TITUS
Biblia Udica, Versio Nizhensis: Vetus Testamentum
Part No. 80
Previous part

Chapter: 4 
Boaz Ruṭaxun lašḳoybaksun
Boaz Rut'axun laşk'oybaksun


Verse: 1  Boaz darvazinaxun č̣eri, amdarxo gireġala gala areci. Boazen uḳala ṭe q̇onʒ́ux ṭeṭiyin č̣ovaneksay. Boazen šoṭo aki ḳalepi: "Eki miya arca". šoval hari areci.
   Boaz darvazinaxun c'eri, amdarxo gireğala gala areśi. Boazen uk'ala t'e q'ončux t'et'iyin c'ovaneksay. Boazen şot'o aki k'alepi: "Eki miya arśa". şoval hari areśi.

Verse: 2  Boazen šähäri hampoġoxun vic̣ tan ḳalpi arceveḳi.
   Boazen şəhəri hampoğoxun vis' tan k'alpi arśevek'i.

Verse: 3  Boazen ṭe q̇onʒ́uġo pine: "Naomi Moavin oćalaxun qaybakene, beši viči Elimelexi oćala toyesṭa.
   Boazen t'e q'ončuğo pine: "Naomi Moavin oç̌alaxun qaybakene, beşi viçi Elimelexi oç̌ala toyest'a.

Verse: 4  Zuval me hampoox saal me amdarxo bakala gala va ibakesṭunez čuresa ki, šoṭo hun haq̇avax. Hun šoṭo q̇onʒ́uxluġ balnusa ba, ten balsa za qay upa, zuval avabakaz. Vaxun bašq̇al q̇onʒ́uxluġ bal teno, vaxun oša zuzu". šoṭin Boaza pine: "Zu q̇onʒ́uxluġ bozu".
   Zuval me hampoox saal me amdarxo bakala gala va ibakest'unez çuresa ki, şot'o hun haq'avax. Hun şot'o q'ončuxluğ balnusa ba, ten balsa za qay upa, zuval avabakaz. Vaxun başq'al q'ončuxluğ bal teno, vaxun oşa zuzu". şot'in Boaza pine: "Zu q'ončuxluğ bozu".

Verse: 5  Boazen šoṭo pine: "Naomin oćala haq̇aṭan šoṭay puri ġare čuġo Moavlu Ruṭa čuux kinäḳ haq̇in buq̇o ki, ṗuriṭay c̣i iz loxolq̇an mandi".
   Boazen şot'o pine: "Naomin oç̌ala haq'at'an şot'ay puri ğare çuğo Moavlu Rut'a çuux kinək' haq'in buq'o ki, p'urit'ay s'i iz loxolq'an mandi".

Verse: 6  Q̣onʒ́uxluġ balṭin pine: "Zu šoṭaynaḳ q̇ončuxluġ bes bateskon, bezi näsil careġo. Q̣onʒ́uxluġa vi ozane exṭa, zu q̇onʒ́ux bakes baṭeskon".
   Q'ončuxluğ balt'in pine: "Zu şot'aynak' q'onçuxluğ bes bateskon, bezi nəsil śareğo. Q'ončuxluğa vi ozane ext'a, zu q'ončux bakes bat'eskon".

Verse: 7  Ṭe vaxt Israila metär ädätebuy: q̇onʒ́uxluġ baṭan, haq̇i-toydaṭan sunṭin iz toroḳala č̣eq̇i ṭesunṭune tasṭa.
   T'e vaxt İsraila metər ədətebuy: q'ončuxluğ bat'an, haq'i-toydat'an sunt'in iz torok'ala c'eq'i t'esunt'une tast'a.

Verse: 8  Q̣onʒ́uxluġ bala amdaren Boaza pine: "Hun haq̇a". Iz toraḳalal č̣eq̇i tanesṭa.
   Q'ončuxluğ bala amdaren Boaza pine: "Hun haq'a". İz torak'alal c'eq'i tanest'a.

Verse: 9  Boazen hampoġo saal ṭeṭiya gireci amdarxo pine: "Vä͑nal ġe ananḳsa: zu Elimelexi bitov mülkä, Kəlyona, Maxlona aid bakala ṭö͑ġö͑, Naominaxun haq̇i q̇onʒ́uxluġezbsa.
   Boazen hampoğo saal t'et'iya gireśi amdarxo pine: "Və̌nal ğe anank'sa: zu Elimelexi bitov mülkə, Kılyona, Maxlona aid bakala t'ö%ğö%, Naominaxun haq'i q'ončuxluğezbsa.

