TITUS Texts: Minor Old High German Monuments

TITUS
Minor Old High German Monuments
Part No. 19

Previous part

Text: Musp.
Page: S66
Manuscript: Clm_14098
XIV. Muspilli

Cod. Lat. Monac. (Clm) 14098, p. 61^(1)r

Ms. page: 61r
Line: 1     ... sin¹ tac piqueme,   daz er touuan scal.
Line: 2     unanta sar so sih diu sela   in den sind arheuit
Line: 3     enti si den lihhamun   likkan lazzit,
Line: 4     so quimit² ein heri   fona himilzungalon,
Line: 5     daz andar fona pehhe:   dar pagant siu umpi.
Line: 6     sorgen³ mac diu sela,   unzi diu suona arget,
Line: 7     za uuederemo⁴ herie   si gihalot uuerde.⁵
Line: 8     uuanta ipu sia daz Satanazses   kisindi kiuuinnit,⁶
Line: 9     daz leitit sia sar   dar iru leid uuirdit,
Line: 10     in fuir enti in⁷ finstri:   daz ist rehto⁸ uirinlih ding.
Line: 11     upi sia auar⁹ kihalont die,   die dar fona himile quemant,
Line: 12     enti si dero engilo   eigan uuirdit,
Line: 13     die pringent sia¹⁰ sar   uf in himilo rihi:
Line: 14     dar ist¹¹ lip ano tod,¹²   lioht ano finstri,¹³
Line: 15     selida ano sorgun:   dar nist neoman¹⁴ siuh.¹⁵
Line: 16     denne der man in pardisu¹⁶   pu kiuuinnit,
Line: 17     hus in himile,   dar¹⁷ quimit imo hilfa kinuok.
Line: 18     pidiu ist durft mihhil¹⁸

Cod. Monac. lat. 14098, p. 119^v

Line: 19     allero manno¹⁹ uuelihemo,   Ms. page: 119v daz²⁰ in es sin muot kispane,
Page: S67   Line: 20     daz er kotes uuillun   kerno tuo
Line: 21     enti hella¹ fuir   harto uuise,²
Line: 22     pehhes pina:   dar piutit der Satanasz³ altist
Line: 23     heizzan lauc.   so mac huckan⁴ Ms. page: 120r za diu,

Cod. Monac. lat. 14098, p. 120^r

Line: 24     sorgen drato,   der sih suntigen⁵ uueiz.⁶
Line: 25     uue demo in uinstri scal   sino uirina stuen,⁷
Line: 26     prinnan in pehhe:⁸   daz ist rehto paluuic dink,⁹
Line: 27     daz der man haret¹⁰ ze gote   enti imo hilfa niquimit.

Cod. Monac. lat. 14098, p. 120^v

Ms. page: 120v
Line: 28     uuanit sih kinada   diu uuenaga sela;¹¹
Line: 29     niist in kihuctin   himiliskin gote,
Line: 30     uuanta hiar in uuerolti   after niuuerkota.
Line: 31     so¹² denne der mahtigo khuninc   daz mahal¹³ kipannit,
Line: 32     dara scal queman   chunno kilihaz:
Line: 33     denne nikitar parno nohhein   den pan furisizzan,
Line: 34     ni allero manno uuelih¹⁴   ze demo mahale sculi.¹⁵
Line: 35     dar scal er uora demo rihhe¹⁶   az rahhu stantan,
Page: S68   Line: 36     pi daz er in uuerolti¹   kiuuerkot hapeta.²
Line: 37     Daz³ hortih rahhon   dia uueroltrehtuuison,⁴
Line: 38     daz sculi der antichristo   mit Eliase pagan.
Line: 39     der uuarch ist kiuuafanit,   denne uuirdit untar⁵ in uuic⁶ arhapan.
Line: 40     khenfun sint⁷ so kreftic,    diu kosa ist so mihhil.
Line: 41     Elias⁸ stritit   pi den euuigon⁹ lip,
Line: 42     uuili den rehtkernon   daz¹⁰ rihhi kistarkan;¹¹
Line: 43     pidiu scal imo helfan   der himiles kiuualtit.
Line: 44     der antichristo   stet pi demo altfiante,
Line: 45     stet pi demo Satanase,   der inan uarsenkan scal:¹²
Line: 46     pidiu scal er in deru uuicsteti¹³   uunt piuallan
Line: 47     enti¹⁴ in demo¹⁵ sinde   sigalos uuerdan.
Line: 48     doh¹⁶ uuanit des uilo¹⁷    gotmanno,

