TITUS
Biblia Udica, Versio Nizhensis: Vetus Testamentum
Part No. 101
Previous part

Chapter: 21 

21-ǯi ω͑vel mä͑ġ
21-ci Ǐvel mə̌ğ



Farḳalxoy däsṭin kalaṭaynaḳ. Davidi ω͑vel mä͑ġ.
Fark'alxoy dəst'in kalat'aynak'. Davidi Ǐvel mə̌ğ.


Verse: 1    Ay Q̣ONƷ́UX, Vi zorene mu͑qsṭa padčaġa,
   Ay Q'ONČUX, Vi zorene mǔqst'a padçağa,
    Vi iču čarḳesṭunene färäxläyinšaksa šo.
    Vi içu çark'est'unene fərəxləyinşaksa şo.

Verse: 2    Šoṭay üḳexun č̣ovakalṭoġo tam bex ṗaṗesenbi Hun,
   Şot'ay ük'exun c'ovakalt'oğo tam bex p'ap'esenbi Hun,
    Šoṭay źomoxun č̣eġalṭoġo ǯoġabsuz ten efi.
    Şot'ay ǰomoxun c'eğalt'oğo coğabsuz ten efi.

Verse: 3    Šoṭo q̇abulenbi Hun, šaaṭ šeyurxo ičuxun kamtenbi,
   Şot'o q'abulenbi Hun, şaat' şeyurxo içuxun kamtenbi,
    Iz bel tämiz q̇əzəlaxun taǯen laxi.
    İz bel təmiz q'ızılaxun tacen laxi.

Verse: 4    Šoṭin Vaxun yäšäyinše čureci, Hunal šoṭo bol-bolen tadi,
   Şot'in Vaxun yəşəyinşe çureśi, Hunal şot'o bol-bolen tadi,
    Šoṭay ömürä hämišäluġen boxoybi.
    Şot'ay ömürə həmişəluğen boxoybi.

Verse: 5    Šoṭo düšmänxoxun čarḳesṭi iz c̣iyan alabi,
   Şot'o düşmənxoxun çark'est'i iz s'iyan alabi,
    Šoṭo kala c̣iye, hörmäti q̇onʒ́uxen bi.
    Şot'o kala s'iye, hörməti q'ončuxen bi.

Verse: 6    Šoṭo hämišäluġ bakala sa xeyir-bäräkäten tadi,
   Şot'o həmişəluğ bakala sa xeyir-bərəkəten tadi,
    Vi iz ṭo͑ġo͑l baksuni mu͑qluġan aḳesṭi.
    Vi iz t'ǒğǒl baksuni mǔqluğan ak'est'i.

Verse: 7    Axəri padčaġen Q̣ONƷ́UĠONE bać̣an tarasṭa,
   Axıri padçağen Q'ONČUĞONE bač'an tarast'a,
    Ala Arciṭay nu badalbakala čuresuna göräl iz tur źe͑na tene lamansṭa.
    Ala Arśit'ay nu badalbakala çuresuna görəl iz tur ǰěna tene lamanst'a.

Verse: 8    Vi zorba kula boxodi vi düšmänxo biq̇alnu,
   Vi zorba kula boxodi vi düşmənxo biq'alnu,
    Va nu čureġalorox Vi kiyexun teṭun čarḳal.
    Va nu çureğalorox Vi kiyexun tet'un çark'al.

Verse: 9    Va aḳaṭan ičoġo boḳala buxarin boš hisbalṭun,
   Va ak'at'an içoğo bok'ala buxarin boş hisbalt'un,
    Vi äǯuġon šoṭoġo aśampi tašala arux ḳinäḳ äfčibale.
    Vi əcuğon şot'oğo ašampi taşala arux k'inək' əfçibale.

Verse: 10    Šoṭoġoxun töräyinšakalṭoġo etenfal,
   Şot'oğoxun törəyinşakalt'oğo etenfal,
    Oćalin ćoyelxun šoṭoġoy näsilä tumexun äfčibalnu Hun!
    Oç̌alin ç̌oyelxun şot'oğoy nəsilə tumexun əfçibalnu Hun!

Verse: 11    Vi äleyinä č̣eri Va pisluġbsunṭun čureci,
   Vi əleyinə c'eri Va pisluğbsunt'un çureśi,
    Ama ičoġoy šär äšurxon bul tene biq̇i, teṭun bašarbi.
    Ama içoğoy şər əşurxon bul tene biq'i, tet'un başarbi.

Verse: 12    Vi be͑ś badi šäṗeġalnu šoṭoġo Hun,
   Vi běš badi şəp'eğalnu şot'oğo Hun,
    Ičoġoy loxol eġala xišṭiḳxoxun ṭiṭalṭun šorox.
    İçoğoy loxol eğala xişt'ik'xoxun t'it'alt'un şorox.

Verse: 13    Ay Q̣ONƷ́UX, hayza, Vi kalaluġa, Vi zora aḳesṭa!
   Ay Q'ONČUX, hayza, Vi kalaluğa, Vi zora ak'est'a!
    Barta yanal moṭoġo aḳi Vi c̣iya alabala mä͑ġur mä͑ġḳen!
    Barta yanal mot'oğo ak'i Vi s'iya alabala mə̌ğur mə̌ğk'en!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.