Verse: 10  P̣uriṭay c̣i mansṭeynaḳ, Maxloni süpür čuux Moavlu Ruṭa zaynaḳ čuuxez haq̇sa. Vičimoġoy yurdaxun izi c̣i silmaq̇anbaki. Vä͑nal koṭo ananḳsa".
   P'urit'ay s'i manst'eynak', Maxloni süpür çuux Moavlu Rut'a zaynak' çuuxez haq'sa. Viçimoğoy yurdaxun izi s'i silmaq'anbaki. Və̌nal kot'o anank'sa".

Verse: 11  Darvazin ṭö͑ġö͑l girec̣i hampoġon q̇a amdarxon piṭun: "Yan ayankc̣a, Q̣onǯuġon vi ḳoya eġala me čuġo Israili ḳoža biq̇i ṗä͑ čupux Rahilä q̇a Lea ḳinäḳq̇an bi. Yefrati var-dövlät viq̇an baki, Beṭ-Lexemal vi c̣iq̇an ṭaṗeci.
   Darvazin t'ö%ğö%l gires'i hampoğon q'a amdarxon pit'un: "Yan ayanks'a, Q'oncuğon vi k'oya eğala me çuğo İsraili k'oja biq'i p'ə̌ çupux Rahilə q'a Lea k'inək'q'an bi. Yefrati var-dövlət viq'an baki, Bet'-Lexemal vi s'iq'an t'ap'eśi.

Verse: 12  Barta Q̣onʒ́uġon vi ḳoža me ǯäyil čuġoxun bakala ošin näsil Tamari Iudaxun baki Peresi kožal lariḳq̇an bi".
   Barta Q'ončuğon vi k'oja me cəyil çuğoxun bakala oşin nəsil Tamari İudaxun baki Peresi kojal larik'q'an bi".

Verse: 13  Boazen Ruṭa ičeynaḳ čuuxe haq̇i. Boaz šoṭay ṭö͑ġö͑le basi. Q̣onʒ́uġon Ruṭa äyele tadi, Ruṭaxun ġare baki.
   Boazen Rut'a içeynak' çuuxe haq'i. Boaz şot'ay t'ö%ğö%le basi. Q'ončuğon Rut'a əyele tadi, Rut'axun ğare baki.

Verse: 14  čupuxxon Naomina piṭun: "Q̣onʒ́uġo alxišq̇an baki, va ġe q̇onʒ́uxe tadi. Iz c̣i Israila čalxeceq̇an.
   çupuxxon Naomina pit'un: "Q'ončuğo alxişq'an baki, va ğe q'ončuxe tadi. İz s'i İsraila çalxeśeq'an.

Verse: 15  Me äyelen va mü͑q̇ṭale, vi q̇oža vädine va be͑ġale. šoṭaynaḳ ki, vüġ ġare ganu tadala, va gele čureġala binaxune bake".
   Me əyelen va mü%q't'ale, vi q'oja vədine va běğale. şot'aynak' ki, vüğ ğare ganu tadala, va gele çureğala binaxune bake".

Verse: 16  Naominen äyelä iz q̇užel exṭi taranesṭa, šoṭaynaḳ kalnane baksa.
   Naominen əyelə iz q'ujel ext'i taranest'a, şot'aynak' kalnane baksa.

Verse: 17  Q̣onši čupuxxon šoṭaynaḳ c̣i laxi piṭun: "Naomineynaḳ ġare bake". šoṭay c̣iyal Ovedṭun laxi. šo, Davidi bava Yeseyini bavane baksa.
   Q'onşi çupuxxon şot'aynak' s'i laxi pit'un: "Naomineynak' ğare bake". şot'ay s'iyal Ovedt'un laxi. şo, Davidi bava Yeseyini bavane baksa.



Davidi äsil
Davidi əsil


Verse: 18  Peresi näsil moroxe: Peresaxun Xesrone baki.
   Peresi nəsil moroxe: Peresaxun Xesrone baki.

Verse: 19  Xesronaxun Arame baki. Aramaxun Amminadafee baki.
   Xesronaxun Arame baki. Aramaxun Amminadafee baki.

Verse: 20  Amminadabaxun Naxsone baki. Naxsonaxun Salmone baki.
   Amminadabaxun Naxsone baki. Naxsonaxun Salmone baki.

Verse: 21  salmonaxun Boaze baki. Boazaxun Ovede baki, Ovedaxun Yesseye baki. Yesseyaxun Davide baki.
   salmonaxun Boaze baki. Boazaxun Ovede baki, Ovedaxun Yesseye baki. Yesseyaxun Davide baki.





Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.