TITUS
Biblia Udica, Versio Nizhensis: Vetus Testamentum
Part No. 188
Previous part

Chapter: 108 

108-ǯi ω͑vel mä͑ġ
108-ci Ǐvel mə̌ğ



(ω͑vel mä͑ġ. 57:7-11Link to udntv; 60:5-12Link to udntv)
(Ǐvel mə̌ğ. 57:7-11Link to udntv; 60:5-12Link to udntv)

Davidi ω͑vel mä͑ġ.
Davidi Ǐvel mə̌ğ.


Verse: 1    Vaxun arxayinzu, ay Buxaʒ́ux!
   Vaxun arxayinzu, ay Buxačux!
    Vaynaḳ ə͑vel mä͑ġur mä͑ġpi Vi c̣iya alabsune čuresa bez üḳen!
    Vaynak' ı̌vel mə̌ğur mə̌ğpi Vi s'iya alabsune çuresa bez ük'en!

Verse: 2    Mone, be͑ġ čärtḳamin hayzoz zu,
   Mone, běğ çərtk'amin hayzoz zu,
    Arfa q̇a tär farpi mä͑ġḳoz!
    Arfa q'a tər farpi mə̌ğk'oz!

Verse: 3    Bito azuḳxo Va čalxesṭi Vi c̣iya alaboz, ay Q̣ONƷ́UX,
   Bito azuk'xo Va çalxest'i Vi s'iya alaboz, ay Q'ONČUX,
    Bito millätxoy boš Va tärifläyinšoz!
    Bito millətxoy boş Va tərifləyinşoz!

Verse: 4    Šoṭo görä ki, Vi nu badalbakala čuresun q̇a bez bać̣ane čurpsun ṭemane ki,
   Şot'o görə ki, Vi nu badalbakala çuresun q'a bez bač'ane çurpsun t'emane ki,
    Göynul ṗaṗi asoyxoxunal č̣ovaneḳsa.
    Göynul p'ap'i asoyxoxunal c'ovanek'sa.

Verse: 5    Barta Vi kalaluġ ala bakala göyurxoxunal č̣ovaki aḳeceq̇an,
   Barta Vi kalaluğ ala bakala göyurxoxunal c'ovaki ak'eśeq'an,
    Barta dirisṭ oćali ćoyel Vi c̣iq̇an ṭaṗeci, ay Buxaʒ́ux!
    Barta dirist' oç̌ali ç̌oyel Vi s'iq'an t'ap'eśi, ay Buxačux!

Verse: 6    Vi čureġalṭoġoy Va ḳalpsuna ibaki čarḳesṭa šoṭoġo!
   Vi çureğalt'oğoy Va k'alpsuna ibaki çark'est'a şot'oğo!
    Barta Vi yön kul beš loxolq̇an baki, efa yax!
    Barta Vi yön kul beş loxolq'an baki, efa yax!

Verse: 7    Axəri Buxaʒ́uġon Iz bakala ə͑vel gala metäre pey:
   Axıri Buxačuğon İz bakala ı̌vel gala metəre pey:
    "Bez kiyel badi Šekem šähäri oćalxo vä͑x payboz,
    "Bez kiyel badi Şekem şəhəri oç̌alxo və̌x payboz,
    Suḳḳoṭ uḳala ganu Bez azuḳi arane ǯöyboz.
    Suk'k'ot' uk'ala ganu Bez azuk'i arane cöyboz.

Verse: 8    Gileadi q̇a Menaššeni oćalxoval Bezine!
   Gileadi q'a Menaşşeni oç̌alxoval Bezine!
    Efraima arciz kalaluġbsa,
    Efraima arśiz kalaluğbsa,
    Iudeyinaz laxe Bez taxṭa Zu!
    İudeyinaz laxe Bez taxt'a Zu!

Verse: 9    Moava Bez tur oc̣ḳala läänez be,
   Moava Bez tur os'k'ala ləənez be,
    Edomi loxol toroḳal bosala exṭiyärzax bu Bezi. *
    Edomi loxol torok'al bosala ext'iyərzax bu Bezi. *
    Mone, filisṭluġoy oćalaxune č̣eysa Bez säs!"
    Mone, filist'luğoy oç̌alaxune c'eysa Bez səs!"

Verse: 10    P̣oy isä šin tašale yax ṭe q̇alala šähäri loxol?
   P'oy isə şin taşale yax t'e q'alala şəhəri loxol?
    Šu güväyinšaki taġalyan Edoma exsṭa?
    Şu güvəyinşaki tağalyan Edoma exst'a?

Verse: 11    Buxaʒ́uġon yaxun Iz ćoya taradiṭuxun oša,
   Buxačuğon yaxun İz ç̌oya taradit'uxun oşa,
    Beš q̇ošun davina č̣eġaṭan Šo yaxun nu bakiṭuxun oša mümkün tene mo!
    Beş q'oşun davina c'eğat'an Şo yaxun nu bakit'uxun oşa mümkün tene mo!

Verse: 12    Düšmänxo beš turin oq̇a laxsuna kömäyba yax, ay Buxaʒ́ux,
   Düşmənxo beş turin oq'a laxsuna köməyba yax, ay Buxačux,
    Axəri Hun nu bakala gala insanen hiḳḳal bes tene bakon!
    Axıri Hun nu bakala gala insanen hik'k'al bes tene bakon!

Verse: 13    Buxaʒ́uxe yaynaḳ q̇äläbä ečalo,
   Buxačuxe yaynak' q'ələbə eçalo,
    Šone düšmänxo beš turin oq̇a saki ćaxćuxṗesṭalo!
    Şone düşmənxo beş turin oq'a saki ç̌axç̌uxp'est'alo!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.