TITUS
Biblia Udica, Versio Nizhensis: Vetus Testamentum
Part No. 126
Previous part

Chapter: 46 

46-ǯi ω͑vel mä͑ġ
46-ci Ǐvel mə̌ğ



Farḳalxoy däsṭin kalaṭaynaḳ. Goraxi ġarmoġoy Alamoṭen * mä͑ġe͑ġala ω͑vel mä͑ġ.
Fark'alxoy dəst'in kalat'aynak'. Goraxi ğarmoğoy Alamot'en * mə̌ğěğala Ǐvel mə̌ğ.


Verse: 1    Beš bać̣ane, yax zor tadalone Buxaʒ́ux,
   Beş bač'ane, yax zor tadalone Buxačux,
    Ṭar ġine beš kiyexun biq̇alone Šo.
    T'ar ğine beş kiyexun biq'alone Şo.

Verse: 2    Moṭo göräl q̇ə͑teyanbsa yan!
   Mot'o görəl q'ı̌teyanbsa yan!
    Oćal źə͑ḳeġayin,
    Oç̌al ǰı̌k'eğayin,
    Buruxmux careci dänizi tume barayin,
    Buruxmux śareśi dənizi tume barayin,

Verse: 3    Xeyur e͑qeci buruxmoġo iz ganuxunal galdayin,
   Xeyur ěqeśi buruxmoğo iz ganuxunal galdayin,
    Yaynaḳ q̇ə͑ butene!
    Yaynak' q'ı̌ butene!

Verse: 4    Taġala oqure č̣ovaksa Buxaʒ́uġoy šähärexun, *
   Tağala oqure c'ovaksa Buxačuğoy şəhərexun, *
    Mu͑qluġe ešṭa Ala Arciṭay mäsḳän saki ganu.
    Mǔqluğe eşt'a Ala Arśit'ay məsk'ən saki ganu.

Verse: 5    Buxaʒ́uġon Ičeynaḳ ḳož bi šähär tene galḳon iz ganuxun,
   Buxačuğon İçeynak' k'oj bi şəhər tene galk'on iz ganuxun,
    Išiġ bitaṭan šoṭay loxole Iz pul!
    İşiğ bitat'an şot'ay loxole İz pul!

Verse: 6    Millätxone välvälinä badon,
   Millətxone vəlvəlinə badon,
    Padčaġluġxone čökṭesṭon,
    Padçağluğxone çökt'est'on,
    Dünyäni säsäne boṭon Buxaʒ́uġoxun č̣eġala säsen!
    Dünyəni səsəne bot'on Buxačuğoxun c'eğala səsen!

Verse: 7    Q̣ošuni Q̣ONƷ́UX yaxune,
   Q'oşuni Q'ONČUX yaxune,
    Iaḳovi Buxaʒ́ux beš bać̣ane.
    İak'ovi Buxačux beş bač'ane.

Verse: 8    Ekinan, Q̣ONƷ́UĠOY bi äšurxo be͑ġanan,
   Ekinan, Q'ONČUĞOY bi əşurxo běğanan,
    Oćalin ćoyexun äfčibiṭoġo aḳanan.
    Oç̌alin ç̌oyexun əfçibit'oğo ak'anan.

Verse: 9    Dünyäni sa belxun baci ṭe belxune č̣eri:
   Dünyəni sa belxun baśi t'e belxune c'eri:
    Davoġone efi Šoṭin,
    Davoğone efi Şot'in,
    Xišṭiḳxo q̇a oxurxone xoxṗi cipi,
    Xişt'ik'xo q'a oxurxone xoxp'i śipi,
    Davin araboġone bäč̣üḳṭi.
    Davin araboğone bəc'ük't'i.

Verse: 10    "Bäsṗanan, Zuzu Buxaʒ́ux!
   "Bəsp'anan, Zuzu Buxačux!
    Bez c̣i ṭaṗeġale azuḳxoy boš,
    Bez s'i t'ap'eğale azuk'xoy boş,
    Zuzu me dünyäni kalo" nexe.
    Zuzu me dünyəni kalo" nexe.

Verse: 11    Q̣ošuni Q̣ONƷ́UX yaxune!
   Q'oşuni Q'ONČUX yaxune!
    Iaḳovi Buxaʒ́ux beš bać̣ane!
    İak'ovi Buxačux beş bač'ane!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.