TITUS
Biblia Udica, Versio Nizhensis: Vetus Testamentum
Part No. 122
Previous part

Chapter: 42 

42-ǯi ω͑vel mä͑ġ
42-ci Ǐvel mə̌ğ



Farḳalxoy däsṭin kalaṭaynaḳ. Goraxi ġarmoġon campi ögüd-näsyät tadala ω͑vel mä͑ġ.
Fark'alxoy dəst'in kalat'aynak'. Goraxi ğarmoğon śampi ögüd-nəsyət tadala Ǐvel mə̌ğ.


Verse: 1    Marali turmoġon iču xe taġala ganu ečala ḳinäḳ,
   Marali turmoğon içu xe tağala ganu eçala k'inək',
    Bez üḳenal za Vače ešṭa, ay Buxaʒ́ux!
    Bez ük'enal za Vaçe eşt'a, ay Buxačux!

Verse: 2    Iz üḳ xeneynaḳ boḳala amdaren xe qä͑ve͑ġala ḳinäḳez qä͑ve͑sa Va!
   İz ük' xeneynak' bok'ala amdaren xe qə̌věğala k'inək'ez qə̌věsa Va!
    Dirisṭ bakala Buxaʒ́uġoz qä͑ve͑sa!
    Dirist' bakala Buxačuğoz qə̌věsa!
    Vi bakala gala hari Va bul ḳoc̣bseynaḳ ġiz bo͑q̇ä͑le!
    Vi bakala gala hari Va bul k'os'bseynak' ğiz bǒq'ə̌le!

Verse: 3    Za här däfä "poy maya vi Buxaʒ́ux?" uḳaṭan
   Za hər dəfə "poy maya vi Buxačux?" uk'at'an
    Üše-ġena o͑nepi neġen tapanez boševḳi zu.
    Üşe-ğena ǒnepi neğen tapanez boşevk'i zu.

Verse: 4    Axsibay č̣ovakesṭala azuḳi aranexun č̣ovaki
   Axsibay c'ovakest'ala azuk'i aranexun c'ovaki
    Vi ə͑vel gala taysun bez eyex bafṭaṭan üḳe q̇aće bezi.
    Vi ı̌vel gala taysun bez eyex baft'at'an ük'e q'aç̌e bezi.
    Amdarxon Va alxəšṗaṭan č̣eġala mu͑q säsurxoy häsrätäz zaṗe.
    Amdarxon Va alxışp'at'an c'eğala mǔq səsurxoy həsrətəz zap'e.

Verse: 5    Heṭaynaḳen xä͑xä͑yesa, ay bez üḳ?
   Het'aynak'en xə̌xə̌yesa, ay bez ük'?
    Heṭaynaḳen q̇ubarbsa?
    Het'aynak'en q'ubarbsa?
    Buxaʒ́uġosṭa aḳa umudin ganu hun!
    Buxačuğost'a ak'a umudin ganu hun!
    Vi Čarḳesṭal bakala, vi šükürbi Iz c̣iya alabala Buxaʒ́uġosṭa!
    Vi Çark'est'al bakala, vi şükürbi İz s'iya alabala Buxačuğost'a!

Verse: 6    Xä͑xä͑ne bez üḳ,
   Xə̌xə̌ne bez ük',
    Vane čuresa me Iordan oćala,
    Vane çuresa me İordan oç̌ala,
    Me Xermon q̇a Micar uḳala buruxmoġo.
    Me Xermon q'a Miśar uk'ala buruxmoğo.

Verse: 7    Šoṭoġoxun barala xenen za haq̇i tašala ḳinäḳez hisbsa za!
   Şot'oğoxun barala xenen za haq'i taşala k'inək'ez hisbsa za!
    Bito Vi dalġoox, bito Vi läpooxe hari bez belxun č̣ovaki.
    Bito Vi dalğoox, bito Vi ləpooxe hari bez belxun c'ovaki.

Verse: 8    Ġenaxun Q̣ONƷ́UĠONE za Iz nu badalbakala čuresuna aḳesṭa,
   Ğenaxun Q'ONČUĞONE za İz nu badalbakala çuresuna ak'est'a,
    Üšemoġo isä Šoṭo ḳalpi afərəpsunen,
    Üşemoğo isə Şot'o k'alpi afırıpsunen,
    Za yäšäyinš tadi Buxaʒ́uġoy c̣iya alabala mä͑ġur mä͑ġpsunenez č̣ovakesṭa zu.
    Za yəşəyinş tadi Buxačuğoy s'iya alabala mə̌ğur mə̌ğpsunenez c'ovakest'a zu.

Verse: 9    Zaynaḳ sa q̇aya bakala Buxaʒ́uġo metär uḳoz: "Heṭaynaḳen za eyexun č̣evḳi?
   Zaynak' sa q'aya bakala Buxačuğo metər uk'oz: "Het'aynak'en za eyexun c'evk'i?
    Heṭaynaḳen za düšmäni turin oq̇a tadi neġ cipesṭi?"
    Het'aynak'en za düşməni turin oq'a tadi neğ śipest'i?"

Verse: 10    Axśumi gaz bake düšmänxoynaḳ,
   Axšumi gaz bake düşmənxoynak',
    Za här däfä "maya ṗoy vi Buxaʒ́ux?" uḳaṭan
    Za hər dəfə "maya p'oy vi Buxačux?" uk'at'an
    Bez üḳe xančal badala ḳinäḳe baksa.
    Bez ük'e xançal badala k'inək'e baksa.

Verse: 11    Heṭaynaḳen xä͑xä͑yesa, ay bez üḳ?
   Het'aynak'en xə̌xə̌yesa, ay bez ük'?
    Heṭaynaḳen q̇ubarbsa?
    Het'aynak'en q'ubarbsa?
    Buxaʒ́uġosṭa aḳa umudin ganu hun!
    Buxačuğost'a ak'a umudin ganu hun!
    Vi Čarḳesṭal bakala, vi šükürbi Iz c̣iya alabala Buxaʒ́uġosṭa!
    Vi Çark'est'al bakala, vi şükürbi İz s'iya alabala Buxačuğost'a!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.