TITUS
Corpus of Old East Frisian Texts: Part No. 46
Chapter: II
II.
Sentence: 1
Thit is riucht thet thi fria Fresa ni thor fira hereferd fara, thur ban ni thur bod, than mittha ebba wt and mittha flode up, truch tha ned, thet hi thenne ower alle degan wera skel with thenne salta se and with thenne wilda witsing, mith fif wepnem, mith spada and mith forka, mith skelde and mith swerde and mith etkeres orde [thur thet, thet hi thenne ower waria skel], bi enre liudwerthene, ther hit him keth worde mith boda iefta mith bakne.
Sentence: 2
Iefta sexasum swera, thet hit him mith boda ni mith bakne keth ni worde.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
