| Ms. line: 6 | Thomas einer |
| Ms. line: 7 | fon then zúueliuín, |
| Ms. line: 8 | ther dar ist giquætan Didimus, |
| Ms. line: 9 | ni uuas mit ín |
| Ms. line: 10 | thanne ther heilant quám. |
| Ms. line: 11 | Tho quadun imo |
| Ms. line: 12 | andere iungoron: |
| Ms. line: 13 | uuir gisahumes trohtinan. |
| Ms. line: 14 | Her tho quad ín: |
| Ms. line: 15 | nibih gisehe in sinen hanton |
| Ms. line: 16 | thaz bilidi thero nagalo |
| Ms. line: 17 | inti sente minan fingar |
| Ms. line: 18 | in stát thero nagalo |
| Ms. line: 19 | inti sente mina hant |
| Ms. line: 20 | in sina sita, ni giloubu. |
| Ms. line: 21 | Inti after ahto tagon |
| Ms. line: 22 | abur uuarun sine iungoron inne, |
| Ms. line: 23 | inti Thomas mit ín. |
| Ms. line: 24 | Quam ther heilant bislozzanen túron |
| Ms. line: 25 | inti stuont in mittimen inti quad: |
| Ms. line: 26 | sibba si íu! |
| Ms. line: 27 | Thanan quad tho Thomae: |
| Ms. line: 28 | bring thinan fingar hera |
| Ms. line: 29 | inti gisih mino henti |
| Ms. line: 30 | inti bring thina hant |
| Ms. line: 31 | inti senti in mina sita |
| Ms. line: 1 | inti ni curi uuesan ungiloubfol, |
| Ms. line: 2 | oh gitriuuui. |
| Ms. line: 3 | Tho antuurtita Thomas |
| Ms. line: 4 | inti quad imo: min trohtin |
| Ms. line: 5 | inti min got! Sentence: 8 Tho quad imo ther heilant: |
| Ms. line: 6 | bidiu uuanta thu mih gisahi, |
| Ms. line: 7 | giloubtas: salige sint thie ni gisahun |
| Ms. line: 8 | inti giloubtun. |
