TITUS
Lamprecht, Alexander (Basler Bearbeitung)
Part No. 75
Previous part

Chapter: 169  
Alexanders Kriegslist gegen Porus' Elefanten


Verse: 3025    Porus diessen brieff gelas,
Verse: 3026    gros ungemach es im was,

Verse: 3027    kein antwurt er im sant:
Verse: 3028    zem strite rust er sich ze hant.

Verse: 3029    die Moͤren soltten die ersten sin;
Verse: 3030    die datten im strittes fin,

Verse: 3031    die hatten helffant dar bracht
Verse: 3032    und hatten gedacht,

Verse: 3033    daz ein bergfrid truͦgen zwen,
Verse: 3034    dar uf mit wer mochten sten

Verse: 3035    fierzig Moͤren oder me,
Verse: 3036    die mengem helden datten we.

Verse: 3037    die helfang hatten oͮch den sit,
Verse: 3038    daz sy vil liutten wosten da mit

Verse: 3039    iren miulen hertte
Verse: 3040    mit slegen stiessen, wertten.

Verse: 3041    Allexander soͤllich liste da gegen erdacht:
Verse: 3042    er schuͦf, daz da gegen wurden bracht

Verse: 3043    uf wegen isnin
Verse: 3044    glüeiende siulle erin;

Verse: 3045    die schikte [er] vorhin an die schar.
Verse: 3046    die helffang stiessen mit iren miulleren dar

Verse: 3047    und wurden als sere verbrant,
Verse: 3048    daz sy alle kertten wider.

Verse: 3049    mangen dratten si da nider,
Verse: 3050    der niemer me uf stuͦnd sider,

Verse: 3051    und fluchen durch ir her dan:
Verse: 3052    nun huͦb sich der strit an.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.