'arğişbsuna çuresa".

Verse: 28  Link to rat Hametär, Balagen Bileama P̣eor buruġoy bele tašeri. Ṭe ganuxun dirisṭ ṭe xam ga aḳesay.
   Hametər, Balagen Bileama P'eor buruğoy bele taşeri. T'e ganuxun dirist' t'e xam ga ak'esay.

Verse: 29  Link to rat Miya Bileamen Balaga pine: "Zaynaḳ memiya vu͑ġ dänä q̇urban ečala ga düzbesṭi, śamseynaḳal vu͑ġ dänä araḳ saal vu͑ġ dänä q̇oč eġel ečesṭa".
   Miya Bileamen Balaga pine: "Zaynak' memiya vǔğ dənə q'urban eçala ga düzbest'i, šamseynak'al vǔğ dənə arak' saal vǔğ dənə q'oç eğel eçest'a".

Verse: 30  Link to rat Balagen Bileamen pi ḳinäḳ bine, här q̇urban ečala gane loxolal sa araḳ q̇a sa dänä q̇oč eġel q̇urban śampi boḳosebi.
   Balagen Bileamen pi k'inək' bine, hər q'urban eçala gane loxolal sa arak' q'a sa dənə q'oç eğel q'urban šampi bok'osebi.


Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.