TITUS Texts: Aegidius Romanus, De regimine principum

TITUS
Author: Aeg.Rom.
Aegidius Romanus
Work: Reg.Princ.
De regimine principum

East Middle German Adaptation:

Welch furste sich vnde syne erbin wil in synem furstethum festin

On the basis of the edition
Der ostmitteldeutsche Traktat
Welch furste sich vnde syne erbin wil in synem furstethum festin
nach Aegidius Romanus, "De regimine principum",
auf der Grundlage der Handschrift Chart. B 69 der Forschungsbibliothek Gotha herausgegeben
von Uta Störmer,
Berlin: Akademie-Verlag, 1990
entered by Harald Knaus
in cooperation with M. Becker, K. Hartmann, K. Kluckhohn, N. Ligniez, K. Schuster, K. Sponholz and P. Voigt,
Leipzig 1997;
TITUS version by Jost Gippert,
Frankfurt a/M, 12.10.1999 / 1.6.2000 / 2.3.2003

Die Satznumerierung ist fortlaufend.

Treatise: I
Tractatus I

Chapter: I
Capitulum I

Sentence: 1    Welch furste sich unde syne erbin wil in synem furstethum festin unde zcu ewigin gecziten enthaldin, der mus mit fliße dar uff dencken, das syne furstethum ader herlichkeit naturlich unde nicht frevel ader geweldig sy, wenne keyn ding ist ewig, das von gewalt ader von frevel her komit.
Sentence: 2    Wer ouch mit unordelicher zcu neygunge adder wollust meynt zcu hirschin, der wirt nummer eyn naturlich herre adder furste, sunder her sal syn eyn eren erbeter unde eyn dyner gotis unde ane geseteze unde redlichkeit nichtis thun noch heißin.
Sentence: 3    Wenne als Aristotiles spricht, als der eyn naturlich knecht ist, der eynen starken lib hat unde eyne korcze vornunfft, also ist der eyn naturlicher herre, der vornunftigis synnis ist unde usrichtender klugheit.
Sentence: 4    Eyn solicherl furste, der syne herschaft unde undertanen redelich unde wol vorweset, vordynet eyn grossis lon in funfferleie wyse.
Sentence: 5    Czum erstin von des wegin, der das lone gebit.
Sentence: 6    Das ist der almechtige got, der aller guten dinge eyn beloner ist.
Sentence: 7    Doch belonet her nicht anders wenne von libe.
Sentence: 8    Sint dem male nü die libe ist under den, die eyn glichenisse zcu samene habin, so mus der furste, der von ym belonet wil werdin, sich in etczlicher maße glichin.
Sentence: 9    Das gescheit denne, wenne her syne furstethum unde undertanen yn gutikeit wislich unde wol regiret, als got die gancze wernt vorsteet.
Sentence: 10    Y bas her nu die synen vorweset unde y mer her sich gote in sulehin sachin glich machet, y mer her wirt von ym belonetp.
Sentence: 11    Die andere sache ist von des fursten wegin, der belonet wirt, [3r] wenne wer obele thun mag unde doch nicht obele tut, der ist hoch zcu lobende.
Sentence: 12    Man fynt gar(, vil, die vonr obiltetin czehin dar umme, das sie der macht nicht habin.
Sentence: 13    Worden sie abirs uff geruckt zcu wirdikeiten unde macht gewonnen, sie deten vil obels.
Sentence: 14    Dar umme sprecht Aristotiles V eticorum:
Sentence: 15    Die gewalt irczeigit den man.
Sentence: 16    Wenne nu eyn furste nicht obel tut, als her doch wol thun kunde, sunder gedencket vor eynen gemeynen nocz syner lande unde lute, do mete vordynet her gros.
Sentence: 17    Das dritte komit von der tat, da das vordinst entsteet.
Sentence: 18    Wan y mer eyn tat gescheit noch der ordenunge der nunft unde redelichkeit, y mer sie gut unde doguntlich ist.
Sentence: 19    Nu ist is gar naturlich unde redelich, das sich das teyle seteze vor das gancze.
Sentence: 20    Wenne nu eyn guter furste syn furstethum unde die synen wol vorsteet, da mete vordynet her gros, sint dem mal her sich gebit unde setezet vor eynen gemeynen nocz synes volkis.
Sentence: 21    Das virde komit von der togunt, da mete der furste das vordinst irwirbet.
Sentence: 22    Wenne is ist vil eyn grosser togunt, zcuvorwesen land unde lute wenne sich selbir.
Sentence: 23    Dar umme wirt ouch eyn guter furste, der synen landen unde luten wol vorsteet, also vil hoer lo belonet.
Sentence: 24    Das funffte komit von den sachin, die eyn guter furste handelt.
Sentence: 25    Wenne her nu keret Bynen flyßu uff syn volk unde uff die menyge der, die ym bevalen syn, do mete vordynet her gar gros, sint dem male eyne gemeyne nocze obirtritv eynen sunderlichin nocze.

Next part

This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.