TITUS
Aegidius Romanus, De regimine principum
Part No. 23
Previous part

Chapter: VII 
Capitulum VII


Sentence: 459    Eyn man unde nemelich eyn furste sal uff syn wyb mit alczu flißiger liebe nicht besorget syn, wenne da von komit ys, das her sie lichtlich vordencket, unde von sulchim vordechtnisse, das also von alczu grosser liebe komit, entstehen dreyerley obel.
Sentence: 460    Das erste ist, das sich der man yn ym selbir alczu sere bekommert, wenne synt dem male von sulcher liebe wegin her das wyb alczu stete yne gedankken hat unde auch in vordechtnisse, so ist sein hercze alleczeit yn engisten, unde had also vil mynner flyße zcu andern sachin unde werckin, die yn angehoren.
Sentence: 461    Das ander ist, das das wib davon wirt mehe gereißet zcu arge, wenne is ist gemeyne nemelich den wiben, das sie des, das yn vorboten wirt, allermeist begern.
Sentence: 462    Das kompt nu von unordelichir unde alle zcu flißiger liebe, die der man hat zcu dem wybe, unde von syner unredelicher vorbytunge, das sie zcu arge gereißet wirt, unde ire begerunge zcu dem vorboten dinge wirt gemeret.
Sentence: 463    Das dritte ist, das da von under man unde wyb entstehet krig unde zweidracht, wenne als das wib fulet, das sie der man ane ire schult vordencket, so mag sie das nicht gedolden.
Sentence: 464    Da van hebin sich denne krige unde scheltwort.
Sentence: 465    Dar umme sullin die manne ire wybe nicht habin yn alczu grossim flisse, liebe, hute adder yn vordechtnisse, sunder under yn sal syn eyn naturliche, lustige unde ersame fruntschafft unde liebe.





Next part


This text is part of the TITUS edition of Aegidius Romanus, De regimine principum.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.