TITUS
Aegidius Romanus, De regimine principum
Part No. 21
Previous part

Chapter: V 
Capitulum V


Sentence: 433    Wie wol die wib gemeynlich habin kintliche seten, wenne sie sint nicht also volkomener vornunft als die man, dach habin sie auch an yn eczliche ding, die zcu labene syn.
Sentence: 434    Das erste ist schemde, wenne sie syn gemeynlich scheymig.
Sentence: 435    Das kompt von ezwen sachin.
Sentence: 436    Die erste ist begerunge des lobis, unde dar umme so sin sie schemig, das sie icht vorlisin das lob, dar nach sie gemeynlich steen.
Sentence: 437    Die ander sache ist blodikeit, wenne die wib syn gemeynlich blode, unde da van syn sie auch schemig, wenne schemde ist fochte, als itczunt geseyt ist.
Sentence: 438    Die selbe schemde ist an yn lobelich, wenne durch schemde czihen sie sich vil von unczemelichin dingen, da sie sich zcu gebin, wenne sie das bant der schemde nicht vorstricte.
Sentence: 439    Aber eyn unschemig wib ist zcu aller undogunt kune.
Sentence: 440    Das ander, da van die wib zcu labin syn, das ist gutikeit unde barmherczikeit, dar zcu sie gemeynlich syn geneyget.
Sentence: 441    Auch habin die wyb etezliche ding an yn, die daf strafflich syn.
Sentence: 442    Das erste ist manchfelde unordeliche lost unde begerunge.
Sentence: 443    Das ist dar umme, das sie eyn gebrechelich vornunfft habin, die sie da von sulde czehen.
Sentence: 444    Das ander ist, das sie gemeinlich syn cleffisch unde krigisch.
Sentence: 445    Das komit abir van krancker swacher vornunfft, wenne den wyben czemet die scheymde mehe wenne die vornunft.
Sentence: 446    Wenne das sie sich eyne wyle enthalden von claffene unde von krige, das komit meher von schemde wenne von vornunfft.
Sentence: 447    Das dritte ist, das sie gemeynlich weichmutig unde unstete syn.
Sentence: 448    Das mag komen von swacheit der conplexion, wenne die sele helt sich nach der conplexion des libes.
Sentence: 449    Nu habin die wyb weich unstete hercze.
Sentence: 450    Dar umme ist ir wille unde mute auch unstete.
Sentence: 451    nde dar umme sal man sie haldin ZCU messikeit, zcu stedikeit unde zcu stillikeit.
Sentence: 452    Czu der messikeit gehorn vier ander dogunt, als kuscheit, czucht adder ersamkeit, abeczcunge unde masse.
Sentence: 453    Die wyb sullen kusch syn.
Sentence: 454    Das czemit yn zcu vorderst durch sich selbir, durch den glouben, den sie yren elichin mannen haldin sullen, unde auch durch ire kindere.
Sentence: 455    Sie sullen auch czuchtig syn, als das sie sich huten vor czeichin unde vor worten, die unczuchtig syn.
Sentence: 456    Auch sullen sie sich messigen an essin unde an drinken, das czeret sie wol.





Next part


This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.