| Ms. line: 1 | Tho iz aband uuortan uúard, |
| Ms. line: 2 | quam sum man otag, |
| Ms. line: 3 | edili ambaht, |
| Ms. line: 4 | fon Arimathiu |
| Ms. line: 5 | burgi Iudono, |
| Ms. line: 6 | in namen Ioseph, |
| Ms. line: 7 | Guot man inti reht, |
| Ms. line: 8 | ther selbo tóugli |
| Ms. line: 9 | iungoro uuas thes heilantes |
| Ms. line: 10 | thuruh forohta Iudono, |
| Ms. line: 11 | ther selbo beitota |
| Ms. line: 12 | gotes riches. |
| Ms. line: 13 | Ther selbo ni gihengita |
| Ms. line: 14 | themo unrehte inti iro tatin. |
| Ms. line: 15 | Ther gieng zi Pilate |
| Ms. line: 16 | inti bat thes heilantes lichamen. |
| Ms. line: 17 | Pilatus uuntrota, |
| Ms. line: 18 | oba her iu entoti, |
| Ms. line: 19 | inti gihalotemo uualtambahte |
| Ms. line: 20 | frageta inan |
| Ms. line: 21 | oba her iu entoti? |
| Ms. line: 22 | Inti mittiu her forstuont, |
| Ms. line: 23 | gibot zi gebanne then lichamon. |
| Ms. line: 24 | Inti quam tho ouh Nicodemus, |
| Ms. line: 25 | ther dar quam zi themo heilante |
| Ms. line: 26 | nahtes erist, truog |
| Ms. line: 27 | thaz gimisgi mirrun inti aloes, |
| Ms. line: 28 | so uuas es zihenzug phúnto. |
| Ms. line: 29 | Intfiengun sie tho thes heilantes lichamon |
| Ms. line: 30 | inti buntun ínan mit sabonon |
| Ms. line: 31 | mit biminzsalbun, |
| Ms. line: 1 | soso uuísa ist Iudon zi bigrabanne. |