Cod. Monac. lat. 14098, p. 121^r

Line: 49     daz Elias¹⁸ in demo uuige   aruuartit Ms. page: 121r uuerde.¹⁹
Line: 50     so daz Eliases²⁰ pluot   in erda kitriufit,
Line: 51     so inprinnant²¹ die perga,   poum nikistentit
Line: 52     enihc²² in erdu,   aha artruknent,²³
Page: S69   Line: 53     muor uarsuuilhit sih,   suilizot lougiu der himil,
Line: 54     mano uallit,   prinnit mittilagart,
Line: 55     sten nikistentit,¹   uerit denne stuatago in lant,
Line: 56     uerit mit diu uuiru   uiriho uuison.²
Line: 57     dar³ nimac denne mak andremo   helfan uora demo muspille.
Line: 58     denne daz preita uuasal   allaz uarprinnit,
Line: 59     enti uuir⁴ enti luft   iz allaz arfurpit,
Line: 60     uuar ist denne diu marha,   dar man dar eo⁵ mit sinen magon piehc?⁶
Line: 61     diu⁷ marha ist farprunnan,   diu sela stet⁸ pidungan,
Line: 62     niuueiz⁹ mit uuiu puaze:¹⁰   so uerit¹¹ si za uuize.¹²
Line: 63     pidiu ist demo manne¹³ so guot,   denner ze demo mahale quimit,
Line: 64     daz er rahono uueliha¹⁴   rehto¹⁵ arteile.
Line: 65     denne¹⁶ nidarf¹⁷ er sorgen,   denne er ze deru suonu quimit,¹⁹
Line: 66     niuueiz²⁰ der uuenago man,   uuielihan uuartil²¹ er habet,
Page: S70   Line: 67     denner mit den miaton   marrit daz rehta,¹
Line: 68     daz² der tiuual dar pi   kitarnit stentit.³
Line: 69     der hapet⁴ in ruouu⁵   rahono uueliha,⁶
Line: 70     daz der man er enti sid⁷   upiles⁸ kifrumita,
Line: 71     daz er iz allaz kisaget,   denne er ze deru suonu⁹ quimit.¹⁰

Cod. Monac. lat. 14098, p. 121^v

Line: 72     niscolta sid manno nohhein   Ms. page: 121v miatun intfahan.¹¹
Line: 73     So daz himilisca   horn kihlutit uuirdit,¹²
Line: 74     enti sih der ana den sind¹³ arheuit,¹⁴ der dar suannan scal,¹⁵
Line: 75     denne¹⁶ heuit sih mit imo   herio meista,
Page: S71   Line: 76     daz ist allaz so pald,   daz imo nioman kipagan¹ nimak.
Line: 77     denne uerit er ze deru² mahalsteti,   deru dar kimarchot ist:
Line: 78     dar uuirdit diu suona,³   dia man dar io sageta.⁴
Line: 79     denne uarant⁵ engila   uper dio⁶ marha,
Line: 80     uuechant deota,   uuissant ze dinge.
Line: 81     denne scal manno gilih⁷   fona⁸ deru moltu arsten.
Line: 82     lossan sih ar dero leuuo⁹ uazzon:   scal imo auar¹⁰ sin lip piqueman,
Line: 83     daz er sin reht¹¹ allaz   kirahhon muozzi,
Line: 84     enti imo after sinen tatin   arteilit uuerde.¹²
Line: 85     denne¹³ der gisizzit,   der dar suonnan scal
Line: 86     enti¹⁴ arteillan scal   toten enti quekkhen,¹⁵
Line: 87     denne stet dar umpi¹⁶   engilo menigi,
Line: 88     guotero gomono:   gart ist so mihhil.¹⁷
Line: 89     dara quimit¹⁸ ze deru rihtungu   so uilo,¹⁹ dia dar ar resti arstent,²⁰
Line: 90     so dar manno nohhein²¹   uuiht²² pimidan nimak,
Page: S72   Line: 91     dar scal¹ denne hant sprehhan,   houpit sagen,
Line: 92     allero lido uuelihc²   unzi in den luzigun uinger,³
Line: 93     uuaz er⁴ untar desen mannun⁵   mordes kifrumita.⁶
Line: 94     dar niist eo so listic man,⁷   der dar iouuiht arliugan megi,⁸
Line: 95     daz er kitarnan megi⁹   tato dehheina,
Line: 96     niz al fora demo khuninge   kichundit uuerde,¹⁰
Line: 97     uzzan er iz mit alamusanu furiuiegi¹¹
Line: 98     enti mit fastun   dio¹² uirina¹³ kipuazti.¹⁴
Line: 99     denne der paldet   der gipuazzit hapet.¹⁵
Line: 100     uuirdit¹⁶ denne furi kitragan   daz frono chruci,¹⁷
Line: 101     dar der heligo¹⁸ Christ   ana arhangan uuard.
Page: S73   Line: 102     denne augit er¹ dio masun,   dio er in deru menniski ...²
Line: 103     dio er³ duruh desse mancunnes   minna ...⁴
Page:    Section:    Manuscript:    Ms. page:

Next part

This text is part of the TITUS edition of Minor Old High German Monuments.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.