TITUS
Biblia Udica, Versio Nizhensis: Vetus Testamentum
Part No. 151
Previous part

Chapter: 71 

71-ǯi ω͑vel mä͑ġ
71-ci Ǐvel mə̌ğ



Buxaʒ́uġon amdara iz q̇oža vädineyal nu bosṭeynaḳ bakala afərə.
Buxačuğon amdara iz q'oja vədineyal nu bost'eynak' bakala afırı.


Verse: 1    Ay Q̣ONƷ́UX, zu Vaz bać̣an tarasṭa,
   Ay Q'ONČUX, zu Vaz bač'an tarast'a,
    Sal sa vädäl ćomä͑yin tez bakon zu.
    Sal sa vədəl ç̌omə̌yin tez bakon zu.

Verse: 2    Vi düzgünluġi ḳä baksuna aḳesṭa, čarḳesṭa za!
   Vi düzgünluği k'ə baksuna ak'est'a, çark'est'a za!
    Za ibaka, eki za kul boxoda.
    Za ibaka, eki za kul boxoda.

Verse: 3    Zaynaḳ č̣aṗbakes bakala sa q̇aya baki bez bać̣ane čurpa,
   Zaynak' c'ap'bakes bakala sa q'aya baki bez bač'ane çurpa,
    Barta Vi sa äyiten čarḳeces bakaz zu,
    Barta Vi sa əyiten çark'eśes bakaz zu,
    Šoṭaynaḳ ki, bez q̇alal, q̇ayal Hunnu!
    Şot'aynak' ki, bez q'alal, q'ayal Hunnu!

Verse: 4    Ay Buxaʒ́ux, za šär bakalṭuxun,
   Ay Buxačux, za şər bakalt'uxun,
    Pis saal zaləm amdari kiyexun čarḳesṭa.
    Pis saal zalım amdari kiyexun çark'est'a.

Verse: 5    Hälä äyelluġaxun Vaz arxayinbaksa zu,
   Hələ əyelluğaxun Vaz arxayinbaksa zu,
    Hunnu bez umudi ga, ay bitoṭuxun üsṭün bakala Q̣ONƷ́UX Buxaʒ́ux!
    Hunnu bez umudi ga, ay bitot'uxun üst'ün bakala Q'ONČUX Buxačux!

Verse: 6    Zu nanaxun bakaṭan bezi kiyexun biq̇iyonu Hun,
   Zu nanaxun bakat'an bezi kiyexun biq'iyonu Hun,
    Za me dünyäne eysuna kömäybiyonu.
    Za me dünyəne eysuna köməybiyonu.
    Va tärifläyinšoz zu hämišä!
    Va tərifləyinşoz zu həmişə!

Verse: 7    Amdarxoy geleṭin za aḳi Vi yaq̇enṭun taysa burqi,
   Amdarxoy gelet'in za ak'i Vi yaq'ent'un taysa burqi,
    Bezi Va bać̣an tarasṭunene bi moṭo!
    Bezi Va bač'an tarast'unene bi mot'o!

Verse: 8    Vaz tärifbsa, bez źomoxun ten bisṭa,
   Vaz tərifbsa, bez ǰomoxun ten bist'a,
    Üše-ġena Vi kalaluġaxunez äyite zu!
    Üşe-ğena Vi kalaluğaxunez əyite zu!

Verse: 9    Bez q̇oža vädineyal zaxun ä͑xilmabaka,
   Bez q'oja vədineyal zaxun ə̌xilmabaka,
    Bezi kiin-turin nu biq̇ala vädine za bomasa.
    Bezi kiin-turin nu biq'ala vədine za bomasa.

Verse: 10    Anksa düšmänxon hetärṭun bez bać̣anexun äyite,
   Anksa düşmənxon hetərt'un bez bač'anexun əyite,
    Bez elmoġo haq̇sun čureġalṭoġon äyitä sabi
    Bez elmoğo haq'sun çureğalt'oğon əyitə sabi

Verse: 11    Metärṭun nex: "Ćoya taradene ḳoṭoxun Buxaʒ́uġon,
   Metərt'un nex: "Ç̌oya taradene k'ot'oxun Buxačuğon,
    Čarḳesṭal tene bakal ḳoṭo!
    Çark'est'al tene bakal k'ot'o!
    Bafṭanan ḳoṭay bać̣anexun, šäṗeci biq̇anan"!
    Baft'anan k'ot'ay bač'anexun, şəp'eśi biq'anan"!

Verse: 12    Ay Buxaʒ́ux, za täk ma barta,
   Ay Buxačux, za tək ma barta,
    Eki usum ṗaṗa, za kul boxoda!
    Eki usum p'ap'a, za kul boxoda!

Verse: 13    Barta bez loxol šär bosalṭoġoy ćoyenq̇an oṭṗi,
   Barta bez loxol şər bosalt'oğoy ç̌oyenq'an ot'p'i,
    Tumexunq̇aṭun äfčibaki šorox!
    Tumexunq'at'un əfçibaki şorox!
    Barta bez pisa čureġalorox ćomä͑yinq̇aṭun mandi,
    Barta bez pisa çureğalorox ç̌omə̌yinq'at'un mandi,
    Ičoġoy bula alabes maq̇aṭun baki šoṭoġon!
    İçoğoy bula alabes maq'at'un baki şot'oğon!

