TITUS
Tatian, Gospel Harmony
Part No. 33
Previous part

Chapter: 32 
Sentence: 1    Link to gotnt
   Audistis quia dictum est: diligis proximum tuum et odio habebis inimicum tuum.
   Ír gihortut thaz giquetan ist: minno thinan nahiston inti habe in hazze thinan fiant.
Sentence: 2    Link to gotnt
   Ego autem dico vobis: diligite inimicos vestros, benefacite his qui vos oderunt, et orate pro persequentibus et calumniantibus vos.
   Ih quidu íu: minnot iuuara fianta, tuot then uuola thie íuuih hazzont, inti betot furi thie háhtenton inti harmenton íu.
Sentence: 3    Link to gotnt
   Ut sitis filii patris vestri qui in caelis est, quia solem suum oriri facit super malos et bonos et pluit super iustos et iniustos.
   Thaz ír sít kind íuuares fater thie in himile ist, ther thie sunnun úfgangen tuot ubar ubile inti ubar guote inti reganot ubar rehte inti ubar únrehte.
Sentence: 4    Link to gotnt
   Si enim diligatis eos qui vos diligunt, quam mercedem habebitis? (66) nonne et publicani hoc faciunt?
   Oba ir thie minnot thie iuuih minnont, uuelihha mieta habet ír thanne? (66) eno ni tuont thaz thie firnfollun mán?
Sentence: 5    Link to gotnt
   Et si benefeceritis his qui bene vobis faciunt, quæ vobis est gratia? siquidem et peccatores hoc faciunt.
   Inti oba ír then uuola tuot thie íu uuola tuont, uuelih thanc ist íu thés? thaz tuont suntige mán.
Sentence: 6    Link to gotnt
   Et si mutuum dederitis his a quibus speratis recipere, quæ gratia est vobis? nam et peccatores peccatoribus fęnerant, ut recipiant aequalia.
   Oba ír uuehsal gebet then fón then ír gitruuuet lón intfahan, uuelih thanc ist íu thes thanne? inti suntige mán suntigen mannon íntlihent, thaz sie ebenlih intphahen.
Sentence: 7    Link to gotnt
   Et si salutaveritis fratres vestros tantum, nonne et ethnici hoc faciunt?
   Inti oba ir heilezet ekkorodo íuuara bruoder, eno ni tuont thaz heidane man?
Sentence: 8    Link to gotnt
   Verumtamen diligite inimicos vestros et bene facite et mutuum date nihil disperantes, et erit merces vestra multa, et eritis filii altissimi, quia ipse benignus est super ingratos et malos.
   Thoh uuidaro minnot íuuara fianta inti tuot ín uuola inti uuehsal gebet niouuiht zuruuanenti, inti ist iuuar mieta mihhilu, inti ír birut kind thes hohisten, uuanta her ginadig ist ubar unthancbare inti ubile.
Sentence: 9    Link to gotnt
   Estote ergo misericordes, sicut et pater vester misericors est.
   Uueset miltherze, sósó iuuar fater miltherzi ist.
Sentence: 10    Link to gotnt
   Estote ergo vos perfecti, sicut pater vester cælestis perfectus est.
   Uueset ír thuruhthigane, sósó íuuar fater thie himilisco thuruhthigan ist.

Next part


This text is part of the TITUS edition of Tatian, Gospel Harmony.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.