TITUS
Lamprecht, Alexander (Basler Bearbeitung)
Part No. 76
Previous part

Chapter: 170  
Alexander kämpft gegen Porus (Hydaspes/ Dyaspes)


Verse: 3053     Aller erst huͦb sich die not,
Verse: 3054    wond menlich den dot

Verse: 3055    for sinen oͮgen sach bereit.
Verse: 3056    von des strittes arbeit

Verse: 3057    Allexander half den sinen do.
Verse: 3058    Porus mantte oͮch die sinen so

Verse: 3059    und die More sunderlich
Verse: 3060    'gedenkent, helden ellend rich,

Verse: 3061    daz die Krechen unendlich
Verse: 3062    je getorsten under winden sich

Verse: 3063    ze keren in unser land.
Verse: 3064    .............................'

Verse: 3065    Allexander der küene man
Verse: 3066    den vorstrit alda gewan:

Verse: 3067    des gewan sin her hochen muͦt.
Verse: 3068    die andren diuch niut guͦt,

Verse: 3069    daz sy waren durch drungen,
Verse: 3070    ze samen sy do sprungen,

Verse: 3071    mit grime begunden sy sich weren
Verse: 3072    [gegen] den kreichschen hern

Verse: 3073    mit mangem bogen.
Verse: 3074    daz buͦch hab den gelogen,

Verse: 3075    die Kreichen und ir her genos
Verse: 3076    weren bliben siglos

Verse: 3077    wan die sul erin
Verse: 3078    und daz alle zit vor in

Verse: 3079    Allexander mit krefften streit.
Verse: 3080    .............................

Verse: 3081    .............................
Verse: 3082    Porus zuͦ den sinen sprang

Verse: 3083    und mantte sy sere zuͦ der not
Verse: 3084    '..............................

Verse: 3085    duͦnt den vinden wider sacz
Verse: 3086    ..............................

Verse: 3087    und wagen künlich den lib,
Verse: 3088    den daz man unser toͤchttren und wib

Verse: 3089    geschantte vor unsren oͮgen
Verse: 3090    und uns triben us unsrem lande.

Verse: 3091    sy müegent sich niut genern
Verse: 3092    ...............................

Verse: 3093    mit ir untriuwer wisheit
Verse: 3094    ...............................

Verse: 3095    rechent Daryus dot.
Verse: 3096    ..............................'

Verse: 3097    als Porus die red
Verse: 3098    ... gedet,

Verse: 3099    ze hant man die Moͤren
Verse: 3100    sach geboren

Verse: 3101    fromklich
Verse: 3102    und die andren von sin rich:

Verse: 3103    ze samen si do drungen,
Verse: 3104    sy woren noch unbetungen

Verse: 3105    niuwe krafft.
Verse: 3106    Porus und sine ritterschaft

Verse: 3107    zeigtten Allexander do,
Verse: 3108    daz si noch strittes worent fro:

Verse: 3109    si trungen uf die Kreichen
Verse: 3110    und machten mangen siechen,

Verse: 3111    den kein arzat moch ernern.
Verse: 3112    ..............................

Verse: 3113    daz was krafft wider krafft
Verse: 3114    von der besten ritterschaft,

Verse: 3115    die do mochten leben.
Verse: 3116    ..............................

Verse: 3117    vil manger muͦst dem andren geben,
Verse: 3118    bede lip und leben

Verse: 3119    gar ane schulde.
Verse: 3120    es mocht nieman haben hulde,

Verse: 3121    den der sich mit kraft erwert
Verse: 3122    und sich der in not ernert.

Verse: 3123    bis an den zwenzigosten dag
Verse: 3124    der Kreichen vil dot gelag;

Verse: 3125    wie hart der sturm were:
Verse: 3126    müedes manes geberde

Verse: 3127    sach man nienen under in,
Verse: 3128    zuͦ manheit stuͦnd ir aller sin.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.