TITUS
Aegidius Romanus, De regimine principum
Part No. 11
Previous part

Chapter: XI 
Capitulum XI:
Sentence: 252    Von grosmutikeit


Sentence: 253    Gut syn czweyerleie.
Sentence: 254    Eyn heißen nucze gut, als gelt unde was man mit gelde geczugen mag.
Sentence: 255    Die andern heyßen ersame gute, als ere.
Sentence: 256    Unde als denne by den nuczen guten syn zweyerleie dogunde, als mildikeit unde grostetikeit, von den hie vor gesagit ist, also svn auch by dem ersamen gute czwo dogunt.
Sentence: 257    Die eyne czuhet sich zcu grossen eren unde heist grosmutikeit.
Sentence: 258    Die ander czuhet sich zcu messigen eren unde heist libhaberynne der eren.
Sentence: 259    Nu ist is also, das etczliche nach sulehen eren nicht steen undeb heißin kleynmutig.
Sentence: 260    Etczliche steen auch dar nach obir niaße unde heißen vormessin adder uff geblasen, die also hohere wollen geert syn, wenne sie windig syn.
Sentence: 261    Unde ist beydis undogunt.
Sentence: 262    Is syn aber etczliche, die sich nicht czeen von erlichin werckin, die sie wirdiclich dun mogin, als die cleymutigen dun, die sich von sulchin werekin czehen.
Sentence: 263    Sie underwinden sich icher dinge nicht, dder sie mit wirdikeit nichts volbrengen mogen, als die auch su vorniessin dun, sunder sie halden sich an das mittel unde wirdigen sich großin sie das czemelich dun mogen.
Sentence: 264    Unde die heißin grosmutig, unde die dogunt eren, kleymutikeit unde vormessinheit, heißet grosmutikeit unde ist eyn mittel under kleymutikeit unde messiget die vormessinheit, als das sie underdruckt die kleymutikeit unde messiget die vormessinheit.
Sentence: 265    Der grosmutige hat sich als eyn ding, das vier ecken hat unde nicht kan umme fallin.
Sentence: 266    Unde dar umme irhebit sich der grosmutige nicht, ab ym gros ere adder gros glucke uff steet.
Sentence: 267    Wirt her auch geuneret adder kompt ym ungefelle, des bedrubet her sich nicht, sunder her steet alleczijt feste unde heldet sich erlich unde czemelich, was ym zcu kompt.
Sentence: 268    Aber der kleymutige uberhebit sich eyner kleynen eren unde bedrubet sich eynis kleynis ungefellis.
Sentence: 269    Das ist dar umme, das der grosmutige doguntliche werck vil hoer schaczet wenne die usseren gute.
Sentence: 270    Aber der kleymutige achtet die usseren gute hoer wenne die werek der dogunt.
Sentence: 271    Auch ist der grosmutige eyn offinbar hasser der bosen unde eyn libhaber der guten.
Sentence: 272    Her hort auch nicht gerne libkosenn.
Sentence: 273    Her achtet auch nicht, ab her gelobit adder gebessert wirt.
Sentence: 274    Wenne das heyssen als ussere gute, der her nicht grosse achtet wenne als vil, als sie dynen zcu doguntlichin werckin.
Sentence: 275    Her dut alle ding mit gutem vorrate unde gar bedechtlich.
Sentence: 276    Unde dar umme ist her nicht snolle yn synen deten.
Sentence: 277    Her scheymet sich, geringe kleyne dinge zcu dun, dar umme, das her sich zcu grossin erlichin werckin moge gebin.
Sentence: 278    Auch gebit sich der gros mutige nicht in ferlichep dinge, her sehe denne, das da von eyn gros nocz mag komen.
Sentence: 279    Disse dogunt czemit eynem itczlichin fursten wol, als, das her erliche unde doguntsame werck hoer achte wenne die usseren gute unde das her die bosen hasse unde vorfulge unde die guten lib habe unde sie ere.
Sentence: 280    Her sal sich auch nicht keren an die libekosere adder zcublaser.
Sentence: 281    Wenne fursten pflegen der vil zcu habin, die yn libekosen unde sagen, was yn wol behaget.
Sentence: 282    Auch sal her yn synen geschofftin nicht alczu rysche syn, sunder alle ding dun mit klugheit unde mit gutem rate.
Sentence: 283    Her sal sich auch nicht bekomern mit kleynen dingen, sunder mit grossin, die erlich unde wirdig syn.
Sentence: 284    Auch sal her sich nicht gebin in ferliche scheideliche dinge, her du is denne durch grosse sachin adder durch des landis not.
Sentence: 285    Denne so sal her so stete unde stargmutig syn, das her durch des glouben willin un eynen gemeynen nocz gereit sy, syn lebin zcu seczin, ab is not dete.





Next part


This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.