TITUS
Biblia Udica, Versio Nizhensis: Vetus Testamentum
Part No. 159
Previous part

Chapter: 79 

79-ǯi ω͑vel mä͑ġ
79-ci Ǐvel mə̌ğ



Asafi ω͑vel mä͑ġ.
Asafi Ǐvel mə̌ğ.


Verse: 1    Ay Buxaʒ́ux, Va nu čalxala azuḳxone baci Vi oćala,
   Ay Buxačux, Va nu çalxala azuk'xone baśi Vi oç̌ala,
    Vi ə͑vel ganuṭun murdarlayinši šoṭoġon,
    Vi ı̌vel ganut'un murdarlayinşi şot'oğon,
    Yerusalimaṭun xarabina č̣urevḳi! *
    Yerusalimat'un xarabina c'urevk'i! *

Verse: 2    Göynul purḳala q̇ušurxoynaḳ yemṭun bi Vi ḳulurxoy meyidxo,
   Göynul purk'ala q'uşurxoynak' yemt'un bi Vi k'ulurxoy meyidxo,
    Čöle taraḳala heyvanxoy be͑śṭun boseri Vi yaq̇en taġalṭoġoy ṗuri bädänä!
    Çöle tarak'ala heyvanxoy běšt'un boseri Vi yaq'en tağalt'oğoy p'uri bədənə!

Verse: 3    Šoṭoġoxun bari ṗiye boš bateḳi Yerusalim,
   Şot'oğoxun bari p'iye boş batek'i Yerusalim,
    Meyidxo oćalaxṗalal tene baki sal!
    Meyidxo oç̌alaxp'alal tene baki sal!

Verse: 4    Q̣onšiġoynaḳ axśumi gayan baki yan,
   Q'onşiğoynak' axšumi gayan baki yan,
    Q̣inäyinšṭunbsa, ḳäšinen aḳesṭi laġaṭun haq̇sa yax!
    Q'inəyinşt'unbsa, k'əşinen ak'est'i lağat'un haq'sa yax!

Verse: 5    Ay Q̣ONƷ́UX, Vi äǯuġ hevaxṭ basḳale?
   Ay Q'ONČUX, Vi əcuğ hevaxt' bask'ale?
    Hämišäluġe yäni Vi boḳosṗi ciḳala me äǯuġ?
    Həmişəluğe yəni Vi bok'osp'i śik'ala me əcuğ?

Verse: 6    Šoṭo Va nu čalxala millätxoy,
   Şot'o Va nu çalxala millətxoy,
    Va nu bul ḳoc̣ṗala azuḳxoy loxol cipa.
    Va nu bul k'os'p'ala azuk'xoy loxol śipa.

Verse: 7    Iaḳovi näsilä ḳac̣ṗi cipiyoroxe šorox,
   İak'ovi nəsilə k'as'p'i śipiyoroxe şorox,
    Šoṭoġoy oćalxo väränbiyoroxe!
    Şot'oğoy oç̌alxo vərənbiyoroxe!

Verse: 8    Beš bavoġon äšṗesṭi günaxi ǯazina yax ma zapesṭa,
   Beş bavoğon əşp'est'i günaxi cazina yax ma zapest'a,
    Vi üḳ boḳospsuni ḳä baksuna aḳesṭa, eki usum ṗaṗa,
    Vi ük' bok'ospsuni k'ə baksuna ak'est'a, eki usum p'ap'a,
    Yasṭa hal tene mande ene!
    Yast'a hal tene mande ene!

Verse: 9    Yax kul boxoda, ay yax čarḳesṭala Buxaʒ́ux!
   Yax kul boxoda, ay yax çark'est'ala Buxačux!
    Va görä Vi c̣i baksuna,
    Va görə Vi s'i baksuna,
    Vi c̣iya görä Vi kalaluġa aḳesṭi yax čarḳesṭa,
    Vi s'iya görə Vi kalaluğa ak'est'i yax çark'est'a,
    Beši günaxxo baġəšlayinša!
    Beşi günaxxo bağışlayinşa!

Verse: 10    Ma barta buxaʒ́uxsuzṭoġon
   Ma barta buxačuxsuzt'oğon
    "Maya ṗoy moṭoġoy Buxaʒ́ux?" pi laġa haq̇aṭun.
    "Maya p'oy mot'oğoy Buxačux?" pi lağa haq'at'un.
    Aḳesṭa šoṭoġo ḳän bsa Hun Vi azuḳi ṗiya ciḳalṭoġo,
    Ak'est'a şot'oğo k'ən bsa Hun Vi azuk'i p'iya śik'alt'oğo,
    Č̣evḳa šoṭoġoxun moṭay häyifä.
    C'evk'a şot'oğoxun mot'ay həyifə.
    Barta moṭo aḳi beš üḳq̇an čaxeci!
    Barta mot'o ak'i beş ük'q'an çaxeśi!

Verse: 11    Ibaka düšmäni kiyel bakalṭoġoy šivana Hun,
   İbaka düşməni kiyel bakalt'oğoy şivana Hun,
    Vi zorba kula boxodi čarḳesṭa me bisuna taġalṭoġo.
    Vi zorba kula boxodi çark'est'a me bisuna tağalt'oğo.

Verse: 12    Beš härrämine bakala azuḳxoy piyorox isä barta ičoġoy o͑yneq̇an bari,
   Beş hərrəmine bakala azuk'xoy piyorox isə barta içoğoy ǒyneq'an bari,
    Barta Va piṭoġoy äväzä vu͑ġq̇aṭq̇aṭun ödäyinši, ay Q̣onʒ́ux!
    Barta Va pit'oğoy əvəzə vǔğq'at'q'at'un ödəyinşi, ay Q'ončux!

Verse: 13    Vi sürünäxun bakala me q̇uziġon,
   Vi sürünəxun bakala me q'uziğon,
    Vi azuḳenal hämišä Va tärifläyinšale,
    Vi azuk'enal həmişə Va tərifləyinşale,
    Yaxun oša eġala näsilxonal Vi c̣iya alabale!
    Yaxun oşa eğala nəsilxonal Vi s'iya alabale!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.