TITUS
Biblia Udica, Versio Nizhensis: Vetus Testamentum
Part No. 191
Previous part

Chapter: 111 

111-ǯi ω͑vel mä͑ġ *
111-ci Ǐvel mə̌ğ *


Verse: 1    "Q̣ONƷ́UĠO halalq̇anbaki" * upanan!
   "Q'ONČUĞO halalq'anbaki" * upanan!
   \ Üḳenez Q̣ONƷ́UĠO šükürbsa zu,
   \ Ük'enez Q'ONČUĞO şükürbsa zu,
    Düzgünṭoġoy topbaki gala,
    Düzgünt'oğoy topbaki gala,
    Šoṭo bul ḳoc̣bseynaḳ gireciṭoġoy be͑śez šükürbsa.
    Şot'o bul k'os'bseynak' gireśit'oğoy běšez şükürbsa.

Verse: 2    Kala äšure Q̣ONƷ́UĠOY biq̇ala äšur,
   Kala əşure Q'ONČUĞOY biq'ala əşur,
    Sa därse šorox ṭe äšur ičoġoy üḳindä bakalṭoġoynaḳ.
    Sa dərse şorox t'e əşur içoğoy ük'ində bakalt'oğoynak'.

Verse: 3    Šoṭay kalaluġa q̇a bitoṭuxun üsṭün baksunane aḳesṭa ṭe äšurxon,
   Şot'ay kalaluğa q'a bitot'uxun üst'ün baksunane ak'est'a t'e əşurxon,
    Hämišäluġe Šoṭosṭa bakala düzgünluġ.
    Həmişəluğe Şot'ost'a bakala düzgünluğ.

Verse: 4    Amdarxoy eyexun nu č̣eġala möǯüzoxe aḳesṭi Šoṭin,
   Amdarxoy eyexun nu c'eğala möcüzoxe ak'est'i Şot'in,
    Üḳ boḳal, xeyirxax bakalone Q̣ONƷ́UX
    Ük' bok'al, xeyirxax bakalone Q'ONČUX

Verse: 5    Busa tene efon Šoṭin Iču čalxalṭoġo,
   Busa tene efon Şot'in İçu çalxalt'oğo,
    Ġaćeci iräziluġa hämišäne ämälbon.
    Ğaç̌eśi irəziluğa həmişəne əməlbon.

Verse: 6    Azuḳa Izi ḳä bes baksuna aḳesṭi
   Azuk'a İzi k'ə bes baksuna ak'est'i
    Q̣eräz millätxoy oćalxone tadi šoṭoġo.
    Q'erəz millətxoy oç̌alxone tadi şot'oğo.

Verse: 7    Šuḳḳala qə͑ yaq̇a nu efsun,
   Şuk'k'ala qı̌ yaq'a nu efsun,
    Bitoṭay loxol sa piin be͑ġsune Šoṭay äš,
    Bitot'ay loxol sa piin běğsune Şot'ay əş,
    Bać̣an tarades bakala näsyätxone Šoṭay tadala näsyätxo.
    Bač'an tarades bakala nəsyətxone Şot'ay tadala nəsyətxo.

Verse: 8    Hämišäluġe Iz pečata laxe Šoṭin Iz źomoxun č̣evḳiṭoġoy loxol,
   Həmişəluğe İz peçata laxe Şot'in İz ǰomoxun c'evk'it'oğoy loxol,
    Izi tadi äyitmoġoy loxol čurḳalone Šo,
    İzi tadi əyitmoğoy loxol çurk'alone Şo,
    Düzgünluġene śarece ṭe äyitmoġoy boq̇oy!
    Düzgünluğene šareśe t'e əyitmoğoy boq'oy!

Verse: 9    Čarḳesune q̇əsmatbi Šoṭin Iz azuḳa,
   Çark'esune q'ısmatbi Şot'in İz azuk'a,
    Iräziluġa hämišäluġe ġaćeci šoṭoġoxun.
    İrəziluğa həmişəluğe ğaç̌eśi şot'oğoxun.
    ω͑vel bakalo, Iz c̣iya duġaṭan yax q̇ə͑yen haq̇alone Šo.
    Ǐvel bakalo, İz s'iya duğat'an yax q'ı̌yen haq'alone Şo.

Verse: 10    Q̣ONƷ́UĠO čalxsun müdrikluġi burqesune,
   Q'ONČUĞO çalxsun müdrikluği burqesune,
    Šoṭay bürüšiṭoġo ämälbalṭoġon taševteneḳon.
    Şot'ay bürüşit'oğo əməlbalt'oğon taşevtenek'on.
    Šoṭo hämišäluġ alxəšq̇an baki! *
    Şot'o həmişəluğ alxışq'an baki! *



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.