Verse: 14    Ama bezi Va bakala umud sal sa vädine mal tene bakal,
   Ama bezi Va bakala umud sal sa vədine mal tene bakal,
    Tärifi loxol tärif eġale Vaynaḳ!
    Tərifi loxol tərif eğale Vaynak'!

Verse: 15    Vasṭa bakala düzgünluġaxun,
   Vast'a bakala düzgünluğaxun,
    Vaxun eġala čarḳesunaxun äyitḳoz zu üše-ġena.
    Vaxun eğala çark'esunaxun əyitk'oz zu üşe-ğena.
    Axəri Hun yax tadala neymätxoxun äyitṗi čarḳala šey tene!
    Axıri Hun yax tadala neymətxoxun əyitp'i çark'ala şey tene!

Verse: 16    Bitoṭuxun üsṭün bakala Q̣ONƷ́UX Buxaʒ́uxnu Hun,
   Bitot'uxun üst'ün bakala Q'ONČUX Buxačuxnu Hun,
    Šuḳḳali kiyexun tene ayeġon Vi biq̇ala äšurxo!
    Şuk'k'ali kiyexun tene ayeğon Vi biq'ala əşurxo!
    Sayǯä Vasṭa bakala düzgünluġaxun äyitḳoz zu!
    Saycə Vast'a bakala düzgünluğaxun əyitk'oz zu!

Verse: 17    Ay Buxaʒ́ux, äyelluġaxun maġay za zomenbsa,
   Ay Buxačux, əyelluğaxun mağay za zomenbsa,
    Hälääl Vi möǯuzoġoz bez muzel ečeri bayanbsa zu.
    Hələəl Vi möcuzoğoz bez muzel eçeri bayanbsa zu.

Verse: 18    Moṭo zaynaḳ gele ma aḳa, ay Buxaʒ́ux, zaxun baka!
   Mot'o zaynak' gele ma ak'a, ay Buxačux, zaxun baka!
    Barta q̇ožabaki bez pop mac̣i bakamin
    Barta q'ojabaki bez pop mas'i bakamin
    Vasṭa bakala zoraxun äyitṗi bayanbes bakaz!
    Vast'a bakala zoraxun əyitp'i bayanbes bakaz!
    Barta Vi kalaluġa bez muzel ečeri
    Barta Vi kalaluğa bez muzel eçeri
    Ošin näsiläl ṗaṗesṗaz!
    Oşin nəsiləl p'ap'esp'az!

Verse: 19    Ay Buxaʒ́ux, Vasṭa bakala düzgünluġ me dünyäne ṗaq̇ala šey tene,
   Ay Buxačux, Vast'a bakala düzgünluğ me dünyəne p'aq'ala şey tene,
    Göyurxone ṗaṗsa šo!
    Göyurxone p'ap'sa şo!
    Hunnu bito me nu aḳeci äšurxo biq̇alo,
    Hunnu bito me nu ak'eśi əşurxo biq'alo,
    Vallariḳo butene, ay Buxaʒ́ux!
    Vallarik'o butene, ay Buxačux!

Verse: 20    Gele bäloxen yaq̇abi Hun zaynaḳ,
   Gele bəloxen yaq'abi Hun zaynak',
    Be͑ġa hetär čätinluġxoxunez č̣ovaki zu.
    Běğa hetər çətinluğxoxunez c'ovaki zu.
    Ama šaaṭ ġimxo q̇əsmatbalnu Hun zaynaḳ ṗurum,
    Ama şaat' ğimxo q'ısmatbalnu Hun zaynak' p'urum,
    Za ṭe dünyänexun zapi č̣evḳalnu.
    Za t'e dünyənexun zapi c'evk'alnu.

Verse: 21    Hörmätä avuzbalnu Hun bezi,
   Hörmətə avuzbalnu Hun bezi,
    Za üḳ tadalnu.
    Za ük' tadalnu.

Verse: 22    Tär farpi Vi c̣iya alaboz, ay bez Buxaʒ́ux,
   Tər farpi Vi s'iya alaboz, ay bez Buxačux,
    Vi bez bać̣ane čurpsuna mä͑ġe͑n aḳesṭoz!
    Vi bez bač'ane çurpsuna mə̌ğěn ak'est'oz!
    Arfa farpi Va tärifläyinšoz, ay israilluġoynaḳ ω͑vel Bakalo!
    Arfa farpi Va tərifləyinşoz, ay israilluğoynak' Ǐvel Bakalo!

Verse: 23    Bez üḳe q̇ayesa Vaynaḳ mä͑ġḳaṭan,
   Bez ük'e q'ayesa Vaynak' mə̌ğk'at'an,
    Vaxun eġala čarḳesuna aḳi mu͑qezbaksa zu!
    Vaxun eğala çark'esuna ak'i mǔqezbaksa zu!

Verse: 24    Vi düzgünluġa aḳesṭi zaynaḳ biṭoġoxun äyitḳoz zu üše-ġena,
   Vi düzgünluğa ak'est'i zaynak' bit'oğoxun əyitk'oz zu üşe-ğena,
    Šoṭo görä ki, mone, biyaburbi ćomä͑yinenbi Hun bez pisa čureġalṭoġo!
    Şot'o görə ki, mone, biyaburbi ç̌omə̌yinenbi Hun bez pisa çureğalt'oğo!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.