TITUS
Aegidius Romanus, De regimine principum
Part No. 12
Previous part

Chapter: XII 
Capitulum XII:
Sentence: 286    Von samftmutikeit


Sentence: 287    Hie vor ist gesaget, wo gebrechin adder obirflossikeit ist, da mus syn eynea dogunt, die das mittelt unde den gebrechen underdrucket unde die obirflossikeit messiget.
Sentence: 288    Sint dem male nu etczliche in der rechenunge adder pynegunge der obildeter von czornis wegin ubirflussige straffunge vor nemen als czornigen, so synd etczliche alczu weich, bose dinge unde obildeter zcu straffen, als das sie sich dar umme nicht wollin irczornen, als die unczornigen.
Sentence: 289    Unde ist beidis undogunt, wenne alleczijt weder eynen itczlichin zcu czornen unde alle ding hertlich zcu straffin ist nicht doguntlich.
Sentence: 290    Auch nommer zcu czornen unde nymande zcu straffin ist nicht lobelich, wenne ys ist weder die lere der vornunfft.
Sentence: 291    Dar umme ist is not, das eyn mittel dogunt sy, die das messige, unde das ist die dogunt, die samftmutikeit heist.
Sentence: 292    Wenne der heißet werlich gutig unde samftmutig, der alle ding nicht richtet unde doch so gancze von traffenunge nicht lesset, das her nymandis wolle straffin, sunder bewilen vorsehet, bewilen straffet nach uswysunge unde ordenunge der vornunfft.
Sentence: 293    Unde dar umme, als starkmutikeit underdrucket die fochte unde messiget die vormessinheit adder dumheit, also vordrucket auch die samftmutikeit den czorn unde messiget die unczornlichkeit.
Sentence: 294    Nu ist gar sweer, den czorn zcuvordrucken unde sulche unrecht adder beleydunge, als eynem weder faren ist, nicht zcu rechene fordere wenne nach uswysunge der vornunfft.
Sentence: 295    Unde der ist vil mehe, die da obirtretin an der rechunge, wen die, die dar an gebrechin.
Sentence: 296    Dar umme ist samftmutikeit mer geschicket, zcu stillen den czorn, wenne die unczornlichkeit zcu messigen.
Sentence: 297    Disse dogunt sollen haben die fursten, als das sie sullen gutig unde samftmutig syn, wenne sie der vornunfft unde redelichkeit mer gebruchin sullen wenne ander lute unde mynner czornen, wenne czorn vordemppet die vornunfft.
Sentence: 298    Unde dar umme czemit is eynem fursten nicht, das her sy czornig unde ungutig.
Sentence: 299    Doch sal her also gutig nicht syn, das her keyn straffunge nicht dun wolle.
Sentence: 300    Wenne das were auch nicht lobelich, wenne obildetir sal man ungestraffit nicht lassin.
Sentence: 301    Dach sal sulche straffunge gescheen von liebe der gerechtikeit unde eynis gemeynen nuezes unde nicht durch hasse.





Next part


This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.